بعض المعلومات الجيده عى اسبيرانزا a620

**Haitham10** · 05-09-2011 12:29 PM

الميجان بعد 6 سنين نزلت نص السعر ودة لاسباب وعيوب معروفة وقطع غيار غالية فحت كمان

انما دي مقولتوش عيوب .. ونزلت نص السعر برضه ليييييييييييييه

والشارك منزلتش نص السعر اساسا معلوماتك غلط انا برضه اقصد حاجة وانتو في حاجة تانية

عموما حصل خير

**sndbad111** · 10-09-2011 11:55 PM

ياجماعه ياريت نخلى المناقشه موضوعيه شويه احنا عاملين الموضوع عشان كل حد عنده معلومه عن العربيه سواء ايجابيه او سلبيه اوحتى تجربه شخصيه يقولها ويفيد بيها بقية الأعضاء اللى بيفكروا يشتروا العربيه وبكده يبقى عندنا مرجع لأى حد عايز يشترى العربيه

**said.d.y** · 13-09-2011 08:10 AM

معلوماتى أن ال 620 وخصوصاً موديلات 2006 و2007 كانت فيها مشاكل كتير وكانت بتغير حاجات كتير (تبع الضمان)،وسعرها نزل مع ضعف الطلب خصوصاً بعد زيادة الترخيص وسعر البنزين، والسوق المصرى بيفضل السيارات حتى 1600 سى سى ، ونسبة ضئيلة جداً البتفضل ال2000 سى سى والاعلى منها، وممكن ان مع بداية ظهور ال620 وقلة سعرها شجع كتير من الفئة البتحب او الكان نفسها فى ال2000 سى سى وحصل بعد كدة تشبع، خصوصاً بعد ظهور مشاكل فى بعض السيارات. لان حتى الجالينا نزل سعرها لغاية 99 الف جم بالنسبة للموديل الكان بيتباع ب155 الف جم يعنى سعرها نزل بنسبة اعلى من الاسبيرنزا.
وابو الفتوح ديماً فى سياساته بيسعر حسب السوق، يعنى يبداْ بسعر ويعدلة حسب استجابة السوق والعرض والطلب، لان فى الوقت الخفض سعر ال620 والتيجو ال2000 مانيوال والتيجو4*4، رفع سعر الطرازات الاخرى مرتين فى عام2011، حسب العرض والطلب.
هذا واللّه اعلم،،،،،،،،،،،،،،،،،،،،