الموضوع: ليه العربيات الجديدة والمستعمله غالية في مصر(دعوة مفتوحة للنقاش)

المشاركة الأصلية كتبت بواسطة whl

موضوع استيراد الافراد ممنوع هنا في مصر لازم اللي يستورد تكون شركة مش فرد لكن بره ممكن اى فرد يستورد عربيه بس نحن في مصر نختلف عن الآخرون

طيب ما انا عادي ممكن اتصرف فشركه استيراد
هل وقتها هدفع تمن العربي ف المغرب ه و الشحن بس
انا بتكلم ع اللوجان تحديدا

المشاركة الأصلية كتبت بواسطة firstknight_eg

لا في الموضوع ده انت كفرد ممكن تستورد العربية اللي انت عاوزها بشرط انها تكون جديدة وموديل السنة، وعايز الاحسن من كده بأه شوف معاك كام واحد كمان عاوزين تشتروا نفس العربية وممكن تكلموا الشركة بره، وطبعا لما العدد يزيد ممكن تعمل نسبة خصم والمصروفات هتقل ومصاريف الشحن هتقل

و مش هندفع جمارك و لا اي حاجه؟؟

المشاركة الأصلية كتبت بواسطة شاهين - بنز

ياجماعة متنسوش برضو إن إحنا دولة فقيرة وكل الدول الفقيرة بتبقى عربيتها بجمارك أقرب مثال سوريا مثلا السيراتو هناك أسمع بتوصل ل 180 ألف فالفكرة بياخدوا الجمارك من الناس المرفه إللي عازين يجيبوا عربيات وبفلوس الجمارك بيصرفوها عالغلابة زي دعم العيش والغاز والكهربا وخلافة وكمان شوفوا الدولة بتصرف على دعم البنزين أد إيه يعني يافرحتي مثلا لو جبت العربية من غير جمارك وأفول التانك ب 250 جنيه
الجمارك دي مصدر دخل للدولة وبتسندها شوية وقرش من هنا على من هناك تعمل دخل للدولة وتقدر تصرفهم عالشعب

اختلف معاك في وجهة نظرك لان مصر مش دولة فقيرة بالعكس مصر غنيه واغنى من بلاد كتيرة هنا السادة المسئولين بدل ما يفكروا يجيبوا فلوس منين بيختاروا اسهل الطرق علشان مايفكروش يعني مثلا بدل ما يفكر يستثمر في الزباله اللي ماليه الشوارع واللي تجيب ملايين للبلد وتخلق فرص عمل كتير لشباب كتير اهوه ده مثال يجيب فلوس للبلد والامثله كتير لكن لا احنا المسئول راكب البي ام ولا المرسيسدس يروح الشغل براحته مش فاضي من حفلاته وتفاهته ومش فاضي يفكر فاسهل طرق ايه ازود ضرايب ازود جمارك وافرض فلوس كتيرة على علبه السجاير وهكذا وهكذا ولما يتزنقوا ياجماعة احنا دولة فقيرة وناقص يعيط ويشحت كمان وللاسف احنا شعب عبيط وبيصدق ولسه بياخد ولسه ياما ياخد على قفاه

وبذمتك في دولة فقيرة وبتصدر غاز ولا دولة فقيرة وبتصدر كهربه ولا دوله فقيرة عندها قناه زي قناة السويس ولا دولة فقيرة فيها عقول توازي عقول الناس اللي في اوروبا او امريكا احنا كده اللي شاطرين فيه اننا سلمنا بالامر الواقع وكله بيمص في دم كله سواء شعب او حكومة والشعب عندنا دلوقتي مع النظام القديم او ضد النظام او ده زملكاوي ولا اهلاوي ولا مسلم ومسيحي وهكذا

وفي امريكا البنزين مش مدعم وغالي بس الحياة هناك مش مقفوله كده وماحدش لاقي شغل وكل الشعب بيشحت انا لو بيدوني حقي في الشغل زي ما يرضى ربنا او الخدمات هنا زي ما يرضى ربنا عادي ياخدوا فلوس في امريكا البنزين غالي والضرايب تقطم الوسط بس معروف الفلوس ده هاتروح فين

كفاية بقى نسكت على حقنا لحد دلوقتي وفرحانين بالثورة اللي من وجهة نظري ملهاش اى لزمة