بعت اللانوس .... واشتريت نوبيرا 2003

**mmd3** · 02-09-2011 10:50 AM

السلام عليكم وكل سنة وانتو طيبين والعيد اللى جاى نكون على عرفات ان شاء الله

كان معايا لانوس 1 وقولت احدث شوية واحترت مابين الفيرنا والنوبيرا
كل الناس قالتلى ولا دى ولا دى

بس انا توكلت على الله واشتريت نوبيرا 2003 لونها اسود ماشية 82000 كيلو وكانت مرفوعة من 2006 لغاية 2009 لما صاحبها رجع من السفر

العربية كويسة وتعتبر تحديث كويس لللانوس بس فيها شوية حاجات مخليانى مش حاببها

اولا العربية اتوماتيك وهى دى اكبر مشكلة عندى .... بتسحب اة بس بطيئة اوى فى النقل وبتنقل لوحدها على 3.5 ار بى ام وكدة بيكون صوت الموتور عالى اوى اوى وبينحر ياريت لو فى حل للمشكلة انها تنقل على 2.5 او 3 مثلا

تانى حاجة العفشة ثم العفشة ثم العفشة حاسس انها بايظة خالص بالرغم من انى كشفت عليها وقاللولى كويسة ومفيش فيها مشاكل

ثالث حاجة استهلاك العربية دى للبنزين خرافى لالالالالالالا دة استهلاك مزهل... دى لو 6 سلندر مش هتستهلك كدة .... 120 كيلو جوة البلد بدون تكييف و 105 لو شغلت التكييف احيانا برضو ياريت يا جماعة لو ليها حل الحكاية دى

انا اول لما جيبتها اشتريت فلاتر وغيرتهم ولسة هغير سيور بس بعد العيد
ياريت لو فى حل للمشاكل دى احسن كدة مش هستمتع بالعربية

**moko_2004** · 02-09-2011 01:21 PM

اول حاجة الف مبروك علية وربنا يكفية شرها ويرزقك احسن منها
اما بالنسبة للمشاكل اللي انت بتتكلم عنها دي مشاكل النوبيرا المزمنة و قلما تجد عربية نوبيرا تخلو من هذة المشاكل تعالي نحلها واحدة واحدة
1- بالنسبة للفتيس حضرتك هترخي سلك الكيك داون علي اقصي درجة ده يخلي العربية بتنقل في المعاد المضبوط الا وهو من 2.75 الي 3.2 اما بالنسبة للسحب فدي مش مشكلة فتيس دي خنقة من الموتور نفسة لأن الأوتو في الكوري مش حلو الا في العربيات ال2000 سي سي فما فوق و هذكرك حلها دلوقتي
2- العفشة عفشة النوبيرا صوتها غبي حبتين لو المشكلة صوت ولكن الثبات حلو متركزش فيها و اشتري دماغك لأنها هتبقي مصاريف علي الفاضي و لكن لو فية اي اختلال بالتوازن لازم تغير المقصات و اتياش الأتزان فورا و كذلك لل تنسي العفشة الخلفية تربطها كل فترة وتكشف عليها
3- بالنسبة لاستهلاك البنزين مشكلتة من حاجتين حساس الأكسجين او ما يسمي بحساس الشكمان ودي تعرفها بالكشف كومبيوتر و الشيء الثاني الأكثر اهمية هو الرشاشات لازم تتغسل بجهاز الألترا سونيك كل 60 الف كيلو و راجع علي البوجيهات وسلوكها و كويس انك غيرت فلتر البنزين و الهواء "العربية كانت مركونة فراعي ان كل الحاجات دي خلاص فقدت صلاحيتها"
4- و اخيرا ربنا يباركلك فيها انا عندي عربية نوبيرا اوتو و بصراحة العربية جبارة و نفخت بيها عربيات موديل 2011 كورولا و اوكتافيا و مسحت بكرامتهم الأرض علي سرعات 190 و 200 مرة واتنين وتلاتة فميهمكش و انا في الخدمة

و تقبل مروري

**bondjames** · 02-09-2011 02:16 PM

- و اخيرا ربنا يباركلك فيها انا عندي عربية نوبيرا اوتو و بصراحة العربية جبارة و نفخت بيها عربيات موديل 2011 كورولا و اوكتافيا و مسحت بكرامتهم الأرض علي سرعات 190 و 200 مرة واتنين وتلاتة فميهمكش و انا في الخدمة
جبار

**alynubira** · 02-09-2011 02:37 PM

بالفعل مشكله النقلات فى سلك الكيك داون

**alynubira** · 02-09-2011 02:39 PM

المشاركة الأصلية كتبت بواسطة moko_2004

لأن الأوتو في الكوري مش حلو الا في العربيات ال2000 سي سي فما فوق و هذكرك حلها دلوقتي
3 الرشاشات لازم تتغسل بجهاز الألترا سونيك كل 60 الف كيلو
و تقبل مروري

اولا : ممكن تقولنا ايه حل المشكله
ثانيا:مين عنده جهاز الالترا سونيك

**mmd3** · 05-09-2011 12:06 AM

يا جماعة انا متشكر ليكو جدا جدا ..... فعلا فعلا انا رخيت سلك الكيك داون للاخر والعربية ظبطت فى النقلات اوى اوى

بس لسة صوت الموتور بينعر اوى وشكيت فى الشكمان ورحت كشفت علية وطلع كلة تمام

وزيت الموتور سليم

بتاع الشكمانات بيقول ممكن تكون كهرباء المحرك مش مظبوطة وعشان كدة الصوت دة ظاهر

حد عندة معلومة عن المشكلة دى ؟

وبالنسبة لمشكلة استهلاك البنزين فى ناس بتقترح استبدال الرشاشات برشاشات هيونداى اكسنت .. هل تنفع ولا الكلام دة غلط ؟

**bondjames** · 05-09-2011 12:55 AM

وبالنسبة لمشكلة استهلاك البنزين فى ناس بتقترح استبدال الرشاشات برشاشات هيونداى اكسنت .. هل تنفع ولا الكلام دة غلط ؟

ينفع مافيش مشاكل منه

الموضوع: بعت اللانوس .... واشتريت نوبيرا 2003

LinkBack

أدوات الموضوع

عرض

بعت اللانوس .... واشتريت نوبيرا 2003 - انشر الموضوع فى :

-

-

-

-

المواضيع المتشابهه

نوبيرا 2003 للبيع

صنى 2003-لانسر مكواه 2003-نوبيرا 2003

نوبيرا 2003

الحمد لله واشتريت اللانوس

نوبيرا 2003

الكلمات الدلالية لهذا الموضوع

المفضلات

المفضلات

ضوابط المشاركة