و المفاجاة الكبيره
مين اللي بيستورده من الهند
حبيب الملاين اللي كلنا بنعشقه
.
غبور باشا
ربنا يهدينا و يهديه
عرض للطباعة
و المفاجاة الكبيره
مين اللي بيستورده من الهند
حبيب الملاين اللي كلنا بنعشقه
.
غبور باشا
ربنا يهدينا و يهديه
والله انا معاك فى كل كلمة قلتها وفعلا عايزين نسئل حد هوة فيه ايه فى مصر سليبين البلد كده للبلطجية وقطاع الطرق والتكاتك وفعلا انا شفتها فى اماكن غريبة زى كورنيش اسكندرية وصلاح سالم ومصر الجديدة ده غير المناطق الشعبية عايزين حد يوصل صوتنا لحد فعلا مسئول انه ياخد خطوة ممكن يكون فيه ناس كويسة فعلا بس مبتفكرش فى المواضيع دى دلوقتى عايزين نعرف فين الشرطة اللى خلانا نعمل لجان شعبية فى يوم من الايام بس للناس اللى فعلا تكون جديرة بالثقة علشان برضوا كانوا معظمهم حرامية وبلطجية ونقف بقى وقفة بجد يارب اصلح حالنا
غبور هو السبب هو مستورده لمصر من كلام واحد صاحبى شغال فى التوكيل
ربنا ينتقم منهم انا من يومين بالظبط كنت هعمل حادثه جامده
ماشى فى امانه الله فى وسط البلد و اذا بتكتوك طلع ادامى وانا ماشى على 60 انا لفيت ادامه لفيت لفيت بمعنى الكلمه عشان الم نفسى وكان معايا والدى وما صدقش اننا فلتنا منها الحمد لله
ربنا ينتقم من الى دخله مصر
التوك توك ده مصيبة متنقلة ........ أنا بكرهه و بكره سواقينه
المفروض يكون موجود في الأرياف فقط لا غير علشان الطرق الضيقة و لازم يتم تقنينه
هو أنا مش فاهم هو ماشيين ازاي من غير نمر و فحص .... مش هو زيه زي الموتوسيكل .
الفساد كان ناخر في عضم البلد .......... و مازال ناخر فيها ... شعب و حكومة ..
أول إمبارح على كورنيش البحر فى اسكندرية عند المندرة
المنطقة ديه الطريق فيها ضيق
كان فيه عربيات راكنة يمين
2 توكتوك ماشين جنب بعض على الكورنيش وبيدلعوا مع بعض وبيتكلموا مع بعض
وقفلين الطريق بالكامل
ومش سامحين لأى عربيه تعدى !!!!
واحد بعربيه سيراتو عاوز يعدى منهم مفيش فايده
وكذا مرة كان هيخبطهم وصوت الفرامل كان قوى جدا
ومفيش فايده
حاجه بقت قلة أدب على الآخر
والله كان نفسى يلمسهم بس من ورا كانوا هيتقلبوا فى لحظة
ويجرى بعدها
والله كنت هفرح فيهم
شفت توك توك ع الصحراوي مسافر الفيوم واحد و انا رايح و واحد و انا راجع و انا رايح اللي شفته كان عطلان بيهم
في اسكندرية بقيت اشوف بعد 12 بالليل كده عربيات بوكس و نص نقل شرطة بتنزل تلف الشوارع و خاصاً الكورنيش اي توكتوك بتوقفه و تشيله على العربية
انا و الله لما عرفت ان غبور هو اللي كان مدخله زعلت اوي اني اشتريت هيونداي... بجد مش شاريها تاني عشانه
المشكلة الأكبر ان المرور سايبهم كدا يمشوا في اي حتى عادي و كمااااان اي حد اي حد عايز يعمل مشروع يروح يجيب كام الف (20 باين)!! و يجيب سواق و يشغله... بدون تراخيص ولا خط سير ولا بتاع و مفيش عدد محدد ليه في المدينة الواحدة مثلاً زي التاكسي! لأ هات و اشتغل و مفيش اي بروبليم و اهو الشوارع بقت واقفة و مهببة على طول
فعلا وسيلة مواصلات قذرة ده غير ان مفيهوش عفشة اساسا يعنى منك للشارع