الموضوع: طريقة جواز جديده حد يعرف ازاى ؟

المشاركة الأصلية كتبت بواسطة mr_sameh

اعتقد الموضوع صعب لانك هتصتدم علي الاقل باهلك

خلاص لو اهله مش عاجبهم يدفعوا له هما تمن جوازته من مصرية !!!!!!

المشاركة الأصلية كتبت بواسطة waleed-zidan

فى انتظار التفاصيل ياباشا
اهو يمكن نلحق القطر ونوفر ال 30 الف بتوع الشبكة

الشبكة بس؟ و النيش و الكريستالات و الصيني و التحف و الفرح و الفستان و كل الخوازيق اللي مالهاش تلاتين لازمة


اتحدى اي زميلة على الموقع تقول لي النيش لزمته ايه غير الفشخرة و المنظرة الكدابة عالناس؟ قطعة موبيليا غرضها الوحيد المنظرة ...... عشان اقول للناس بصوا بصوا بصوا انا عندي كريستالات و صيني بكذا الف جنيه (و لا بيتلمسوا و لا بيتاكل و لا بيتشرب فيهم) ........

المشاركة الأصلية كتبت بواسطة mangog

واحد صاحبى اتجوز امريكية مسلمة حديثا وفشل الموضوع فى اقل من سنة

و اصحابي كتير متجوزين مصريات و الموضوع فشل في اوقات قصيرة برضه ........ و واحد صاجبي متجوز امريكية مسلمة من سنة 2003 و مخلف منها و الموضوع ماشي لوز العنب .......

بلاش نعمم و نقولب الموضوع في تجربة واحدة !!!!

المشاركة الأصلية كتبت بواسطة aboomar22

المهم افرض حضرتك اتجوزتها وربنا رزقك باولاد وزعلت معاك اخدت الاولاد وهربت على بلدها هتجبهم ازاى او لو بعد اسلامهما ارتدت الى دينها مش عارف انا بس بفكر معاكم

و ليه دايما نفترض ان اجنا بس المسلمين الحقيقيين و الباقيين سهل يرتدوا و سهل مش عارف ايه؟؟؟؟ انزل جوامع مدينة نصر و شوف المسلمين و المسلمات الاسيويين و الاوروبيين عاملين ازاي و تعالى اتكلم معايا بعدها ...... نفسي ايماني و تقواي يبقوا نص الناس دي .......

و موضوع الهرب بالعيال سهل جدا انك تمنعه من الاول ........

المشاركة الأصلية كتبت بواسطة yoko

يا بني إتهد شويه

انا باقول له عرف اخواتك مش عرفني :) ........ دايما فاهمني غلط يا نكلاوي ......

المشاركة الأصلية كتبت بواسطة no comment

هههههههههههههههههههههه ... لا رد فى الجون .
بس مع احترامى لحضرتك ... زى ما قال زميل من شوية ليكى فوق .
بناتنا مش مطلوبين بره للأسف ...! :n_no[1]:

و لا جوة ....... خلاص........ كمية البنات اللي مش لاقية جواز بقت مش طبيعية و اتفرج في اي مجتمع حضرتك بتتردد عليه (مكان عملك ..... جامعة ..... نادي ....... الخ) ...... الجواز بقى لمن استطاع اليه سبيلا ...... و مع ذلك البنات و اهالي البنات (اس البلاوي كلهم بالذات امهات البنات) لا يزالوا في قمة التناكة و تبقى عايزة تتجوز الان ديلون و يبقى صغير و مليونير و يجيب شبكة بمش عارف كام (و اما الدهب غلي مش يحسوا على دمهم لا التسعيرة عليت يعني اللي كانت بتقبل بشبكة ب 20 بقت بتعوز 40) و لازم الشقة فين و لازم فرح يتصرف فيه دم قلبه و لازم و لازم و لازم ........ و التخوين من اولها و امضي القايمة و اكتب المؤخر التنين و مش عارف ايه ........ و مش عارفين ان الراجل لما بيطهق بيسيب الدنيا بما فيها اصلا و مش فاهمين ان مش حاجة حلوة ان جوز بنتهم يبقى عايش معاها و هو مش طايقها بس عشان متكتف بالفلوس اللي عليه ....... حاجة تقرف يا اخي ......


و في الاخر يزعلوا ان الشباب عايز يتجوز اجانب ما هو بيتجوزها بدبلة !!!!!!!!! ...... و لو التجربة فشلت هو خسران ايه ....... عالاقل الاجانب بعد الطلاق ما بيردحوش لبعض !!!!!