لحد دلوقتي مفيش واحدة ردت و قالت لي النيش باللي جواه لزمته ايه
عرض للطباعة
لحد دلوقتي مفيش واحدة ردت و قالت لي النيش باللي جواه لزمته ايه
ههههههههههههههههههههههههه ههههههههههههه
اعقل..اعقل ..وارسيلك علي قارة
انا اقولك لزمته ايه..لزمته الفشخرة والمنظرة الكدابة وكل واحدة بتتباهي بالعشرين طقم شربات اللي جيبهملي من سوق التلات وتيجي تقولك دي فضيات تيتا....
انا عن نفسي بحب شكل النيش بس مبحبش شوية الازاز اللي بيتعبوا جواه للعرض دول
انما لو في حاجة للديكور زي فضيات او قطع كريستال بتبقي لذيذة جواه
انما للاسف احنا مجتمعنا استهلاكي فحت...تلاقي الواحدة جيبه من كل حاجة اتنين
حاجة نضيفة تشيلها وحاجة كوليشن كان تستعملها....
والاهل بيجهزوا جهاز اجيال...يعني جهاز يقضيها بتاع 15 سنة..حاجة بجد تفقع
انا والدتي لحد مبقي عمري 10 سنين يعني بعد جوازها ب 18 سنة مثلا
كانت لسه بتطلع ف بطانيات جديدة مستعملتهاش...دا غير الاطقم الصيني اللي مبتطلعش كل فين وفين..ولحد دلوقتي لسه فلنيش بردوا
لا والاقيها جيبة طقم الماني ولامعرفش ايه ب4 ونص... وقال ايه؟؟؟ دا للنيش
حلفتلها برحمة بابا ان اول حاجة هستعملها هيبقي الطقم دا وانشالله اكسره حته حته
بفلوسي..ولا هو حرام عليا وحلال للي هيبحلقوا عنيهم فيه فلنيش!!!
ايه يا احمد مقطع السمكة وديلها ومتعرفش فايدة النيش
النيش ده تحط جواه الكوبايات اللي مش مسموح لك تشرب فيها
عشان ملكة انجلترا لما تيجي تتعشى معاكو تبقى تاخد لها بق من كوباية من كوبايات النيش
او لو حبيت تفتح محل عصير قصب بعد كده تلاقي كوبايات تكفي محلين مش محل واحد
هههههههههههههههههههههههههاقتباس:
او لو حبيت تفتح محل عصير قصب بعد كده تلاقي كوبايات تكفي محلين مش محل واحد
فكرتني بخويا لما جه يتجوز..ماما بتقوله ايه دا دول جيبين عشرين طقم شربات يحطوهم وهي مضيقة يعني
قالها عشرين بس؟؟؟ ودول هيقضوا؟؟؟
قالتله يقضوا ايه؟؟
قالها يقضوا الفرح؟؟؟ مش الحاجات دي للمعازيم فلفرح ولا ايه :d
مالوش اي لازمه
و لما جيت اتجوز ماكونتش عايزاه لا هو و لا المسمي بالصالون المدهب اللي لا بطيق شكله و لا اعرف لازمته اصلا
عارف مين اللي رفض و عمل مشكله وقتها ,حماتي المصونه راسها و الف سيف الا النيش و الصالون المدهب
و انا كنت عايزه سفره بسيطه جدا لاني مش بحب الكعبره و في الاخر طبعا نفذنا اللي حضرتها كانت عايزاه
الله يسامحك :( فكرت الواحد بذكريات غبيه :(((((
بس اكيد هو مفيد..عالاقل وقت الخناق هتلاقوا حاجات واقعية تحدفوها بدل الشـ,,,,....
وعلي رأي المثل...لما تنشن...لازم تصيب