اولا احب بس اعرف الاخ Xander2010_Evo انى مش بهاجمه ولا حاجه وليه احترام كبير عندى لانى عارف ان نقل الموضوع خوفا على الناس مش لاى سبب تانى بس انا عايز اقوله كفايه اننى ننقل نقل اعمى بقيت فى حاجات كتير اوى انشر مش عارف ايه ولو منشرتش ربنا هيبتليك بمصيبه ولو نشرت هتجيلك مفاجاه وحاجات بصراحة تخلى الواحد يشد فى شعره
حضرتك ناقل موضوع عن شركه Quest international Limited (ده اسم الشركه بالكامل) وكاتب انها MLM و تسويق هرمى
الشركه لا نظام مستويات ولا نظام هرمى الشركه بنظام اسمه Binary Plane او النظام الثنائى ده غير المعلومات اللى انت كاتبها فى اخطاء كتير عن الشركه بس
مش هدخل معاك فى تفاصيل لان واضح انك ناقل الموضوع ومتعرفش تفاصيله ونقله بنيه انه حاجه خطيره على الناس بس محاولتش تتاكد منه
انا بس هكلمك فى حاجه واحده . حضرتك قولت ان الشركه بتبيع ساعات B.H.Mayer باسعار خياليه
وان الموقع اللى انت حاطط اللنك بتاعه فى نفس الساعات وباسعار رخيصه خالص
اللى اقدر اقوله انك لو كلفت نفسك وفتح الموقعين وعرفت السعر هنا كام وهنا كام هتلاقى ان كلام حضرتك غلط والاسعار فى شركه كيو نت ارخص من الموقع بعد اضافه تمن الشحن وكمان الجمارك اللى هيا 10%من قيمه المنتج (ده لان الشركه بتوصله لحد البيت وبتدخله البلد بشكل قانونى) يعنى حضرتك الشركه بتبعلك منتج تمنه بره اغلى مش ارخص
والمنتج بيوصلك فى اقل من شهر وده فعلا كلام عن تجربه وربنا يحاسبنى عليه
ولو حضرتك تعرف واحد اتنصب عليه من كيو نت والمنتج مجاش اوسعره مبالغ فيه انا تحت امرك كلمنى ونقعد سوا ولو الراجل فعلا طلع منصوب عليه انا هجبله فلوسه فى اقل من 48 ساعه