فورد مونديو 2011 - هيونداي ألنترا فولي لوديد 2012 - كيا سبورتاج ex 2012

**AshTurbo** · 02-09-2011 04:21 PM

السلام عليكم ورحمة الله وبركاته بأختصار علشان أبسط عليكم المقارنة اللي يهمني في العربية 3 حاجات أساسية :

1- عوامل أمان وثبات على الطريق .
2- توكيل كويس وقطع غيار معقولة ومتوفرة .
3- فخامة وشياكة وتميز وكماليات متطورة .

بالنسبة للأمان والثبات :

ال3 عربيات فيهم عوامل أمان لا تقل عن 2 أيرباج وفرامل abs ولكن بالنسبة للفورد أعلى عوامل أمان 7 أيرباج abs ebd ba وأيموبليزر بينما الألنترا والسبورتاج 2 أيرباج وأيموبليزر و abs يعني من ناحية الأمان الفورد تتفوق وأحب أسمع رأيكم طبعاً في النقطة دي وبالنسبة للثبات الفورد أكتر عربية ثابتة فيهم

بالنسبة للتوكيل :

الكيا توكيلها يكسب بفارق كبير عن الفورد والهيونداي ودي أكتر نقطة محتاجكم تساعدوني فيها خاصة ملاك فورد لأنهم قليلين ومهم طبعاً توافر قطع الغيار .

بالنسبة للشياكة :

ال3 عربيات شيك بالنسبة للفخامة الفورد تكسب بكل تأكيد بالنسبة للتميز الفورد تكسب بكل تأكيد لعدم أنتشارها ومش عارف ليه دماغي دايماً بتروح للعربيات اللي مش منتشرة وبالنسبة للكماليات الفورد بردوا تكسب لأن فيها مثبت سرعة وتكييف أوتوماتيك دوال زون أمامي وخلفي وفتحة سقف وكمبيوتر رحلات متطور وسخانات كراسي طفاية وولاعة سجاير في الأمام والخلف وكروز كونترول وملتي فانكشن .

أنا ميال للفورد علشان أولاً عوامل الأمان والفخامة وعدم الانتشار ده غير أنها أوروبي وشكلها قريب جداً من الأستون مارتن ولكن خايف من التوكيل وقطع الغيار .

ياريت تشرفوني برأيكم وهتقبل كل النقد على أي نقطة من اللي ذكرتهم بصدر رحب وكذلك أتمنى منكم متقولوش رأيكم سماعي فقط عاوز حاجة تكون أكيدة من غير "بيقولوا" ومن غير "أنا أسمع" يعني حتى اللي مجربش بس عنده معلومة ولو صغيرة متأكد منها يقول وتقبلوا فائق أحترامي وتقديري .

**ghazy12** · 02-09-2011 06:19 PM

مبدئياً.. انت اكيد عارف انك بتقارن بين فئات مختلفة... يعني سيدان متوسط, و سيدان كبير, و suv...

المونديو فئة اعلى و اكبر من الالنترا, و تتقارن بالسوناتا مثلاً...

المونديو اغلى منهم بفرق سعر مش اقل من 40 ألف تقريباً... كمان المونديو مانيوال بس

لو الكلام ده بالنسبة ليك عادي... يبقى اكيد المونديو افضل... لو فارق و يضايقك يبقى انا
من وجهة نظري الكيا سبورتاج افضل مع اني و بشكل شخصي مش مقتنع بسعرها لحد اللحظة دي !!

و لو انا مكانك و في حدود السعر ده, هجيب اوكتافيا بصراحة...

ده باختصار رأي الشخصي المتواضع...

**M.Alaa92** · 02-09-2011 06:38 PM

المونديو
بس شوف التوكيل اية نظامو من قسم الفورد
و ده استطلاع عن توكيل فورد
:: نــايــل مــوتــورز:: - :: NileMotors.net ::

**AshTurbo** · 02-09-2011 07:53 PM

المشاركة الأصلية كتبت بواسطة ghazy12

مبدئياً.. انت اكيد عارف انك بتقارن بين فئات مختلفة... يعني سيدان متوسط, و سيدان كبير, و suv...

المونديو فئة اعلى و اكبر من الالنترا, و تتقارن بالسوناتا مثلاً...

المونديو اغلى منهم بفرق سعر مش اقل من 40 ألف تقريباً... كمان المونديو مانيوال بس

لو الكلام ده بالنسبة ليك عادي... يبقى اكيد المونديو افضل... لو فارق و يضايقك يبقى انا
من وجهة نظري الكيا سبورتاج افضل مع اني و بشكل شخصي مش مقتنع بسعرها لحد اللحظة دي !!

و لو انا مكانك و في حدود السعر ده, هجيب اوكتافيا بصراحة...

ده باختصار رأي الشخصي المتواضع...

باشمهندس غازي نورت الموضوع ... بالنسبة للأختلاف بين الفئات بسبب أن ال3 عربيات عاجبني وزي ما قولت بيشتركوا في العوامل اللي بتمناها في العربية من حيث الأمان والشياكة والتميز .... بالنسبة للفرق ال40 ألف في المونديو مش مشكلة والمانيوال بالنسبالي كنت أتمنى أنه يكون أوتوماتيك بس فتيس الأوتوماتيك لو حطوه في المونديو ال 1600 مش هتمشي علشان وزنه تقيل وعلشان تسارع المانيوال أفضل فغصب عني هتماشى مع المانيوال بالأضافة لأن سواقتي رياضية فبحب المانيوال أصلاً ومانيوال فورد حسب الريفيوهات جيد جدا بالأضافة أن دي هتبقى عربية عائلية مش رياضية فالتسارع بالنسبالي مش حيهمني أوي بل بالعكس ميزة علشان أنا أساساً سواقتي سريعة جداً وبالتالي مش عاوز أعرض حد للخطر ...... بالنسبة للسكودا فالفانتازيا في دماغي بس زس ماتقول كد في منطقة مظلمة من دماغي موجودة أه بس التركيز مش عليها عربية تحفة جداً شياكة وأمان وأعتمادية بس مخنوق أوي من أن شكلها هو هو من 60 سنة يادوب تغيير في الفوانيس الأمامية وسعر أعادة بيع كويس لصالح السكودا بس أعادة البيع مش مهم بالنسبالي أنا بشتري عربية أستمتع بيها مش علشان أبيعها .... أحب أسمع رأيك في الرد ده .

**AshTurbo** · 02-09-2011 07:58 PM

المشاركة الأصلية كتبت بواسطة m.alaa92

المونديو
بس شوف التوكيل اية نظامو من قسم الفورد
و ده استطلاع عن توكيل فورد
:: نــايــل مــوتــورز:: - :: Nilemotors.net ::

نورت الموضوع وأهلاً وسهلاً بحضرتك ..... رداً على كلامك ليه فورد ؟ يعني ليه قولت فورد مش كيا ولا ألنترا .

بالنسبة لموضوع التوكيل دي الحاجة الوحيدة اللي مخوفاني من الفورد والله العظيم لو وكيل نص نشاط كيا كده كنت نزلت أشتريتها النهاردة مش بكرة .

**Mandible** · 02-09-2011 08:56 PM

مونديو فخمة جدا و امنة جدا و متميزة جدا .. يعني كانك بتسوق مرسيدس في مصر

**medo_2060** · 02-09-2011 09:15 PM

المونديو تحفه بكل المقاييس بس الهاى لاين منها ب 240 الف فرق 40 الف عن العاديه
بس انا لو منك بصراحه كنت افكر فى الباسات

**yoko** · 02-09-2011 09:25 PM

أنا من رأي غازي وعيب المونديو في نظري التوكيل والموتور صغير والمانيوال (بالنسبه لناس كتير)
لكن أنا المنيوال عندي مش مشكله
ولو بين دول يبقى المونديو بعدها السبورتيج
لو براهم يبقى سكودا أوكتافيا

**Mohab.Nabil** · 03-09-2011 03:09 AM

المونديو بعد التخفيض اعتقد سعرها بقى مناسب و منافس ..

بصراحة المونديو فارقة عن الالنترا كثير اوى , و زى ما الزملاء قالوا المونديو تتقارن بالـسوناتا

الفوكاس هى اللى فئة الالنترا

و فورد ماركة محترمة جدا بس سوقها مش ماشى فى مصر

السبورتاج مشفتهاش الا النسخة الـ 2000 و كانت فى المعرض مش عارف احكم عليها بصراحة

الموضوع: فورد مونديو 2011 - هيونداي ألنترا فولي لوديد 2012 - كيا سبورتاج ex 2012

LinkBack

أدوات الموضوع

عرض

-

-

-

-

المواضيع المتشابهه

كيا سبورتاج الفئة الثانية 2012 و لا فانتازيا اول فئة 2012

النترا 2012 فولي لودد استهلاك البنزين

ألنترا 2012 تحت المجهر الجزء الثاني : كابينة قيادة الألنترا 2012

ألنترا 2012 تحت المجهر الجزء الأول : التصميم الخارجي وهيكل الألنترا 2012

تقييم هيونداي ألنترا 2012 (ج1 - المواصفات)

الكلمات الدلالية لهذا الموضوع

المفضلات

المفضلات

ضوابط المشاركة