الموضوع: سؤال للناس اللي سافرت بره

المشاركة الأصلية كتبت بواسطة Honda4ever

النوم

حتى دة يا معلم ناطلنك فية

بتنام كويس و انت امن على عربيتك تحت بيتك من السرقة - دا كل شوية جهاز الانزار يضرب انط ابص على العربية
بتنام كويس و عربية الزبالة بتيجى تشيل الزبالة - دة ان جت و تيجة بمزيكة حسب الله - خد بالك انا فى الدور 12
بتنام كويس و انت عارف ان تانى يوم حتشوف عالم فى الشغل مش عايز تشوفهم من افعالهم

كفاية كدة علشان تعرف تنام بقى

المشاركة الأصلية كتبت بواسطة maserati

السلام عليكم و رحمة الله و بركاته

كل عام و أنتم جميعا طيبين أوى و ربنا يعيد عليكم الأيام بألف صحة و سلامة.

الى أخى الفاضل صاحب الموضوع و الى كل الأخوة الأفاضل هنا فى المنتدى, تصدقونى لو قلتلكم أنى فى كندا:

1 - امتحنت السواقة
2 - نجحت
3 - رحت أسأل على الأوراق المطلوبة لاصدار الترخيص
4 - لقيت أنى محتاج حساب فى البنك و أضيف اسمى على فاتورة التيلفون
5 - رحت البنك و ركنت العربية
6 - دخلت بنك royal bank of canada - rbc
7 - قابلت الموظف و فتحت حساب فيه و أخدت منه افادة بأنى عندى حساب فى البنك
8 - رحت شركة التليفونات اللى اسمها sasktel -فى مقاطعة saskatchewan - و طلعت فاتورة التليفون باسم أختى و أضفت اسمى عليها و ختمت الورقة
9 - قمت طااااااااااااالع على ادارة اصدار تراخيص القيادة و سلمت الورق للموظفة و شافته و دفعت المصاريف اللى هى 23 دولار كندى (حوالى 130 جنيه) و قالتلى روح اقعد هناك و رحت قعدت هناك -زى ما هى شاروت- و اتصورت و أخدت الرخصة بتاع السواقة فى و كوووووووووووووووول ده فى ساعة واحدة بس.

أختى بأه, جددت ترخيص عربيتها بالبريد و لا راحت المرور و لا دياولوا.

ايه رأيك, تصدقنى و لا تقول عليا أبو لمعة ؟؟؟؟؟؟؟

حضرتك شايف انك طلعت رخصة سواقة بسرعة؟
تعمل ايه بقه لو عرفت اني طلعت رخصة سواقة ماليزي في عشر دقايق ومن غير اختبارات ؟
كل المطلوب الرخصة المصري وترجمتها في ورقة وصورة شخصية و30 رينجت يعني 60 جنيه ، والرخصة اتعملت وانا واقف !

اه انت قريت صح الرخصة المصري،ليها قيمة بره مصر
في ماليزيا رايهم ان طالما اي دولة اجازتك واختبرتك تبقى بتعرف تسوق يختبروك تاني ليه ؟ مع ان دركسيونهم يمين !

المشاركة الأصلية كتبت بواسطة amatoallah

و لما نجحت ماحدش قالك فين الحلاووه

بمناسبة موضوع فين الحلاوة هحكي ليكو موقف لطيف ظريف حصل مع واحد صاحبي في احدي المستشفيات المحترمة في مصرنا الغالية

الراجل مراته علي جاتلها الام الولاده فجأة وقبل ميعادها وكانت الساعة حوالي 5 - 6 صباحا
جري بيها يروح المستشفي دي يقولوله مينفعش
يروح دي يقولوله معندناش مش عارف ايه
والست هتموت
المهم لحد ما راح مستشفي
بيقسم بالله العظيم
ان عشان يدخلوه اخدوا فلوس
مش رسوم ... لأ ده حلاوة دخوله باب المستشفي الكريم
عشان يركبوه الاسانسير ياخده فلوس
عشان ينزلوه من الاسانسير اللي لسه راكبه ودافع فلوس
برضه ياخده فلوس والا منتاش نازل
تدخل مراته اوضة العمليات وتوضع المولود بالسلامة

تخيللللللل
منعوه من رؤية مراته او المولود لحد ما يديهم كل واحد من الممرضات - مافيا الممرضات - يديهم الحلاوة
يقولهم طاب اشوف مراتي واشوف الولد وعنيا ليكو
احنا هنروح فين

ابدااااااااااااااا

مش هتشوف مراتك ولا ابنك ولا هتشمهم الا بعد ما تدفع الحلاوة

الراجل كان هيعيط
مش علي الفلوس
لأ ... من اليأس القرف
هي بقت كده
حصلت انكو محتجزين مراتي وابني
خاطفينهم ومنعني اشوفهم عشان الحلاوة

وفعلا ملقاش حل غير انه اداهم الفلوس اللي عاوزينه وخد مراته اول ما فاقت ومشي

حسبي الله ونعم الوكيل

في حديث بيقول ما معناه ان المسلم لا يصيبه هم ولا حزن ولا مرض ، حتي الشوكة لا يشاك بها ، تساقطت عنه ذنوبه كما يتساقط وراق الشجر

اعتقد بمنطق الحديث ده يبقي اغلب المصريين ان شااااااااااء الله من اهل الجنة
علي البلاوي اللي مستحملينها وشايفينها في الشوارع كل يوم

هااااااااا يا جماعة مين عنده حاجة تانية من بره يعقدنا بيها ؟؟؟؟؟؟؟؟؟؟؟؟؟؟؟؟؟؟؟؟

حسبي الله ونعم الوكيل

ياجماعة حرام عليكم انا ضغطي علي من كتر النظافة والنظام الي بره راعوا مشاعر التاس الي جوه مش كده هههههههههههه
بالمناسبة اخويا معاه رخصة سواقة من ايطاليا بقالة 10 سنين لكن مش عارف يطلع رخصة مصرية كل ماييجي مصر ويمتحن يسقط في الاشارات اقوله يابني فتح مخك يقولي يمين بعظيم ابدا ده غير انه مبيقدرش يسوق في مصر اكتر من 5 دقايق وينزل يقولي انتوا بتسوقوا هنا ازااااااااااااي؟

أنا واثق إن فيه في مصر ناس امييينة جدا برده بس هم فيين أنا معرفش
بس أكيد فيه أصله ماينفعش ..

بس لو جينا لأكتر حاجة بحبها بصراحة هي بدون ترتيب
أمانة
نظافة
من غيرفهلوة
لو عشت بره فترة تعرف معنى دي - عندهم خدمة بوليس ... عقبالنا يارب لما يعبرونا
كل واحد في حاله
الرشوة والشحاتة نادرة جدا - مش كل ماتقابل بني ادم تطلع من جيبك 2 جنيه عشان قال لك كل سنة وإنت طيب

طبعا تفرق من مكان للتاني بس برده

المشاركة الأصلية كتبت بواسطة abou_ruqi

حضرتك شايف انك طلعت رخصة سواقة بسرعة؟
تعمل ايه بقه لو عرفت اني طلعت رخصة سواقة ماليزي في عشر دقايق ومن غير اختبارات ؟
كل المطلوب الرخصة المصري وترجمتها في ورقة وصورة شخصية و30 رينجت يعني 60 جنيه ، والرخصة اتعملت وانا واقف !

اه انت قريت صح الرخصة المصري،ليها قيمة بره مصر
في ماليزيا رايهم ان طالما اي دولة اجازتك واختبرتك تبقى بتعرف تسوق يختبروك تاني ليه ؟ مع ان دركسيونهم يمين !

طب مادي اد ما هي حاجة تظبيط دي مشكلة
هم معندهمش فكرة إن الرخصة المصرية متساويش قيمة الورقة - الرديئة - اللي مطبوعة عليها؟
ده في ناس بالذات ستات تاخدها من غير ماتمتحن اساسا

المشاركة الأصلية كتبت بواسطة رزق

أنا واثق إن فيه في مصر ناس امييينة جدا برده بس هم فيين أنا معرفش
بس أكيد فيه أصله ماينفعش ..

بس لو جينا لأكتر حاجة بحبها بصراحة هي بدون ترتيب
أمانة
نظافة
من غيرفهلوة
لو عشت بره فترة تعرف معنى دي - عندهم خدمة بوليس ... عقبالنا يارب لما يعبرونا
كل واحد في حاله
الرشوة والشحاتة نادرة جدا - مش كل ماتقابل بني ادم تطلع من جيبك 2 جنيه عشان قال لك كل سنة وإنت طيب

طبعا تفرق من مكان للتاني بس برده




طب مادي اد ما هي حاجة تظبيط دي مشكلة
هم معندهمش فكرة إن الرخصة المصرية متساويش قيمة الورقة - الرديئة - اللي مطبوعة عليها؟
ده في ناس بالذات ستات تاخدها من غير ماتمتحن اساسا

ماهي دي مشكلة ماليزيا مع مصر ، واخدين فينا الم جامد ما يعرفوش الخيبة