السلام عليكم يا جماعة ....

انا دلوقتى بدور على لاب توب كويس بمواصفات كويسة علشان انا قرفت من البى سى وقعدته

ميزانيتى للاب فى حدود 5500 او اعلى بقليل

دلوقتى انا استخدامى للاب بيكون جيرافيكس وشغل تقيل .... ومحتاج لاب يسد فى الحوارات ده

فطبعا انا اهم حاجة محتاجها البروسيسور وكرت الشاشة ... والى جانب انى عاوز شاشة لاب تكون الريسليوشن بتاعتها كويسة لانى هبقى جاى من شاشة 24 بوصة فى البى سى

فانا محتار فى حاجتين :

1-دلوقتى لاقيت انى لو جبت 2.0 core i7 مش هعرف اجيب كرت شاشة اعلى من m540 .... ولو انا جبت core i5 2.3 هيبقى معاه كرت شاشة m550 .... وعلى قد خبرتى انا حاسس ان مش هيبقى فيه فرق شاسع بين i5 w i7 فى الاداء المحسوس ... صح كده ولا ايه ؟؟

2-بالنسبة لشاشة الاب ... انا عندى اقتناع لو الاب جامد جدا والشاشة بتاعته مش حلوة مش هحس بالفلوس اللى دفعتها ... فعشان كده بفكر فى لاب بشاشة 17.3 1080P ... بس مش عارف هل ده هيبقى عملى بالنسبة للحركة والتنقل والشيل ؟؟؟ وطبعا انا طالب جامعى والاب هيبقى معايا اوقات كتير بره البيت

ياريت اللى عنده خبرة فى الموضوع ده يفيدنى بسرعة لانى عاوز اختار الاختيار الصح