الشرطه السعوديه في الحرم النبوي الشريف..حدث امام عيني

**aboomar22** · 02-09-2011 06:03 PM

انا عشت فترة فى السعودية وهقولك هما اتعودوا انهم بتعاملوا مع كل شخص بجنسيتة يعنى هندى سيرلانكى تايلاندى يضربوه ويهنوه ومش هيرد انا حدث معى موقفين مرة كانت امى فى المدينة وكنا امام قبر رسول الله عليه الصلاه والسلام وهى بتحاول توصل قريب للقبر جه العسكرى وزقها راح والدى مزعق فيه جامد لاقيت كل المصرين اتلموا وكانوا هيكلوه المهم واحد قراءة الايه الكريمة يا أيها الذين آمنوا لا ترفعوا أصواتكم فوق صوت النبي ولا تجهروا له بالقول كجهر بعضكم لبعض أن تحبط أعمالكم وأنتم لا تشعرون والناس خلصوا الموضوع المرة الاخرى كنت باعمل فى الهوليدى داى ان وكنا فى فترة اغلاق للمكان وجه ضابط سعودى وعايز يتراخم ويدخل ويقول لا افتحوا انا ضابط المهم اتصلت بالمدير العام وكان مصرى امريكى وهما فى المنشات الكبيرة بيحطوا مديرين عرب ومعاهم جنسيات امريكية او بريطانية للظروف المهم اول لما انزل قاله امشى ياواد من هنا لحسن انزل اضربك بالجزمة الضابط قرب ليا وسالنى ده جنسيته ايه قولت له امريكى عمل ان الكلام مش ليه وانه بيدور على حاجة وخرج من سكات

**koheya** · 03-09-2011 12:23 PM

مش عارف لية كل الردود متجهة ان الشاب اضرب لانة مصرى.صاحب الموضوع نفسة قال ان الشرطى ما سالش الشاب عن جنسيتة.

**MASERATI** · 03-09-2011 02:58 PM

السلام عليكم و رحمة الله و بركاته

أنا كنت عيشت فى السعودية 3 سنين و كنت شغال حكومة و ده بفضل الله, جنبنى المشاكل بتاع القطاع الخاص, و اللى أنا أدركته يقينا, أن لسه الثورة ما استردتش للمواطن المصرى حقوقه و كرامته, لأن مافيش كرامة لانسان ضعيف و مش لاقى ياكل و حط فوق ده كمان, أنه بيتصرف أحيانا تصرفات غبية توقعه فى مشاكل هو و غيره من المصريين.

المسألة ببساطة, أن المواطن السعودى فى السعودية أو الخليجى عامة فى بلده الخليجى بيكون فى مكانة معينة على السلم, ليس الأعلى على الطلاق و ده من خيبتهم, أنهم حتى فى بلدهم, الا أنهم ليسوا الأعلى و يقع أسفل منهم جنسيات معينة, كلنا عارفينها و يقع أعلى منهم جنسيات تانية, أكيد برضه كلنا عارفينها كويس أوى, و طول ما أنت من الجنسيات اللى تحت, سايس أمورك و استخدم عقلك فى ادارة شؤون حياتك, لأن فى البلاد دى, أنت ماحيلتكش غيره و اذا ربنا كرمك و بقيت من الجنسيات اللى فوق, ابقى اديهم باللى فى رجلك سواء كنت فى بلدهم و لا بره بلدهم, لحااااااااااااااااااااد ماتلاقى واحد منهم محترم و دول للأمانة, أنا قابلت منهم كتير, ابقى شيله على دماغك و ساعتها, هتبقى أنت شايله على دماغك لأنك محترم و ابن ناس, مش لأنك خايف منهم.

الكلام ده سارى, حتى يقضى الله أمرا كان مفعولا و الأمور الاقتصادية تتحسن فى مصر و مايبقاش الخليج هو الملاذ الأوحد للمصريين عشان يلاقوا ياكلوا, ساعتها الأوضاع هتتبدل كتير ان شاء الله.

أومال أنا هاجرت ليه !!!!!!!!!!!!!!!!!!, أنا لا عمرى كنت بأفكر فى الهجرة و لا كنت ههاجر, بس الظروف بأه.

و دينى, بس أقابل حد منهم فى كندا و أنا ها..............خه

.

الظريف فى الموضوع بأه, أن أختى المصرية لما أنجبت طفل فى كندا كانت بتدور على Daycare (جليسة أطفال) عشان توديله ابنها على ماتروح الشغل و تيجى و ربنا يسرلها أنها تلاقى واحدة مسلمة و متدينة و محترمة و 100 100 و كانت بتودى ابنها عندها ب 20 دولار فى اليوم و طلعت قال ايييييييييييييييييييه ................ سعودية, أصل جوزها كان بيدرس هناك فى كندا على حساب الحكومة السعودية و الظاهر أنها حبت تشغل وقتها

.

**raedegypt** · 03-09-2011 03:05 PM

المشاركة الأصلية كتبت بواسطة moudy88

السلام عليكم ورحمة الله وبركاته ...عيد سعيد عليكم وعلى كل المسلمين ..

انا بقضي الاجازه الصيفيه بقالي شهر ونصف في مكه المكرمه عند اهلي ..والحمد لله والشكر له ...قضيت رمضان على افضل وجه في الحرم المكي ..وده فضل من ربي سبحانه وتعالى
وخلال تلك الفتره كانت احتكاكاتي خفيفه بالاخوه السعوديين ولكن كانت احتكاكات كويسه .. في الحرم كان فيه مواطنيين سعوديين يمرون عليك بعد صلاة التراويح بالتمر والقهوه والعيش والمأكولات الخفيفه ..والحمدلله قضي رمضان وانا في غاية الرضى عن السعوديه ....لكن للاسف لم تمر الايام كما كنت اتوقع
ففي ثاني ايام عيد الفطر قررت اصطحاب جدتي وامي للذهاب للمدينه المنوره
والحمد لله نزلت النهارده اصلي الظهر في الحرم النبوي الشريف ..ولحقت مكان في الروضه الشريفه وصليت فيه ..وبينما كنت في طريقي للخروج ..اذا بمشهد لم اكن اتوقعه ...ففي الحرم النبوي يتم فصل الروضه الشريفه عن باقي الحرم بقطع قماش كبيره لمنع التكدس داخل الروضه ولاغلاقها على من فيها حتى لايحدث ازدحام ..وبعد انتهاء الصلاه كان هناك تكدس على الفاصل القماش فالجالسين في الروضه يريدون الخروج لباقي الحرم والجالسين في الحرم يريدون الدخول الى الروضه ..المهم ..شاب مصري في العشرينات وشكله من المقيمين يتبرع بفعل فهلوي مصري ويقوم بفعل اغبى من الغباء ..وهو فصل الستار القماشي الفاصل بنفسه ..مما سيتسبب في حدوث تكدس رهيب ..المهم ان عسكري سعودي شافه ..وقام نط من فوق الستار ونزل ضرب في الشاب المصري ..وضربه في وشه بالبوكسات وضربه في صدره وجرجره الى مكتب الشرطه وهو بيضرب فيه بمنتهى الوحشيه ..لدرجه ان الشاب لما دخل انهار من البكاء ..انا كنت مراقب الموضوع من اوله ..وبصراحه دمي كان بيغلي من منظر الضرب ..والمصريين كانوا كلهم بيتفرجوا وبيترجوا العسكري انه يسامحه ويعفو عنه ..وبعد لما ادخله مكتب الشرطه ..انتهت حكايته وابتدت حكايتي انا

انا دمي كان بيغلي وحاسيت اني لو سكت هبقى سلبي ..وحتى لو الواد المصري عمل فعل غبي ..لكن مايستحقش الضرب والاهانه الوحشيه دي لدرجة انها تخلي شاب يبكي

روحت ل2 عساكر واقفين على باب الروضه بجانب مكتب الشرطه (باب الحرم الخارجي للروضه ) روحت كلمت واحد منهم بأنفعال لكن بمنتهى الادب والاحترام وقولتله ...ازاي عسكري يضرب المصلي كده بالوحشيه دي وازاي يعتدي عليه ..لقيته رد عليا وبيقولي

يستحق اللي حصل له لانه حيوان مش انسان ..وانت ايه دخلك ..
قولتله لا هو انسان مش حيوان
قالي انجلع من قدامي (يعني غور من هنا ) قبل لما اخدت واعمل فيك زيه ووقفك جمبه ..ومسك دراعي وشدني وشتمني
قولتله احترم نفسك ونزل ايدك وانا مش همشي من هنا لان ده مش حرمك دي حرم المسلمين..وروحت ناطر ايده
قالي هديك بالبوكس في وجهك ..والناس اتدخلت والعساكر زملاؤه اتدخلو وفضو
واول لما مسكوه قال يعني اتعصب وقال يعني بيجري عليا وماسك ايده وقال ايه عايز يضرب بالبوكس في وشي ..وبيجز على سنانه قال يعني متعصب وقعد يشتم فيا وهما ماسكينه .. (نظام سيبوني عليه هموته ) لان الحمد لله جسمي وشكلي لا يشجع على ان اي بني ادم يتخانق معايا
والمصريين اتلمو وشدوني بره ..وقعدو يقولولي دي بلدهم واحنا غلابه وده حرمهم واحنا ضعفاء وسيبك منه ..والحمد لله ان ربنا الهمني ان اكظم غيظي ..وان متطلعش كلمه واحده غلط مني لاني كنت خارج من جو روحاني عظيم وكنت بالقرب من الحبيب المصطفى صلى الله عليه وسلم .. واكتفيت بأني وقفت بره بنظر له عيني في عينه لاعرفه اني مش خايف منه لحد ما اداره وجهه وهو بينظر لي بنظرات سخريه ..وقام العساكر على الفور بعمل كردون حول الباب وتجمعه حوله خوفا من القيام بأعمال شغب واغلقوه بالشريط البلاستيك .. ولا اعلم مصير الشاب المصري ..والحمد لله رجعت بيتي في مكه في انتظار ان يتم اخر اسبوع ليا على خير ..
وارجع البلد تاني

الرجاء عدم ادخال الدين في الموضوع ..فمن فعل ذلك هو ابعد مايكون عن ديننا الاسلامي الحنيف

بصراحه السعوديين ركبوا الموجه وصوتهم على ولازم بلدنا تاخد موقف بلا كلام فاضى .. من الاخر وانا اقسم بالله لو كام مصرى مهما كان عددهم فى السعوديه . اقول لهم لو انا المجلس العسكرى تعالوا كلكم واتركوا البلد وخدوا كل واحد فيكم 500 م2 فى سيناء عمروها بدل ما انتم تعمروا لغيركم وكدة كدة سيناء عايزة ناس لتعميرها وطرد الارهابيين والعصابات منها ودة مش هايجى الا بتعميرها وافضل حل كل المصريين بالخليج يقدم لجهه يتفق عليها الباسبور وياخذ 500 م2 ويعمرها والله فى خلال عشرين سنه نجعل سيناء افضل من الخليج كله . ونرفع سعر الغاز بسعرة الحقيقى ونعمل محطات تحليه للمياه زى الكويت والسعوديه فى الدمام ونعمل كل الشواطىء للسياحه العالميه والدخل فيها بالدولار والله سنكون افضل بلد بلا سعوديه بلا كويت

**egyptawy2010** · 03-09-2011 03:07 PM

المشاركة الأصلية كتبت بواسطة maserati

السلام عليكم و رحمة الله و بركاته

أنا كنت عيشت فى السعودية 3 سنين و كنت شغال حكومة و ده بفضل الله, جنبنى المشاكل بتاع القطاع الخاص, و اللى أنا أدركته يقينا, أن لسه الثورة ما استردتش للمواطن المصرى حقوقه و كرامته, لأن مافيش كرامة لانسان ضعيف و مش لاقى ياكل و حط فوق ده كمان, أنه بيتصرف أحيانا تصرفات غبية توقعه فى مشاكل هو و غيره من المصريين.

المسألة ببساطة, أن المواطن السعودى فى السعودية أو الخليجى عامة فى بلده الخليجى بيكون فى مكانة معينة على السلم, ليس الأعلى على الطلاق و ده من خيبتهم, أنهم حتى فى بلدهم, الا أنهم ليسوا الأعلى و يقع أسفل منهم جنسيات معينة, كلنا عارفينها و يقع أعلى منهم جنسيات تانية, أكيد برضه كلنا عارفينها كويس أوى, و طول ما أنت من الجنسيات اللى تحت, سايس أمورك و استخدم عقلك فى ادارة شؤون حياتك, لأن فى البلاد دى, أنت ماحيلتكش غيره و اذا ربنا كرمك و بقيت من الجنسيات اللى فوق, ابقى اديهم باللى فى رجلك سواء كنت فى بلدهم و لا بره بلدهم, لحااااااااااااااااااااد ماتلاقى واحد منهم محترم و دول للأمانة, أنا قابلت منهم كتير, ابقى شيله على دماغك و ساعتها, هتبقى أنت شايله على دماغك لأنك محترم و ابن ناس, مش لأنك خايف منهم.

الكلام ده سارى, حتى يقضى الله أمرا كان مفعولا و الأمور الاقتصادية تتحسن فى مصر و مايبقاش الخليج هو الملاذ الأوحد للمصريين عشان يلاقوا ياكلوا, ساعتها الأوضاع هتتبدل كتير ان شاء الله.

أومال أنا هاجرت ليه !!!!!!!!!!!!!!!!!!, أنا لا عمرى كنت بأفكر فى الهجرة و لا كنت ههاجر, بس الظروف بأه.

و دينى, بس أقابل حد منهم فى كندا و أنا ها..............خه

.

الظريف فى الموضوع بأه, أن أختى المصرية لما أنجبت طفل فى كندا كانت بتدور على daycare (جليسة أطفال) عشان توديله ابنها على ماتروح الشغل و تيجى و ربنا يسرلها أنها تلاقى واحدة مسلمة و متدينة و محترمة و 100 100 و كانت بتودى ابنها عندها ب 20 دولار فى اليوم و طلعت قال ايييييييييييييييييييه ................ سعودية, أصل جوزها كان بيدرس هناك فى كندا على حساب الحكومة السعودية و الظاهر أنها حبت تشغل وقتها

.

ممكن حضرتك تقولى هاجرت ازاى واه فرص ال it
فى الهجرة لانى قائمة الوظاءف ما فيهاش it

**ashouhdy** · 03-09-2011 03:15 PM

المشاركة الأصلية كتبت بواسطة raedegypt

بصراحه السعوديين ركبوا الموجه وصوتهم على ولازم بلدنا تاخد موقف بلا كلام فاضى .. من الاخر وانا اقسم بالله لو كام مصرى مهما كان عددهم فى السعوديه . اقول لهم لو انا المجلس العسكرى تعالوا كلكم واتركوا البلد وخدوا كل واحد فيكم 500 م2 فى سيناء عمروها بدل ما انتم تعمروا لغيركم وكدة كدة سيناء عايزة ناس لتعميرها وطرد الارهابيين والعصابات منها ودة مش هايجى الا بتعميرها وافضل حل كل المصريين بالخليج يقدم لجهه يتفق عليها الباسبور وياخذ 500 م2 ويعمرها والله فى خلال عشرين سنه نجعل سيناء افضل من الخليج كله . ونرفع سعر الغاز بسعرة الحقيقى ونعمل محطات تحليه للمياه زى الكويت والسعوديه فى الدمام ونعمل كل الشواطىء للسياحه العالميه والدخل فيها بالدولار والله سنكون افضل بلد بلا سعوديه بلا كويت

+1111 دة كلام الناس العاقليين لكن تقول اية فى اللى مش عايزها تتقدم خطوة