السلام عليكم جميعا اولا
انا عندى مشكله ولان دى اول عربيه اركبها فاتمنى ان حد يقولى المشكله ممكن تكون فين قبل ما اروح للميكانيكي علشان انا واثق انه ممكن يكبر فى الموضوع بما انى مش فاهم اوى وشكر لكم جميعا .
المشكله هى كالتالى : لما اكون ماشى بالعربيه ونقلت للاول ومشيت وبعدين نقلت للتانى وبعدين للتالت وهكذا الرابع تيجى بقا تنقل للخامس ادوس دبرياج على الاخر وانقل للخامس الفتيس ينقل فى مكانه الطبيعى للنقله الخامسه واشيل رجلى من على الدبرياج وادوس بنزين العربيه تعمل حاجه غريبه جدا اسمع صوت الموتور عالى واكان فى ترس بيخبط فى ترس بس من غير ما العربيه تمشى على الخامس يعنى بالعربى لما اجيب الخامس وادوس بنزين اكنى بالظبط دايس بنزين وانا ممور .
ارجو ان حد يكون فهم مشكلتى ويفيدنى . وشكرا جدا .