المشاركة الأصلية كتبت بواسطة king516
ياجماعه واحده واحده الكلام مش كده خالص بالراحه كل واحد حر واللى عايز يشترى يتفضلو اللى مش عايز فليقل خيرا او ليصمت ولا ايه
وبعدين انا عايز اقولوكوا موقف غريييييييييب جدا جدا اغلبكوا مش هيصدقوا انا عارف لكن ده اقسم بالله اللى حصل :
والدى معاه عربيه 132 1600 ( 2000 كداب ) اللى يعرف فى الفيات هيفهمنى المهم العربيه موديل 78 خد عندك بقى :
1- اتقلبت بوالدى سنه 2000 بطريق السويس 3 مرات ووالدى الحمدلله خرج سليم ولكن غيرلها نص كامل خلفى - كارونا - فتيس - رشه جوه وبره ( بويه ميتالك جوه وبره تخيلوها انتوا بقى )
2 - والدى خبطها كام خبطه حلوه وجامده وجددها سنه 2004 بتغيير لونها - عمل عمره للموتور - رشها جوه للمره التانيه - طقم كاوتش - باور - تكييف - انذار سنتر
3- اتجددت بعدها حوالى مرتين تلاته لكن حاجات خفيفه
4- اخر مره واكبر مره كانت فى شهر رمضان 2010 وحصل الأتى ( تغيير لون بره وجوه للمره ال3 - طقم كاوتش جديد - موتور جديد استيراد - فتيس جديد استيراد - كارونا جديده استيراد - اربع مساعدين - سست جديده - العفشه كلها جديده - طقم صوت غالى جدا جدا بالنسبه لعربيه زى دى 4 سماعات سونى + كاسيت بيونير لكن باظ من كام يوم - كارتيرات جديده - تغيير للفوانيس بالكامل - تغيير ارضيه بسبب البارومه - فرش جلد ب500 ج من سبير كار - الخ - الخ )
واقسم بالله اتكلفت اكتر من 18 الف ج وجاله فيها 22 الف رفض يبعها ولو 100 الف
على الرغم من ان اخويا الأصغر معاه نيسان سوبرصالون 2010 وانا كان معايا سيراتو 2008 الشكل القديم بجانب ال128 وبعتها واشتريت اسبرانز 516 زيرو وهبيعها اليومين دول واجيب حاجه احسن لأنى مش عشرى مع العربيات
فالمسأله ممكن تسموها جنان او رمى فلوس فى الأرض على عربيه متستاهلش لكن انا بسميه حب للعربيه بطريقه ابديه واسف على الأطاله لكن حبيت اوضحلكوا بس موقف كده والله شاهد على كل حرف كتبته