الولايات المتحدة الأمريكية تقع في قارة اوروبا
طبعا تفاوت المراحل العمرية في المنتدي هيخلي النقاش فيه كذا زاوية و دي حاجة كويسة
ايه رأيك في الشباب دلوقت ؟
صحابك - اولادك - جيرانك .. اولاد صحابك .. اي شباب بتتعامل معاهم
انا عامل الموضوع ده بس لأن كل يوم بكتشف ان جيلنا اللي عنده عشرين سنة دلوقت (علي مشارف التخرج يعني) و اللي بعده .. في مأزق حقيقي ! لأنه لا يفقه البطيخ !
انهاردة في محاضرة في الجامعة الدكتور بيسأل "أمريكا" في قارة ايه .. !
سؤال سهل جدا من باب التريقة .. و احنا المفروض طلبة في 3 إعلام و مثقفين و عارفين ولو معلومات قصاصات الورق عن اللي بيحصل في الدنيا .. و لكن الراجل خد صدمة عمره
الطالبة رقم 16 اللي قالت الإجابة الصحيحة (ايووووة زي ما قريت كدة 16) مرورا بإجابات معظمها اجمع ان امريكا تقع في قارة اوروبا و تشترك في الحدود مع انجلترا عشان كدة مشتركين مع بعض في العدوان علي العراق (شوف الحداقة .. يجيبوها و هي طايرة!)
و فعلا الجامعة بقت مش أكتر من فسحة زي ما قريت أحد الأعضاء كاتب في موضوع أخر .. و مشكلة جيلنا انه متخيل انه فاهم كل حاجة ! و أنه الجيل الذي لا يقهر و سينقذ مصر من غياهب الظلمات !! و في الأخر .. أمريكا في قارة اوروبا !
يا ريت أسمع أرائكم .. و توقعاتكم لجيلنا .. و هل في فرصة لأنقاذ الجيل ده ولا خلاص عليه العوض نشوف اللي بعده