التقرير التاني - نيسان سيلفي بلوبيرد بعد صيانة 5000km
صيانة ٥٠٠٠ كم عملتها في مودرن موتورز أبو رواش ، حجز تمام ، إستقبال تمام ، غيرت فلتر و زيت ،، للاسف اللي إتصل قالي العربية خلصت ، و حتكون إتغسلت بعد نص ساعة ، سبت الشغل و رحت ،لكن طبعا
كنت لسة مدخلتش الغسيل ،،و د كنت غلطتي اني سبتها تتغسل : عطلة ساعة ،، فرش الباب عليه زيت مطرح
ايد اللي غير الزيت مع إن المهندس قال لهم ينظفه ،،الدواسة الكرتون عليها طين مطرح البوت بتاع عمال الغسيل
و كمان دواسات البنزين و الفرامل ، و سايبين كل ده في الصالون.
نيجي بقى للنص المليان من الكباية :
السحب بقى أحسن كتير ، الجيربكس ده فعلا رائع ممكن تعتبره سبورت فعلا ، يلحقك وقت الاحتياج للشد حتى لو السرعة عالية ، يعني ممكن تدوس بنزين و تعمل كيك داون على سرعة ١٠٠ لو إتزنقت .
جربت السرعة حتى ١٥٠ كم ( مش بحب أزود rpm أكتر من ٤٠٠٠ ) ، الثبات آخر جمال حتى في المنحنيات مع السرعة .
Abs أحلى حاجة مع حركات السواقة و السرحان بالذات فال صيام ، و مع ebd اطمن خالص .
التكييف اكتشفت وضع الأوتوماتيك الجميل ، يعني تظبط الحرارة و تسيب الباقي ليها حتى لو كنت ركنها الشمس ،و مش مهم لو كنت الحرارة برة ٤٠ درجة .
بفكر اركب إنذار بس النوع اللي فالتوكيل غالي ( هوا صحيح بيشتغل عل نفس ريموت العربية ) بس ١٣٠٠ جنيه كتير .
إيه رايكم في تغيير اللمبات ،،هل فعلا تفرق ؟