عرض للطباعة
اذيكم يا جماعا
انا هنا جديد ودي اول مشاركة ليا
انا كنت عايز اجيب عربية ف حدود 35 ل 37 الف
ناس قالولي دايو نوبيرا او لانوس من موديل 98 ل 2002
فعلا المبلغ دا يجيب عربية من الموديل دا
وياريت التفاصيل
عشان عايز اجيب ف اقرب فرصة
ان شاء الله
بس بشرط فابريكة وحالة ممتازة جدا جدا جدا
عشان اجبها معملش فيها حاجة خالص
لاني مليش ف شغل عربية اجبها و اصلح فيها والكلام دا
و منتظر الدر
المبلغ دا يجب فعلا الموديل دا
و هتكون الامكانيات اية بتاعتها ومنتظر الرد
وشكرا
بالسعر دة مش حتجيب غير لانوس كنبة... الحالة الكويسة بتبداء من 40 و انت طالع
MMamdouh
الانوس الحالة محترمة من 40 و انت طالع
ممكن ف الحدود دى تجيب اكسنت حالة نضيفة
شكرا للاهتمام
يعني لانوس 98 ب 40 الف
هتكون كويسة
ويعني اية كنبة !!
كنبة = حالة العربية مش كويسة خالص = هلكانة = اوعى تشتريهااقتباس:
المشاركة الأصلية كتبت بواسطة hamada0teto
وعن تجربة ... هات العربية حالة نضيفة لو غالية حبتين ... هاتريحك كتييييييييييييير
فعلا كلام صحيح جدا ..... انا بعد بحث دام تقريبا 6 شهور ..... جبت لانوس جوليت 2001 حالة كويسة ب 41500 ..... مش هتلاقي حالات نظيفة اقل من 40 الف فعلا ....... انا لسه جايب العربية من شهر بالظبط
لا لانوس موديل 99 ولا 98 ولا نوبيرا 1 او نوبيرا 2 هتلاقية فى السعر دة
الا لو عربية واقعة عايزة عربية تانية .
يعنى عندك الانوس مش هتقل عن 40الف فيما فوق وكدلك النوبيرا 1 مش هقل عن ال40الف ومش هتزيد عن ال45 الف باى حال من الاحوال لو عربية نمرة واحد مش محتاجة جنية يتصرف عاليها مش هتلاقى العربيتين دول اقل من كدة الا لو عربية محتاااااااااااجة مصاااااااااريف واخد بالك من محتاجة مصاريف دى.
النوبيرا 2 مش هتسمع اقل من 50 ل60 عشان تركب حااااالة وكل ما الموديل بيعلى التمن بيزيد بس الرك على الحالة.
لسة جايبن واحدة نوبيرا2 بريميوم كورى دهبى فرش بيج العربية فابريكة بالكامل معادا الاقصدامين وباب فقط واخدها ب56 الف بس تستاهل موديل 2004 .
واحد جارى اخد السنة اللى فاتت عربية نوبيرا 1 ب37 الف على رأى محمد ممدوح كنبة وكانت محتاجة كتييير عشان ترجع عربية ودلوقتى بقت مشرحة بمعنى الكلمة اصوات من كل حتة وتخبيط اعتقد العربيى دى محتاجة 15 او اكتر عشان يرجع يتقال عاليها عربية .
انا حبيت انقلك تجربتين عشان تحكم عليهم .
لو غاوى دايو بقى ممكن تجيب رايسر او اختها الاكبر شوية هتلاقيها فى التمن دة وتخدها حالة نادرة او على الاقل متصانة والعربيتين دول اسمع عنهم سمع خير .
او تطلع من الدايو خالص وقدامك السوق اشكال والوان
وعلى فكرة النوبيرا 1 اخدها ومضحوك عالية فيها
كان كبيرها من وجة نظرى ال35 صاج ولا لوحة سليمة فرش ابواب متبهدل وصالون شبة ضايع سقف البوية مقرحة وما خفى كان اعظم دة كلة من غير ما اركبها بالنظر بس . مابالك العفشة اية حالتها من منظر العربية هيا والمكنة .... دلوقتى العربية بطلع دخنة زرقا بعد سنة استعمال يعنى ممكن تحتاج عمرة فى الكامل لانى واثق انة كان واخدها اصلا خفيفة لحد ما جابت اخرها .
فكر كويس مش مهم ممكن تركب موديل اقدم شوية وحالة ممتازة دة فى سبيل راحة بالك يادوب صياناتك الدورية مش كل شهر هتغير حاجة لحد ما تجمع العربية من جديد .