إعترافات موظف ذو خبرة طويلة

**heronasser** · 12-05-2008 12:13 PM

إعترافات موظف ذو خبرة طويلة

مراتك ....... ولا ...... شغلك !!!!!!!!!!!! !!!!!

كل نساء العالم يتهمن أزواجهم بأنهم يحبوا الشغل أكثر منهم

وأنا أصالة عن نفسي ونيابة عن الرجال أعترف بأن هذا صحيح .......... صحيح ...... صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل :

أولا ......... الشغل بيصرف عليّ....بس أنا اللي أصرف عليها !!!

ثانيا........ في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش حيجيب نتيجة ...

ثالثا ........ممكن تزوغ من الشغل في أي وقت من غير ما حد ياخد باله أو حد من الزملاء يغطيك

إنما تزوغ من مراتك.. هيهات.. أنسى …..

رابعا ........ في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا....... في الشغل من حقك تاخد أجازه...عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك... مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!

سادسا ........ في الشغل ممكن تترقى و تاخد منصب بيه.... وباشا كمان ويبقى لك مكتب لوحدك ..... و مراسل...... و سكرتيره خاصة…. والكل يضرب لك تعظيم سلام.... في البيت حتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك.... يا بابا.......أو..... ... يا حاج.......... ولما تعجز... تقولك..... يا بركه

سابعا .......الشغل لو زهقت منه ممكن تسيبه بدون مشاكل.... وبسهوله.... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره.... ومعاش... وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا......... ممكن تغير شغلك وتتنقل لغيره لو لقيت شغل أحسن منه....... في حين أنك طول الوقت بتشوف بنات أحلى ميت مره من مراتك بس ما تقدرش تغيرها........

عاشرا...... في الشغل....متأمن عليك عشان لو حصل لك حاجه...... ولو حصل لك حاجه..... مراتك هي اللي هاتقبض التأمين

في النهاية ... بتحب مين أكتر... مراتك ولا شغلك ؟؟

أكيد مراتك ... أحسن يوقع الكلام دة في ايدها ... تبقى مصيبة

للامانه منقول

**mo7amed_omara** · 12-05-2008 12:36 PM

بجد موضوع جميل :):):)
واهم حاجة انك فى اخر الموضوع اخترت مراتك ;);) علشان مفيش حد يقع فى الغلط

**hamedo0** · 12-05-2008 12:49 PM

طبعا مراتي
مين لو انت طعبان بيعقد بيك مراتك
مين بعمل الغداء لما تروح من الشغل تعبان مراتك
اوف مش فاكر حاجه تاني
انا مش متجوز عشان محدش يفهمني غلط

**dr_3eshoo** · 12-05-2008 02:32 PM

موضوع معدي و من خاف سلم

**hazem_khidr** · 12-05-2008 06:36 PM

مين اللي يسهر جنبي الليل
مين اللي باله معايا طويل
ام العيال العشريه يا ام العيال يا عشريه
مين هيا مين ست الستات
و جنب منها افرح و ابات
اصلك اصيله يا عشريه يا ام العيال يا عشريه
:)
اغنيه لاحمد منيب

**Mido80** · 13-05-2008 08:56 AM

جامدة اوي اوي اوي اوي اوي اوي اوي يا هيرو. بصراحة انا وقعت علي الارض من الضحك. تسلم ايدك علي الموضوع العسل دة وبصراحة انا راي مختلف شوية

انا زهقان من الاتنين...مراتي والشغل..هههههههههههههههههه هههههههههه

**محمد المشد** · 13-05-2008 01:15 PM

المشاركة الأصلية كتبت بواسطة Mido80

جامدة اوي اوي اوي اوي اوي اوي اوي يا هيرو. بصراحة انا وقعت علي الارض من الضحك. تسلم ايدك علي الموضوع العسل دة وبصراحة انا راي مختلف شوية

انا زهقان من الاتنين...مراتي والشغل..هههههههههههههههههه هههههههههه

انا خايف عليك لحسن تقع من ضرب مراتك وليس من الضحك لو قرأت كلمتك
عموما بصراحة طبعا الاثنان مكملان لبعضهما الشغل من اجل الرزق ولقمة العيش والزوجة لانها حسنة الدنيا
والموضوع فعلا مشوق ورائع