عرض للطباعة
مبدئيا ان شاء الله نويت اجيب عربية جديدة السنة دي وانزلها مصر بعد 5 سنين ..
بس محتاجة حد يساعدني في حساب جمركها عشان انا حاسة انها هتقف عليا بخسارة ..
وبصراحة قريت كل مواضيع الجمارك اكتر من مرة بس بتوه ومش بعرف احسبها ..
شيفروليه كروز 2011 اوتوماتك .. 1800 cc سعرها هنا 4300 دينار اي ما يعادل 94 الف مصري
ان شاء الله انزل بيها بعد 5 سنين (يعني الحد الاقصى للتخفيض اللي هو 30 % )
وممكن برضه اعرف سعرها في مصر كام ؟
الكروز اللى فى مصر محركها 1600 سى سى , مانيوال كاملة ب121.500 الف جنية
اتوماتيك فاضية ب131.500 الف جنية
اتوماتيك فول اوبشن ب 141.500 ( هاى لاين )
اتوماتيك فول اوبشن 150.500 ( توب لاين )
وفية فئة اتوماتيك فول اوبشن ( توب لاين ) بس هاتشباك ب160.500 واسمها كروز هاتشباك ls
دية اسعار الكروز عندنا بمختلف فئتها
بالنسبة للجمارك ال 1600 هية اللى بتبقى الى حد ما معقولة فى السعر لكن ال 1800 هتدفعى كتير جدا ممكن تقف عليكى فوق ال160 الف
خليكى فى ال1600 احسن
فيه في امريكا كروز 1.4 تربو نفس قوة ال1.8 و اكيد الجمارك ارخص
لو موجوده عندك حتكون افضل بكتير
مش هتنفع خالص شوفي حاجة 1600 يعني انسي السيفيك والكروز
لان الجمرك هيبقى خرافي + مش هتلاقي هنا ليها قطع غيار خالص
ممكن تكلمي القنصل التجاري وتستفسري هيدوكي المبلغ بالظبط
تحياتي
المشكلة ان مفيش اوبشن ال 1600
اللي موجودة هنا 1800 بس
الفكرة ان كل لما نروح نسأل في معرض يقولولنا هي هي .. لو جبتها 1800 ونزلتها بعد 5 سنين هتبقى كأني منزلة 1600 زيرو
للاسف كده هصرف نظر عن العربية
الف شكر على الاسعار ..اقتباس:
المشاركة الأصلية كتبت بواسطة semsem kane