يا عزيزى مش بيتفرق كتير فى الشغل الا فى حاجات محددة يعنى الى يدخل محاسبه يقدر يشتغل محاسب قانونى او مراجع خسابات دى مايقدرش يشتغلها خريج اداره بس غير كده عادى والله مابتفرق عن تجربه انا خريج تجارة المنصوره اداره اعمال 2009 دخلت اداره اعمال عشان حاجتين اولا مش بحب المحاسبه ولا بطيقها لا شغل ولا دراسه والحمد لله سنه التخصص عدت عليا سهله فى نفسا لوقت الى زمايلى بتوع محاسبة تعبوا جدا فيها بس مافرقتش كتير الى عايز يشتغل بيسعى وربنا يكرمه خصوصا خريجى التجاره لان المجال بتاعنا معدش بتاعنا بقى للكل اى حد اداب تربيه خدمه اجتماعيه بيتشغل فى الاداره
انا اشتغلت سيلز فى بنك باركليز فى مصر وفى بنك راس الخيمه فى دبى والى معايا معظمهم مش تجاره اصلا بس ده مايمنعش ان فعلا تجاره بس الى يشتغلوا فى بنك استاف يعنى خدمه عملاء مثلا او تيلر بس برضه مش بتفرق كتير هنا محاسبه من اداره واشتغلت فى توكيل خطوط ملاحيه عالميه فى مصر منسق عمليات مشفتش فرق بين اى قسم والتانىب العكس هنا مثلا بيبقى مطلول اللغه اهم حاجه حتى لو خريج تربيه او اداب وحاليا شغلى فى قطر فى شركه مقاولات وعقارات كمسئول مشتريات كل الحاجات الى اشتغلتها ملهاش دعوه ببعض ولا ليها دعوه بانى خريج اداره ولا محاسبه
المهمفى ال موضوع ده انك تشوف الدرايه الى بتحبها وهتريحك بس برضه ماتخرجش عن بعض الاقسام يعنى مش شايف ان علوم سياسيه دى او احصاء ليهم لازمه بصراحه الا لو كنت غاوى حاجه منهم ممكن نظم معلومات كويسه جدا هتقدر تشتغل كمحاسب او ادارى او دعم فنى للحاسبات او مبرمج لو كملت فى السكه دى ولو شايف ان قسم جمارك كويس وانت مرتاحله وممكن يبقى فيه فرص شغل اتكل على الله المهمادر س حاجه ماتتعبكش وتخلصك من الكليه على خير
المفضلات