مطلوب كافة المعلومات عن Vectra A 2000 cc
اولا السلام عليكم ورحمة الله وبركاته
اعرفكم بنفسي
انا عضو جديد هنا في منتدي اوبل
انا اساسا عضو في منتدي سيات
انا بقالي كام يوم متابع الموضوعات هنا ولاحظت نشاط الله اكبر عليه من المهندس طناني
بحب الأوبل اوي بالزات Vectra A,B and Corsa
اخويا ناوي شراء اوبل فيكترا موديل 1995 وراشقة في نافوخه الأوتوماتيك ال2000 سي سي
انا بصراحة حاولت ادور علي النت عليها عشان اعرف معلومات عنها
كل الي عرفته ان نزل منها مواتير كتير اوي بداية من 1400 لحد 2000 وكمان نزل منها ديزل ونزل منها دفع رباعي
وال 2000 بتاعها في منه SOHC و DOHC
سيبك من كل الي قريته
انا عايز ارائكم انتم
بصراحة هسأل كام سؤال بس اعذروا جهلي يعني من غير تريأة علي اسألتي حتي لو فيها حاجات صغيرة وهايفة
من حيث المواتير
1- هل الأوتوماتيك في منه 1600 ؟؟
2- هل نزل منها كاربراتير ولا كله انجيكشن ؟؟
3- طب هل نزل منها انجيكشن 2000 من غير كمبيوتر تحكم ؟؟
4- الي نزل عندنا مصر الSingle over head cam SOHC ولا ال Double over head cam DOHC
وايه الفرق بينهم من حيث القوة والأستهلاك ؟؟
من حيث العربية نفسها
المصري والألماني
نزل منها مصري ؟؟؟؟ وموديل كام ؟؟؟
من حيث الكماليات
الأوتوماتيك بتاعها الكاملة
هل فيها سقف كهرباء ؟؟
هل فيها مرايات ؟؟ انا عارف ان فيها مرايات بالكهرباء بس انا بسأل بالعكس يعني هل نزل منها من غير مرايات كهرباء ؟
هل فيها مساعدين لحمل الكبوت ؟؟؟ ولا الحمالة الحديد ؟؟؟
هل الشنطة فيها نور ؟؟؟
هل نور الصالون فيه Delay ولما بيقفل بيقفل بسرعة ولا علي الهادي ؟؟؟
هل فيها نور صالون منفصل عن الأبواب للقراءة ؟؟؟
من حيث الأستهلاك
استهلاكها قد ايه في الصفيحة لل2000 الأوتوماتيك الأنجيكشن
من حيث الرحابة
تسع لكام شخص بالغين مرتاحين في الكنبة الخلفية ؟؟؟
حجم الشنطة ؟؟؟
من حيث قطع الغيار
هل متوافرة جديدة واستيراد والأسعار ولو أمثلة علي السيرفيس زي الفلاتر والسيور والتيل
من حيث العيوب الشائعة
انا سمعت ان فيها عيوب في التبريد والفتيس الأوتوماتيك
من حيث السعر واعادة البيع
هل بتجيب فلوس ولا مش مرغوبة؟؟؟
انا أسف علي الأطالة وطلباتي الكتير
بس انا عشمان فيكو
انشالله حتي لو كل عضو كتب حاجة واحدة هتعملوا تقرير شامل عن العربية
واسألتي الكتير دي ليها اسباب
ان اخويا ماشاء الله كل العربيات الي ركبها كانت عربيات صالون كاملة من سيليو 95 كاملة ل ليجانزا 2000 كاملة ل مرسيدس 230 كاملة
وبالتالي عايز مستوي معين من الكماليات علي الأقل زي الموجود في الليجانزا ال2000 الأوتوماتيك الكاملة
كل عام وانتم بخير
والله المستعان
،
،