الموضوع: ملاحظات على قطر السيارات

المشاركة الأصلية كتبت بواسطة فادى

القطر أو الجر مضر جدا لأى سيارة ملاكى, فالسيارات الخاصة ليست مصممة لمثل هذه الأشياء, حتى سحب المقطورات و العربات التى تحمل المراكب لا ينصح بها.
المشكلة ليست فى المحرك, المحرك يمكنه أن يتحمل القطر, المشكلة الأساسية فى اسطوانة الدبرياج, و هى ناقلة لعزم المحرك, ففى السيارة الخاصة هى مصممة لحمل السيارة بالاضافة الى وزن اضافى يترواح ما بين ال300-400 كغ على الأكثر فى السيارة.
اذن ما هى الأضرار:
- انهاك المحرك, ووضعه تحت حمل كبير, مما يتسبب فى تقليل عمره الافتراضى.
- انهاك الشاسيه, و خاصة اذا ما كانت السيارة ذات جسم أحادى, مما قد يؤدى بعد ذلك الى تفككه تدريجيا.
- استهلاك اسطوانة الدبرياج بمعدل سريع جدا, مما يعرضها للتلف و التأكل بمعدل سريع جدا, لأنها أثناء الجر تتعرض للانزلاق, فهى ليست مصممة لنقل كل هذا العزم من الناحيتين (ناحية المحرك, و الناحية الأخرى مقاومة المقطورة).
و "قطره" أخرى من هذه النوعية, و سوف تحتاج الى طقم دبرياج كامل!!
لذا فلا ينصح أن تقوم بقطر سيارة أخرى سوى بالسيارات المجهزة لذلك(سيارات النصف نقل, سيارات ال4*4 الكبيرة), أما السيارات العائلية و الصغيرة فمن الخطأ استخدامها لجر أى جسم خلفها.

سيدي الفاضل بالطبع هو تحميل على معدات الطاقة و ألات الجر و خلافه
ولكن مين قال ان سيارات الركوب (غير مجهزة) ؟؟؟؟؟
اي عربية فيها قاطرة بتركب من ورا أو من قدام للغرض ده (سواء علشان تشد أو تتشد)
و عموما اللي بنتكلم عنه ده ممكن يحصل مرة في السنة و للضرورة كاجراء طارئ فقط و لمسافات ليست بالطويلة طبعا
فلو تم هذا بدون أخطاء سيكون تأثيره على سلامة مكونات السيارة معدوم تقريبا

المشاركة الأصلية كتبت بواسطة فادى

, ففى السيارة الخاصة هى مصممة لحمل السيارة بالاضافة الى وزن اضافى يترواح ما بين ال300-400 كغ على الأكثر فى السيارة.
.

أعتقد ان حمل قطر السيارة لا يرقى الى هذا الرقم
لان الرجل العادى بامكانه دفع السيارة و تحريكها من السكون
فى حين انه لا يستطيع حمل 150 كجم مثلا

فكرتني بواقعة طريفة حصلت معايا في الانسر
كنت فكيت ال-ECU علشان أعدل فيه ولما ركبته تاني فصلت العربية ومرضيتش تنطق قلت أخدها على عادل وجدي نحاول نكتشف العيب فين وكان بليل ومفيش ولا عربية من إلي بتشيل دول قمت مكلم واحد صاحبي علشان يجرني

اشتريت الوصلة دي إلي بتتباع في إلبنزينة وياريتني استخدمت حبل أحسن
الوصلة وهوا شددني إتقطعت وطبعاً من قوه الشد ردت تاني في إكصدام عربيتي إلي هوا كلو شبك من قدام وتقريباً مفتوح ومافيهوش بلاستيك وراحت داخلة زي الطلقة مدمرة الشبك ومابعده وما ادراك ما بعده بدل مكنت رايح أظبط ال-ECU دخلت في قصص ومتاهات تانية وكلوا بحسابه يا معلم

Thanks
Eng.Sherif Shaker

الف شكر يا باشا علي الموضوع المهم جدا
اما بالنسبة للأخ الفاضل فادي..
طبعا نقدر جدا اهتمامك و حرصك علينا و علي سسياراتنا..
يبقي ممكن الاخ الفاضل صاحب الموضوع ينوه علي النقطة دي..
و كمان يفضل بقي ان الواحد فينا لا قدر الله لو حصل كده يدور علي عربية نقل او 4*4
افضل من الملاكي.. لكن لو ملقاش.. ربنا يكون في عونه بقي و ما باليد حيلة..