هي كل الشركات الخاصة بتمضي الموظفين علي استقالة في بداية الشغل؟
لو كده الواحد بياخد حقه ازاي.
هي كل الشركات الخاصة بتمضي الموظفين علي استقالة في بداية الشغل؟
لو كده الواحد بياخد حقه ازاي.
ايوة للاسف دى حقيقة
متهيالى لو شركه محترمه مش حاتعمل كده
الكلام ده عمره ما حصل معايا في 5 شركات لحد النهاردة
انا شفت الكلام ده امامي بيمضي علي الاستقالة قبل مايمضي علي استلام العمل وبالشروط بتاعتهم
وكانت شركة خاصة بمسؤول كبير في البلد كمان
قمة القهر والاستهانة بالمصريين
انا مضيت العقد واستمارة 6 وانا قاعد ..... مفيش الا كده
دي رابع شركة اشتغل فيها و ما مضيتش استقالة و لا بتاع في ولا واحدة من الاربعة ......
ايوة اغلب الشركات بتعمل كدة
بتمضي استقالة
وبتمضي انك استلمت كل مستحقاتك
وكل اصول اوراقك كمان
الضمان الوحيد انك تاخد حقك هو اسم الشركة ليس الا
يعني عندنا رغم اننا ماضيين على كل دا بس لما حد بيمشي بياخد حقوقه كلها الحمد لله
اية الكلام دة يا جدعان, ازاي يعني دة كدة نصب رسمي.
أول مرة أسمع الكلام دة
أنا في رابع شركة و عمري ما عملت كدة
و لو حصل أن الشركة قررت أنهاء عقد أي عامل، بياخد مستحقاته كلها و بتكون مرتب شهرين بحد أدني عن كل سنه شغل و كمان شهرين .leave notice لو كان اشتغل أقل من 10 سنين و 3 شهور لو أكتر من 10 سنين
قانون رقم 12 لسنة 2003
( مادة 111 )
يجب أن يتم الأخطار قبل الإنهاء بشهرين إذا لم تتجاوز مدة الخدمة المتصلة للعامل لدي صاحب العمل عشر سنوات وقبل الإنهاء بثلاثة أشهر إذا زادت هذه المدة على عشر سنوات .
مادة 122 )
إذا أنهى أحد الطرفين العقد دون مبرر مشروع وكاف ، التزم بأن يعوض الطرف الأخر عن الضرر الذي يصيبه من جراء هذا الإنهاء .
فإذا كان الإنهاء بدون مبرر صادر من جانب صاحب العمل ، فلا يجوز أن يقل التعويض المستحق للعامل عن أجر شهرين من الأجر الشامل عن كل سنة من سنوات الخدمة .
اول مره اسمع بموضوع كتابة الإستقاله مع التعيين
انا اشتغلت من غير عقود قبل كده بس عمري ما مضيت استقاله قبل استلام العمل
في الشركه عندنا بتبلغهم في نفس اليوم بدون اخطار مسبق ... بتعملهم مفاجأه يعني :dontudear: وبتعوضهم بشهر عن كل سنه والمسئول قال انه بيطبق آخر اصدار لقانون العمل
وفي الظروف الإقتصاديه الحاليه التعويض بيكون شيك مؤجل الدفع
شركات كتيرة جدا منها النساجون بتعمل كده
لو عملو كدة يبقو نصابين و مش محترمين
حا أقولك كل ما تحب معرفتة عن قانون العمل و اقولك الى ليك و الى عليك الحمد لله عندى خلفية قانوية عن قانون العمل كويسة
و ليها مخرج قانونى على فكرة طالما هما عايزين شغل شياطين يبقة توريهم شغل الابالسة بالقانون
للاسف في شركات بتعمل كدة
زي ما في شركات محترمة لما بتيجي تمشي بيعملولك انترفيو ويسالوك سيبت الشركة ليه وشايف فيها ايه سيئ
يعني انا لو قدمت استقالتي يحق لي مكافأة شهرين عن كل سنة مع العلم اني قعدت فيها 3 سنين؟؟؟
ادينا معلومات عن قانون العمل بقا :36_1_37[1]:
كلامك سليم يا استاذ كريم :tumb:
اعتقد المفروض ليك مكافأة نهاية خدمة
بس للاسف كل شركة بتطبق اللي يعجبها من القوانين وبتنسى الباقي! :bigeyes02:
شغلي الحالي دا رابع شركة خاصة اروحا و عمري ما حصل معايا الكلام دا ابدا ؟؟؟
معظم الشركات بتعمل كده والشركات اللى مش بتعمل كده بيبقى ليهم 100 طريقه تانيه يمشوك بيها
انا شغلى مدير موارد بشرية واللى بيحصل ده مش قانونى واللى بيحصل معاه كده يتصل بمكتب العمل التابع له ومش هيسئلوه اسمه ايه ولا هو مين هياخدوا الشكوى وهيعملوا تفتيش على المنشأه وعلى ملفات العاملين ولو لقوا استمارة 6 موقعة بيعملوا محضر (مخالفة للشركة ) طيب لو مالقوش حاجة مفيش مشكلة العيار اللى ميصبش يدوش طيب هما بيعملوا كده ليه اولا لو انت موظف كويس وملتزم بعملك تبقى انت عملة نادرة وعمر ما هيفكر يضايقك او يمشيك طبعا انما فيه ناس يفضل كويس خلال اول سنة بعد التثبيت يقرفك عدم الالتزام فى المواعيد غياب اهمال فبتيقى دى ورقة ضغط فى ايد الادارة وغالبا اللى بيعمل كده شركات الافراد خصوصا الصغيرة طيب لو مفيش قدامك الا الشغلانه دى وده الشرط بتاعهم امضى مفيش مشكلة وغالبا مش هيحصل حاجة طالما انت راجل محترم فى شغلك طيب لو حصل ولقيتها شركة مش محترمة تليفون لمكتب العمل بدون اسم وبيثبت حالة ولو حصل فى الامور امور هتروح مكتب العمل وهتحكى اللى حصل معاك هيعملوا محاولات يرجعوك او يجبولك حقوقك محصلش بتروح ترفع قضية وبتاخد معاك شهود من الشركة يثبتوا ان الاستمارة وقعت قبل التعيين وانك كنت مجبر تحت حاجة العمل وهيتحكم لك بمستحقاتك بعدها ترفع قضية تعويض وبعدين اى شركة مبتحبش دوشة المحاكم والقضايا والكلام ده
مكتب العمل حسب المنطقة اللى تابع ليه شغل حضرتك يعنى مكتب الدقى مكتب الجيزة مكتب مدينة نصر وهكذا ممكن تجيب التليفون من الدليل والعنوان من جوجل
لآ مش حا يدوك أى حاجة ألا لو ناس محترمين فوق العادةو دة صعب شوية
لكن لو هما الى مشوك برغبتهم هما مش برغبتك يبقى الحقوق بتاعتك كالآتى
أذا قدرت تثبت أن دة فصل تغسفى حا تاخد شهرين من أجمالى المرتب عن كل سنة عمل لديهم و تحتسب من أجمالى الاجر الذى تتقاضاة قيل خصم التأمينات و الضرائب مش زى الى بتقبضة كل شهر عادى يعنى و ما هو مستحق لك من رصيد اجازات عن أخر 3 سنوات دة لو عندك رصيد أجازات متبقية
____________
العملى الى حا يتطبق بدون مشاكل حا تاخد شهر واحد من اجمالى الراتب عن كل سنة و ما هو مستحق لك من رصيد أجازات عن أخر 3 سنوات
للاسف الكلام دة حصل معايا وبعد الثورة تم تصفية 25مهندس من الشركة وبما فيهم انا وطبعا محدش اخد حقوقة :fun_10_9_134[1]: