حد مركب انذار وولف وحد عنده دواسات كويسة؟

**Ayman-Ahmed** · 03-09-2011 10:42 AM

السلام عليكم ورحمة الله وبركاته

اخباركوا ايه شباب نايل موتورز .

كنت محتاج اعرف حاجتين :

اللى مركب عنده انذار وولف : ايه اخبار حساسية الجهاز وايه احسن مكان اركب فيه الحساس .ناس قالتلى على الحساس على الاخر وحطه فى الفيبرة اللى فى الجنب وناس قالتلى الزقه بلزق قوى تحت الدريكسيون.؟

كان عندى دواسات مارسو وكانت ممتازة لحد ما ربنا اراد انهم يروحوا لحالهم والحمد لله على كل حال.هل فيه انواع كويسة فى السوق احسن من مارسو ولا اجيبهم تانى ولو امكن اماكن بيع الدواسات؟

مشكورين

**darsh_darsh** · 03-09-2011 11:18 AM

الولف جهاز كويس بس انا مركبه بدون الحساس بتاعه مركب على فتح الباب لانى الحساس كان عامل ازعاج العيال الصغيره بتفضل تخبط العربيه عشان تسمع السرينه

**Ashraf_Ibrahim** · 03-09-2011 11:32 AM

انا مركب وولف
الحساس بتاعه كويس جدا
لو انت مخليه عالي بمجرد مرور عربية من جنبك الانذار هيشتغل
انا مخليه على 3/4 تقريبا
ولما بكون في منطقة شعبية او فيه اطفال كتير او كدة بخليه سايلنت -نور فقط بدون صوت-

**Mido_Vip** · 03-09-2011 12:20 PM

علشان تعمل الانذار سيلنت اعمله من الريموت بتاعه ومش هيعمل صوت هتنور فقط

هتلاقى عندك فى الريموت 4 زراير وهتلاقى فيهم واحد بيقفل من غير صوت وهو بيبقى دايما الزوار الثالث وهتلاقى عليه علامة سماعة وعليها شرطه

**Ayman-Ahmed** · 03-09-2011 12:23 PM

ما انا بحاول اعمله من الريموت وبدوس على زرار القفل 3 ثوانى ولا جديد بيغير لون اللمبة بس من ازرق لاحمر

**Mido_Vip** · 03-09-2011 12:38 PM

دوس على الريموت مره واحد مش 3 ثوانى
انت عندك فى الريموت 4 زراير
اول زرار بيقفل بصوت
وثانى زرار بيفتح العربية
وثالث زرار بيقفل العربية من غير صوت ( وده الى انت تقفل بيه ) وهتلاقى عليه علامة السماعة وعليها شرطه دوس عليه مره واحده
والرابع بيشغل الانذار علشان لو عاوز تعرف مكان العربية فين