شيئ غريب والله
كل يوم يطلع واحد بدون اي دليل حقيقي ويقول
كلام عجيب عن اي سلعة تخطر في بالة ويرص
كلام مالة اي اساس من الصحة.
مين السادة الدكاترة المذكورين في المقال دول؟
وظائفهم اية وأماكن عملهم فين؟
ومين هو المعهد البريطاني دة؟
وفي اي بلد او موجود فين في مصر؟
والدكتور هاني مراد كاتب الموضوع دة
"لو لاحظتوا انة هو كاتب الموضوع"
والدكاترة الأفاضل اللي كلفوا نفسهم وأشتروا
600 زجاجة من مصادر مختلفة وحللوها
(شوف انت بقي التكلفة قد اية وعلي حساب مين)
لماذا لم يكلف اي واحد نفسة ويعمل للمصلحة العامة اللي
بينادي بيها و بلغ اي جهة رقابية بالموضوع زي وزارة الصحة
او حتي بلاغ بالقسم او حتي حماية المستهلك
انما اكتفوا بأن يبلغونا ويقولولنا خدوا بالكم بس وحذروا أي واحد تعرفوة
رغم ان معاهم 33 زجاجة دليل علي كلامهم وكمان تحاليل
اكثر من معمل ، والتحاليل طبعا مطبوهة وموثقة (يعني دليل دامغ)
بنفس الوتيرة دي ونفس المنوال وصلني برضة علي الأيميل
من كام يوم عنوان وهمي عجيب يشد اي مسلم (بالذات المسلمين)
وهو "مليار مسلم يشربون مياة غازية بها خنزير"
والتفاصيل انة برضة من كام سنة اكتشف احد العلماء ان مادة
البيبسين يدخل في تكوينها عصارات من معدة الخنزير
طبعا بدون ذكر اي دليل يمكن الرجوع الية او حتي شخص معروف
يمكن انة يصحح الموضوع او يردة كلة
الظريف انة مدلل علي ان البيبسي والكوكاكولا لو وضعت علي
قطعة من اللحم او الكبد تغير لونها لما فيها من مواد كيميائية!!!
ماهي طبعا حاتتغير لأن فيها أحماض زيها زي لو عصرت علي
اللحمة او الفراخ ليمونة او حطيت شوية خل او حتي شوية
زبادي رغم انة مصنوع من الحليب.
وطبعا في نهاية الأيميل مطلوب نوزعة علي من نعرف ومن لانعرف حتي
نكسب الثواب.
ياجماعة المفروض قبل ماننشر اي شيء لازم نتحقق وندقق بالعقل
والتروي كدة علشان مانشغلش بالنا في مالايفيد ويقلق المجتمع وهو مش ناقص
أتأكد من الكلام ولو في نسبة من عدم المعقولية لاتنشراو تنسخ كلام اي
شخص اخر بدون دليل حقيقــــــــــــــي
الموضوع مش أهمية النشر او السبق في الأعلان عن شيء لايعرفة
الأخرين مهما كان كمية الفرقعة فية
واسف علي الأطالة