هيونداياوى او النتراياوى (محتاج معلومات كاوتش-شاتيه)
185 65 R 15 88H
195 65 R 15 91H
دى احجام الكاوتش اللى ينفع فى ال النترا (غير الجنط 16 )
هى ال 185 دى تقريبا اللى راكبه فى معظم العربيات اللى جنطها 15 فى مصر
فعندى كام سؤال اعتقد ناس كتيره هتستفيد منهم
اولا موضوع اركب ال 195 بدل 185 يعنى هزود 1 سم فل العرض دا هيفرق ؟
انا عارف انو مش هيضر العربيه بس فى ناس بتقول بيقلل السحب و كمان بيقلل السرعه القصوى و دا بيفرق معايا
فهل مثلا فرق النعومه يستاهل ؟ مع العلم ان الاستابيلتى كويسه جدا و مريحانى شخصيا يعنى على 170كيلو و اكتر ( يعنى كانت بمشى 210 كيلو( طبعا فى طريق سفر فارغ تماما) و مريحانى فل السواقه بس طبعا مش غرز وكده بس متحسش انك ركب ورقه )
حد عندو النترا وجرب يغير185 ل 195 دا فى النترا قبل كده ؟
تانى حاجه بالنسبه ل موضوع H و دا اقصى سرعه 210 فهل كل الكاوتشات المتوفره H ؟ يعنى مثلا ملقيش فرق السعر جامد عشان T او S ؟
تالت حاجه بالنسبه لموضوع تاريخ التصنيع مفروض الجديد يكون من امتى ؟
هل زى كيس الشبسى مثلا و يكون انتاجو من شهر و لا اتنين ؟ ولا الجديد دا بيكون من 6 اشهر او سنه مثلا ؟
يعنى هل هلاقى واحد انتاج الشهر اللى فات او اللى قبلو ؟ وهل دا بيفرق جامد فل السعر ؟
انا عارف ان التاريخ بالسنه و الاسبوع
يعنى 3211 هل هلاقى حاجه كده مثلا ؟ او اجدد او اقدم ؟
و بما انى جربت النيتروجين فبردو احب اقول انو مبيفرقش فل العربيات الناعمه اصلا
لكن مثلا لو عفشه ناشفه او بتدب بيحسن بفرق بسيط ( وان شاء الله اما اجيب جديد بردو هنفخ نيتروجين )
رابعا نيجى لاهم نقطه نوع الكاوتش ؟
البريدجستون ولا الكومو ولا ايه بالظبط.... ؟
ايه انعم حاجه ؟
هو البريدجستون أغلى حاجه بس انا مقتنع ان لو الفرق 250 جنيه فل الفرده يعنى 1000 جنيه فكلو
يعنى 60 الف كيلو فى 3 سنين ( او 4 بالنسبالى )
يعنى 300 جنيه فل السنه
يعنى 30 جنيه فل الشهر
يعنى اقل من جنيه زياده فل اليوم
يعنى لو واحد وفر سجارتين بس فل اليوم
ويشترى دماغو
و بالنسبه لانواع البريدجستون
فى نوع على النت شوفتو اسمو
Bridgestone Turanza With Serenity Technology
دا ايه سعرو ؟ وموجود فى مصر اصلا ولا لأ ؟
دا المفروض انعم واحد وملهوش صوت على الطريق
وايه اللى موجود زيو فى مصر؟
( عشان كده بقول 250 جنيه فرق يعنى لو الكاوتش دا ب 700جنيه مثلا
بس يكون ناعم فعلا عن البريدج استون العادى )
و بالنسبه للاسعار انا سمعت ان الكاوتشات غليت ؟
و سألت على بريدجستون(معرفش موديلو ايه ) فى محل جنبى قالى 685 جنيه !!! حاسس انو حرامى كبيييير جدى
و العربيه ماشيه 70000 بالكومو اللى فيها و لسه قدامو حبه صغغننين
وهوا القديم بيتباع بكام ؟
ومين محلات كاوتش مشهوره و سعره حنين مش لازم ارخص حاجه بس ميكونش حرامى و ياريت عن تجربه ؟
وايه FIT AND FIX اللى بيتكلمو عليه هنا فل المنتدى
و فين توكيل بريدجستون فى مدينه نصر مثلا ؟ او فل القاهره
و نقطه اخيره نفسى تكون بتفرق ؟
هل مثلا اطلع سفريه بورسعيد ( بالذات او اى حتا ) اجيب منها الكاوتش ؟ لأى ميزه
سواء ارخص ؟
او عندو حاجات استيراد و انواع مش موجوده فل القاهره ؟ ( يعنى التورنذا السيرنتى اللى على النت )
او حاجات طاظه لسه جايه ؟
مش لازم ارخص بس
يا ريت لو حد من بورسعيد يقولى ؟
معلش سألت اسئله كتير جدا
ولو حد النتراوى نفس الكاوتش كده و جرب 195 هيساعد اكتر
و مش لازم يترد علي الاستفسارات كلها
بس اللى يعرف حاجه يقولها
انا يعتبر اول مره اشترى كاوتش العربيه
فمعلوماتى ضعيفه جدا
فأعذرونى
و شكرا مقدما للجميع
وان شاء الله كلنا نستفيد