الموضوع: مميزات التوكتوك

المشاركة الأصلية كتبت بواسطة ahmedhawas

منقول:
"تعدي بلطجي على ضابطين شرطة أثناء خدمتهم المرورية عند تقاطع شارع الدقي مع جامعة القاهرة بالسنج والمطاوي.

واستوقف الضباط سائق توك توك وسحبوا منه التوك توك، ثم فوجئ الضباط بدراجة بخارية بها اثنان من البلطجية تخترق مكان تواجدهم حيث أخرجا السنج والمطاوي وانهالا بالسباب على الضباط، وقاما بإنزال التوك توك من فوق الونش بالبلطجة وأخذاه ورحلا دون أي مساءلة."
‫ط¨ظ„ط·ط¬ظٹط© ط§ظ„طھظˆظƒ طھظˆظƒ‬‎ - youtube
"منقول" -المصدر: الوفد

أنا مش شايف أي سنج ومطاوي في الفيديو والظاهر ان كاتب المقال بيهول، إلا إن تهويش البلطجي بانه يحط إيده ورا ظهره يستاهل عليها ضرب النار ، لان ده تهديد لظابط الشرطة نفسه.
تاني حاجة مضايقاني جدا : ان الونش ده بضباطه لو بيتعاملوا مع إنسان محترم كان زمان الونش سحب العربية منه ولو فتح بؤه كان إتهزأ ومش بعيد يتاخد هوا كمان - وكان الونش هو اللي هيسيطر عالموقف ، عشان حاجتين (أكيد صاحب العربية غلطان - وعشان هو محترم).
لكن لما بيتعاملوا مع بلطجي (وللأسف) بيعملوله ألف حساب - ويحاولوا تهدئته بكل الطرق - وفي الاخر البلطجي بمعاونة أصحابه هو اللي بيسيطر ويمشي كلامه - وياخد عربيته أو توكتوكه أو موتوسيكله أو .. زبالته - ويمشي مرفوع الراس.

يا خسارة .. كان نفسي الشرطة تكون أقوى من كده في التعامل مع الأشكال دي.
ونفسي ألاقي مسئول في المرور - (مش هقول يلغي التكاتك لأن الموضوع أصبح معقد) - ولكن يوقف استيرادها ونكتفي بهذا القدر من الفوضى ويجبر مالكيها على ترخيصها وتعليق نمر والالتزام بمكان عملها.

يارب .. قولوا امين.

لا حول ولا قوة إلا بالله