الموضوع: نوبيرا زيرو بتعوم مع الفرامل

شكراً يا أستاذ ميدو ومهندس م ممدوح وأستاذ إيهاب

المشاركة الأصلية كتبت بواسطة ايهاب سمير

على فكره العيب ده اساسى فى اكثر من 70% من النوبيرا وطبعا انت عربيتك زيرو مشكلة الرجه لما تدوس فرامل دى اساسا طنابير وطبعا لازم ترجع للتوكيل لكن نصيحتى لازم يكون ليك معرفه فى التوكيل لان ده موجود فى كل مخزون الطنابير فى التوكيل وهو اصلا لان الطنابير دىمن المكون المحلى فى العربيه طبعا العيب فى الخامه وعلى فكره انت بتلاحظ المشكله دى لما الطنابير بتسخن بتتمددو بيظهر فيها العالى والواطى جرب مره فى التوكيل وحاول تخليهم يجيبو من الاخر يعنى فيه عندهم طنابير اصلى ولا لا وممكن تشترى دماغك وتجيب طنابير بريمبو ايطالى ب400 ج وتنسى المشكله

لو جبت الطنابير وركبتها بمعرفتى برة التوكيل ، فى مقاس معين يا جماعة ؟ يعنى البريمبو اللى قال عليها أستاذ إيهاب مقاس واحد هيركب على طول ؟

ولو روحنا للحل ده هل فى أنواع أحسن من الإيطالى طالما هجيب من برة بقا ؟؟ والمقاس إيه الله يخليكم ؟ وهل أركب نفس التيل ولا أغيره برضه ؟؟

وسؤال أخير يدل على الجهل ، هل الطنابير أمام فقط ولا فيه خلفى برضه ؟