السلام عليكم ورحمة الله وبركاته،،،
أنا عندي مشكله في التليقيزيون بتاعي: Samsung LA32D450
لما باشغل أفلام من الـ USB الترجمه بتطلع رموز كده مش بتطلع صح.
يا ترى أعمل إيه؟
شكراً
عرض للطباعة
السلام عليكم ورحمة الله وبركاته،،،
أنا عندي مشكله في التليقيزيون بتاعي: Samsung LA32D450
لما باشغل أفلام من الـ USB الترجمه بتطلع رموز كده مش بتطلع صح.
يا ترى أعمل إيه؟
شكراً
السبب عدم دعم الشاشه لتكويد الترجمه العربيه والحل عن طريق سوفتوير للشاشه يدعم الترجمه العربيه او عن طريق برامج تقوم بلصق الترجمه علي الفيلم نفسه باستخدام الكمبيوتر ولكن هتاخد منك وقت وجهد الافضل ليك شراء مشغل مختص تحط فيه افلامك مع ترجمتها وانسي موضوع تشغيل الافلام عن طريق الشاشه علشان كثره مشاكله وعدم دعم الكثير من الصيغ سواء للفيديو الصوت او الترجمات
شكراً على الرد السريع
ربنا يكرمك
أنا بصراحه كنت عاوز أشتري شاشه من غير USB Movie وأشتري الميديا بلاير ده بعدين بس ما لقيتش ميديا بلاير بيتباع في سيتي ستارز خالص غير ميديا بلاير راكب فبه هارد 1 تيرا بـ 1000 جنيه. ده غير إني كنت لسه هاشتري كابل الـ HDMI
طب دلوقت في عند حضرتك فكره أجيب منين الـ firmware اللي بيشغل الترجمه العربي؟ ويا ريت كمان تقول لي على إسم ا لبرنامج اللي بيلزق الترجمه على الفيلم.
شكراً
بخصوص تحديث الشاشه صعب انك تلاقي ليها تحديث انا كنت شفت تحديثات لبعض شاشات السوني فقط والموديلات الحديثه وكمان برامج لصق الترجمه علي الفيلم كثيره ومتنوعه ومنها ما يدعم بعض الصيغ دونا عن غيرها يعني مثلا في مخصص لصيخ ال avi وفي مثلا لصيغ mkv ولكن مثلا ممكن تستخدم virtual dup او mkvmerge ولكن انا افضل انك تشتري مشغل ميديا مستقل وراعي انه يكون يدعم الكثير من الصيغ سواء للصوره او الصوت والاهم تأكد من دعمه للترجمات العربيه وخصوصا ترجمات srt لكونها الاكثر انتشارا ومن جهتي ارشح لك جهاز اكستريمر برو لدعمه لكافه صيغ الصوت والصوره وايضا الترجمات العربيه بصيغه srt مع امكانيه تكبير او تصغير حجم الترجمه وايضا امكانيه تأخير او تقديم الترجمات وايضا استيعابه لعدد 2 هارد داخلي 3.5 بمساحه ٢ تيرا للهارد الواحد عموما الجهاز ممتاز وانصحك بيه
انا عاوزك تجرب الطريقه دى وان شاء الله هتنفع
أولا هنفتح my computer بعد كده tools وبعد كده folder options وبعد كده view وبعد كده نشيل علامه الصح من hide extensions for known file types
ثانيا هندخل على اى فيلم هنلاقى ملف الترجمه ظهر جنبه هنروح عاملين الاتى:right click على ملف الترجمه وبعد كده edit وبعد كده ctrl+A وبعد كده file و save as وهنقوم بتغيير الاسم الى اسم الفيلم بالضبط مع ترك الامتداد كما هو وهنلاقى برضو فى الصفحه بتاعت الsave as حاجه اسمها encodingهنختار unicode واخيرا save وان شاء الله يشتغل
ويارب اكون قدرت اشرح بوضوح
نفس المشكلة مع شاشة سونى والترجمة لا تظهر اساسا
فبقيت اشغل الافلام من اللاب توب من وصلة hdmi واريح دماغى
ممكن تجرب تحول القائمة الرئيسية للتليفزيون للغة العربية
عندى تليفزيون ال جى بيشغل الترجمة بالعربى لما تكون القائمة الرئيسية للتليفزيون باللغة العربية...
انا عندى تليفزيون سامسونج موديل UA40C6200 و فى طريقة بسيطة تقدر تعرض بيها الترجمة العربى بطريقة مباشرة من اعدادات التليفزيون نفسه...
بتشغل الفيلم و من الريموت بتضغط على tools و من القائمة اللى بتظهر بتختار subtitles setting
و بعدين تختار encoding و منها تختار اللغة arabic
بصراحة بقى معرفش تلفزيونك فيه نفس remote setting و لا لأ..
جرب و بأذن الله تظبط معاك