الموضوع ده للأذكياء فقط عن الزفته اللي اسمها ...رائيل
للمرة السادسة او السابعة أقرأ مواضيع في المنتدى عن ظهور علم الزفتة اللي اسمها ...رائيل
كل واحد مدفوع بكرهه للكيان ده واعتقد دي حاجه فينا كلنا كمصريين
وانا اول واحد كنت بتسائل عن ظهور الاعلان ده
لغاية ما شخص من الادارة ردوا ان دي اعلانات جوجل وان الادارة لا دخل ليها
الادارة حاولت تفلتر الاعلان ده وتحطه في قائمة الحظر واي مهندس كمبيوتر فاهم كلامي
جوجل عشان عارفه الكلام ده بتحط المشاركة باكتر من اسم وبالتالي بيظهر الاعلان ثاني
كل ده اتقال بس الكلمة اللي أخدت بالي منها ان كل ما يتعمل موضوع او كلام على الاعلان حيظهر ثاني
امبارح ظهر 4 مواضيع على نفس الاعلان
اول امبارح موضوعين
النهارده موضوعين قابلين للزيادة واحنا لسه في الفجر
يا جماعة الله يكرمكو اي حد حيتكلم على الموضوع ده او يكتب اسم اسرائيل حيزود الاعلان ده كتير !!! (أخ تصدقوا الكلمة دي كده حتزود الاعلان) (آآه بجد)
جوجل عبارة عن محرك بحث لو اتكتب عليه كلمة الكيان الصهيوني حيترجمها لاهتمام الاعضاء بدولة الكيان الصهيوني وبالتالي حيحاول يقدم خدماته ليهم بناء على مشاركاتهم وبالتالي زاد الاعلان قوي بعد زيارتي لقسم احوال الشارع المصري وكلنا طبعا عارفين ليه
ايه البديل:
1. الادارة تلغي الاعلانات بتاعة جوجل : معرفش اصلا اذا كان ده ينفع ولا لأ بس بقول فرضا
الفلوس اللي الادارة بتأجر بيها السيرفر اللي احنا قاعدين نتنطط عليه بقالنا دلوقتي كذا سنة حتروح
= مفيش فلوس السيرفر = مفيش نايل موتورز من الاساس
2. الادارة تفلتر الاعلان
اعتقد ده اللي بيحصل
يبقى الحل ان كل شوية حد يعمل مواضيع عن الموقع وينبه جوجل ( الاخ الاكبر) الى اهتمامنا بهذه الدولة ولا نسكت ونخلي الموضوع يختفي لوحده
الله يكرمكوا الاعلان مش بيعض ولا بيخرج من الشاشة الى المكان اللي حضرتك قاعد فيه
الناس اللي بتقول ان الاعلان بيخلينا نتعود على النجمة الخماسية :
المفروض ان اللي قاعدين على المنتدى عمرهم تجاوز العشرين عاما ان مكانش اكتر واعتقد ان معظمنا يتراوح بين ال 30 وال 40 سنة على اساس ان السن ده في مصر هو سن امتلاك السيارة الشخصية
يبقى مش صورة الاعلان اللي حتعلمني اكره النجمة لاني كارهها وانا عندي 3 سنين
مش بعد العمر ده حيحصل كده والا يبقى العيب مني مش من الادارة
