ايه الحل لحماية الاطفال فى مرحلة الحبو؟

**dolly13** · 03-09-2011 01:21 PM

لا انصح حضرتك بفكرة الفرفورجيه دى خالص لان اى وقعة بجانبه ممكن تسبب كدمات لكن المفروض انه مصنع من خشب خفيف ولا يوجد به اى بروزات نهائيا . بالتوفيق

**Dr_Mido** · 03-09-2011 01:23 PM

حديد او خشب او بلاستك صعب اولا حديد او خشب صعب لانه ممكن يعور الاولاد يبقى فى بلاستك ودة لو مش متفنش عدل يبقى ملوش لازمه انا كنت موجود وولاد خالتى بيحبو بص اولا غيرتا كل فيش البيت بنوع مقفول مبيفتحش الا اما تدخل جسكين فى الفتحتين مع بعض غير كدة لا تانى حاجه جبنا موكيت اسود للاوضه بتاعتهم ودة بيبان عليه اى حاجه فى الارض ده غير ان محدش بيدخل الاوضه بحاجه تعور اساسا و جبنا النجا عمل باب الاوضه نصين كل نص بمفصلتين وممكن تفتح اى نص من الاتنين او الاتنين مع بعض النص اللى تحت كان براوز خشب وجواة بلاستك مقوى شفاف و كنا بنسيبهم جواها ومكنش فى مشكله منهم

**أحمد الجندى** · 03-09-2011 06:32 PM

المشاركة الأصلية كتبت بواسطة dolly13

حضرتك ممكن تشوف الافكار دى فى صيدليات العزبى على مااتذكر انى شفتها عندهم من كذا سنة وربنا يحمى الاطفال فى الفترة الصعبة دى

أنا ناوى على انى انزل الف لفة على محلات الاطفال وبالمرة اشوف الصيدليات الكبيرة

المشاركة الأصلية كتبت بواسطة dolly13

لا انصح حضرتك بفكرة الفرفورجيه دى خالص لان اى وقعة بجانبه ممكن تسبب كدمات لكن المفروض انه مصنع من خشب خفيف ولا يوجد به اى بروزات نهائيا . بالتوفيق

أنا برضو صاحبى اللى شغال فى الفرفروجيه قالى ان الحديد مش مستحب لانه ممكن يعمل اصابات جامدة فلما قلتله انى جبت الفكرة من موقع على الانترنت قالى ممكن يكون الومنيوم لانه اخف .

على العموم أنا كان جه فى بالى فكرة لحل مشكلة الخشب أو الحديد وهى عمل بطانة وده أنا عامله فى سرير البيبى من ايام بنتى وهى رضيعة ولسه بستخدمه لغاية دلوقتى

أو ممكن يبقى جزء من السياج حديد أو خشب والباقى بلاستيك أو خشب خفيف زى الابلاكاش هو الموضوع محتاج سؤال نجار علشان يديلنا مقترحاته كويس

المشاركة الأصلية كتبت بواسطة dr_mido

حديد او خشب او بلاستك صعب اولا حديد او خشب صعب لانه ممكن يعور الاولاد يبقى فى بلاستك ودة لو مش متفنش عدل يبقى ملوش لازمه انا كنت موجود وولاد خالتى بيحبو بص اولا غيرتا كل فيش البيت بنوع مقفول مبيفتحش الا اما تدخل جسكين فى الفتحتين مع بعض غير كدة لا تانى حاجه جبنا موكيت اسود للاوضه بتاعتهم ودة بيبان عليه اى حاجه فى الارض ده غير ان محدش بيدخل الاوضه بحاجه تعور اساسا و جبنا النجا عمل باب الاوضه نصين كل نص بمفصلتين وممكن تفتح اى نص من الاتنين او الاتنين مع بعض النص اللى تحت كان براوز خشب وجواة بلاستك مقوى شفاف و كنا بنسيبهم جواها ومكنش فى مشكله منهم

ياريت يا دكتور تقولى على الفيش دى لانى كنت جيبت حاجة زى سدادات بلاستيك تتحط فى البريزة بس بنتى كانت بتعرف تطلعها من مكانها

اما فكرة الاوضة المخصصة للعب الاطفال فدى طبعا مناسبة بس مش حاتنفع فى حالتى

**Ayman-Ahmed** · 03-09-2011 08:21 PM

اه يا اعصابى اللى متكهربة علطول.والله يا افندم مش عارف اقولك ايه بس انا قسمت المهام انا ووالدته بمعنى اننى لو فى البيت والباشا عاوز يحبى لبرة الاوضة بتابعه ولو مش موجود بتقفل عليها الاوضة خالص ومتخرجوش منها.

الحاجات اللى فى الارض واللى تقلق حلها بسيط.مكنسة كهربا وكل يوم ويوم بنشفط اللى على الارض وكان عندى شوية تحف ورفايع على الطرابيزات.كله اتشال واترفع على حاجة عالية.

موضوع ان حضرتك تحدد منطقة لعب احنا محبنهاش لان الطفل فى السن ده عاوز يكتشف ويتعلم وده بينمى قدراته اكتر بمعنى لما بلاقيه بيحبى بمشى وراه بقوله مثلا كدة لا وده لا وده ماشى وبرافو وبشاورله بايدى وصباعى واقوله ده اسمه ايه وهكذا.

ربنا يسترها على الجميع بامر الله وربنا يبعد عنا ما يكرهه.