السلام عليكم ورحمة الله وبركاته
اللهم صلى على سيدنا محمد وعلى اله وصحبه وسلم
افضل صلاة وافضل تسليما
عليك يا حبيبى يا رسول الله
صلوا عليه وسلموا تسليما
اخوانى واخواتى الاعزاء ارحب بيكم واحيكم واحب اقولكم كل سنة وانتم طيبين بمناسبة قرب كحك العيد والبيتى فور والبتى بان وكله بالسمن البلدى :) "لسنا الوحيدون ولكننا المتميزون"http://dvd4arab.maktoob.com/smile1/mdr.gif
واستكمالا لمسيرة العلم و التعاون واعلاء شأن قسم البنوك المصرفيين كمنارة للعلم والعطاء فقررنا نحن رئيس جهاز مخابرات المنتدى اللواء العميد الملازم مصرفى "ب" "خ" "ح" وكل الالقاب عمل الموضوع التالى :)
اكتشف عالم التزوير والتزييف ولو سمحت مخمخ معايا فى الموضوع لانه مش مقتصر بس على موظفين الخزنة ولكن اى حد فى اى مكان لازم يبقى عارف المعلومات دية لاننا كل بنتعامل بالعملات بتاعتنا ولازم يبقى عندنا الوعى الكافى اللى نميز بيه العملات المزيفة من العملات الحقيقة اللى بنتعامل بيها فى حياتنا اليومية
ان شاء الله الموضوع متجدد وهيبقى شامل كل حاجة عملات مصرية كل الفئات وعملات اجنبية اخرى كل الفئات
برجاء التفاعل والتقييم اعلى الموضوع
........................
......
..
.
انهاردة ان شاء الله هناخد فئتين(عملات مصرية) وكل مشاركة ليا هاخد برضو فئتين او على الاقل فئة
مع العلم ان الموضوع هيدرج فيه صور اخدتها بنفسى لعملات مزيفة من اللى اكتشفتهم اثناء عملى على الشباكhttp://dvd4arab.maktoob.com/smile1/18.gif
اولا ناخد فكرة عن الفئتين 100 و 50 جنية المصرى
بس ياريت تجيب ورقتين "واحدة بخمسين وواحدة بمائة" علشان تطبق عملى معايا
اولا فئة 100
الابعاد :16.5 سم * 7 سم
الواجهه الرئيسية عليها مسجد السلطان حسن ويظهر على والوجه برضو رقم متسلسل "سيريال " مرة على اليمين ومرة على الشمال ودة فائدته انك لما يتقطع منك نصف الورقة ويضيع منك تقدر تروح البنك المركزى وتسترد النص اللى معاك بخمسين جنية علشان لو انت لقيت النص التانى فى اى وقت تقدر ترجعه وتاخد خمسين جنية تانية
هتقولى طب لية مش باخد قيمة الورقة كامله هقولك لو البنك ادالك قيمة الورقة كاملة يبقى كل يوم تقطعلك 100 الف جنية نصين تغير نص انهاردة ونص بكرة و100 الف يبقو 200 الف فى يومين
يا بلاش ربح 100% خلال 14 ساعه ولا تجارة المخدرات :))
علشان كدة نص ورقة العملة = قيمة نص الفئة والقاعدة بتتطبق على كل الفئات
ودية عينة من الورقة فئة 100 جنية الاصدار الاخير
تاريخ العدد 13/11/2000
http://a7.sphotos.ak.fbcdn.net/hphot..._3587785_n.jpg
الوجه
http://a2.sphotos.ak.fbcdn.net/hphot...1_664609_n.jpg
الظهر / الخلف
ودة اصدار اقدم بتاريخ / عدد 15/11/1994
http://a1.sphotos.ak.fbcdn.net/hphot..._7265664_n.jpg
الوجه
http://a5.sphotos.ak.fbcdn.net/hphot..._7052032_n.jpg
الظهر / خلف
ودة اصدار اقدم تاريخ / العدد 15/5/1979
http://a6.sphotos.ak.fbcdn.net/hphot..._5656344_n.jpg
الوجه
http://a6.sphotos.ak.fbcdn.net/hphot..._6612550_n.jpg
الظهر / الخلف
كل الفئات باصدارتها السابقة صالحة للتداول حتى اللحظة و مفيش ولا فئة من دول سقطت قيمتها
نيجى بقى لحتة التزييف
الصورة اللى جاية فعلا حقيقية من تصويرى ومن العملات اللى المزيفة اللى انا اكتشفتها اثناء عملى وانا بعرضها انهاردة من اجل التوعيه العامة و النفع لتقليص حجم الخسائر التى تسببه العملات المزورة باقتصادنا القومى
نركز شوية مع بعض
http://a3.sphotos.ak.fbcdn.net/hphot..._2169898_n.jpg
الورقة على اليمين سليمة (بنكنوت) / الورقة على الشمال مزيفة
اول ملاحظة ان الالوان على الشمال باهته وفى نفس الوقت فاقعه
http://a3.sphotos.ak.fbcdn.net/hphot..._5305557_n.jpg
الورقة لوحدها من الوجهه
كلنا نركز ونحاول نطلع الفرق قبل ما نشوف الشرح تحت علشان تختبر مدى معرفتك بالعلامات التأمينية او علامات السلامة
يلا نشوف الفرق بين الاتنين واية هية العلامات التأمينية
دية ورقة سليمة
http://a5.sphotos.ak.fbcdn.net/hphot..._7739900_n.jpg
رقم مائة بيظهر لما ترفع الورقة فى الضوء النافذ ودية اصعب الحاجات اللى بتتقلد فى فئة 100
وغلبا مش بتبقى موجودة فى المزيفة
لاحظ كمان العلامة المائية "رسمه ابو الهول" ما تقدرش تشوفها غير لما ترفع الورقة فى الضوء النافذ
تعالى بقى نشوف شكلها فى الورقة المزيفة
http://a1.sphotos.ak.fbcdn.net/hphot..._7592611_n.jpg
هتلاحظ انى حطيت حاجة معتمه (ماوس باد لونها اسود) تحت الورقة وبرضو العلامة المائية المزيفة واضحة جدا زى ما هو واضح فى الشكل "توت عنخ امون" بدل ابو الهول من غير ما نحطها قدام الضوء النافذ ودية حاجة بتدل على ان الورقة غير سليمة لان المفروض العلامات المائية انها بتظهر فقط من خلال الضوء النافذ
ثانيا الرسمة واصحة جدا انها مقلدة او مرسومة بالكمبيوتر وليست طباعه بانكنوت
ملحوظة
الورقة البانكنوت عبارة عن ورق بردى معمول من عجينة لها مواضفات خاصة والورقة الواحدة عبارة عن طبقتين بيتخللها معظم العلامات التأمينية
نشوف كدة تانى
http://a4.sphotos.ak.fbcdn.net/hphot..._5701355_n.jpg
.
طيب يلا نشوف العملة المزورة فى الضوء النافذ
http://a4.sphotos.ak.fbcdn.net/hphot..._7477055_n.jpg