ايه هي حالتك النفسيه بعد الاشتراك في المنتدي

**aminibrahim** · 03-09-2011 03:24 AM

انا مثلا افدني كتير جدا

لكن للاسف حطمني نفسيا لأن في بعض الاشعات زي البلطجه

والمشكله ان الحوادث بتبقي محكيه من طرف اخر قلما ان في واحد حصل ليه شئ هو شخصيا

والموضوع ده اثر فيا جدا وبقيت بشك في كل حاجه مش عارف اعمل ايه

لأن انا مكنتش كده ابدا :: مش عارف اتخلصمن الاحساس ده ازي: محدش يهاجمني لأن دي احاسيسي

**Car's Sniper** · 03-09-2011 03:14 PM

محدش يهاجمنى؟؟؟....لا معلش بقى انا ههاجم حضرتك هههههههههه...ده لو سمحتلى طبعا لان ده لُب الموضوع
العيب ان حضرتك اللى بتتأثر بالكلام دا وبتصدقه....النت عالم كبير واجتماعى لكن فى الاول وفى الاخر عالم وهمى ومالهوش رقيب او قوانين ...يعنى الكلام مش بفلوس واللى عايز يقول اى حاجة هايقولها ومحدش هايقدر يشكك فيه والمفروض كمان ان محدش يصدقه
الرد اللى لسة كاتبه قبل دا كان لعضو عشان هول الامور وحورها بعيد عن الواقع خالص وحول السؤال من واحد بيسأل هو فيه بلطجية على طريق س؟؟ ليقين ان فيه بلطجية بالفعل على طريق س ..لمجرد انه شاف السؤال بس وسمع كلام وهيترتب عليه ان واحد هييجى يشوف كلامه هيقول ان فيه بلطجية على طريق س ورويترز هاتشتغل
هى دى طبيعة شعبنا ...لازم نحط بصمتنا فى اى خبر بنسمعه واحنا بننقله.....والمصيبة الاكبر اننا بنعتمد فى مصادرنا على المعلومة السمعية من غير مانتأكد من اللى احنا سمعناه ده
انا باحب المقولة دى جدا: ماتصدقش اللى تسمعه وصدق نص(5.) اللى تشوفه