الموضوع: خلاصة الكلام في الاكسنت 2011 rb

بالنسبه لرأيي في عربيتي ال RB:


العربيه معايا بقالها 5 شهور عامل بيها 4400 كم بيقولو عليها هاي لاين...."بدون abs" .....الجنوط 14

وانا قلت لازم اتكلم بكل امانه ::
:::::المميزات:

ماشاء الله
1-موتور ناعم وهادي وعزل الموتور ممتاز .

2- تجميع العربيه فوق الرائع بمعنى لما جربت الكيك داون بتاعها لقيت العربيه بتتنفض وتسبق اي عربيه ماشيه جمبها"بس لو هتحرق بيها كتير استهلاك البنزين بيزيد كتير"

3- تكييف ممتاز"كفائته زادت كمان لما ركبت فيها عازل حراري امريكي 3m.
4-العربيه شيك جدا والتابلوه ممتاز.
5-كرسي السائق بيطلع وينزل وقمت باضافة سفنج مضغوط في كرسي السائق لمزيد من الراحه.
- الكاسيت فيه usb,aux,ipod
البلوتوث للموبايل .
-كمبيوتر الرحلات .

:::عيوبها :
- العفشه الخلفيه زي السيراتو والالنترا الجديده 2012 ... "تورشن بيم".... فلو اتنين ركبو ورا بيبقو مش مرتاحين خاصة في مطبات الهوا على الاتوستراد.
-الفرامل اول ماشترتها كانت ضعيفه شويه ولكنها اتحسنت بعد 2000 كم بس طبعا مش زي فرامل الألماني.
-العربيه ساعات لما تحمل فيها زياده بتحك في المطبات.

::::الخلاصه: لوظروفك تسمح تشتري نيسان تيدا- فانتازيا -او هوندا سيفيك وتقدر على اسعار قطع الغيار يبقى ماتفكرش

وممكن تسأل اصحاب البروتون برسونا اليجانس 2011 عامله ايه وتوكيلها اخباره ايه لاني مجربتهاش
بس في اعضاء شكرو فيها بس لازم تجربها الاول وتشوفها مناسبه ليك ولا لأ لأن اعادة البيع بتاعها مش سريع فلازم تشتريها وانت مقتنع 100%

يارب اكون رديت بكل امانه وحياديه على كل الأسئله وكل واحد يعرف هو عايز ايه من العربيه اللي هايشتريها وعلى اساسه يحدد هو عايز يشتري ايه.