سمعت طقطقة في الجزء اليمين في الأمام و روحت للحداد و قالي في شرخ الشاسيه في الأمام يمين هل لحام الشرخ ده يأثر على سعر العربية عند بيعها و حالة العربية
وشكرا
عرض للطباعة
سمعت طقطقة في الجزء اليمين في الأمام و روحت للحداد و قالي في شرخ الشاسيه في الأمام يمين هل لحام الشرخ ده يأثر على سعر العربية عند بيعها و حالة العربية
وشكرا
للأسف آه هيأثر لإن ده بيأثر في الأمان بتاع العربية وأي سمكري شاطر يبص عالعربية هيعرف ان الشاسيه ملحوم بس مش هيأثر التأثير الفظيع يعني ........ وأنصحك خليك أمين في شرح حالة الشاسيه و سبب الشرخ بالتفصيل للمشتري و ربنا هيحسنلك سوقها ان شاء الله و طول ما الأمانة موجودة ربنا هيسهلك بيعها بسعر مناسب ان شاء الله :) والله الموفق
أولا شكرا على الرد يا استاذ ( TheDieSeL )
ثانيا انا عرفت الحكاية دي اني كنت لما اشد بالعربية شويه و امسك فرامل كنت بسمع زي طقة في الجزء الأمامي يمين و كانت قبل كده تحصل سعات بس بعد كده بقيت اسمع الصوت كتير و هو السبب مش حادثة ( لا قدر الله ) الحمد لله بس هو العفشجي قالي ان في شرخ في العربية من تحت و قالي ان ده بسبب المطبات الكتير و قال هيلحمه و يحط عليها زي قطعة حديد تقوية للعربية فايه رأيك في الكلام ده هل صح و ينزل حوالي كام من سعر العربية لو صح ؟
و أشكرك تاني بسبب سرعة الرد
الموضوع ده بسيط و اعتقد الشرخ ده بعد محور العجلتين الأماميتين و اللحام بتاعها سهل لو كانت حادثة و استعدال بسيط و لحام دي الي تقلل السعر لإنها بتأثر قوي على السلامة .... ولكن الشرخ الي عندك بسيط خالص و الحمد لله السمكري بتاعك شكلة فاهم ان شاء الله تتعمل بسهولة و مسألة تقليل السعر مش هتفرق كتير يعني ان شاء الله
و موفق ان شاء الله في تصليحها و بيعها بما يرضيك ان شاء الله و تقبل تحياتي