الانترا 2011

**ASKAFRAWY** · 08-09-2011 10:01 AM

المشاركة الأصلية كتبت بواسطة togo

بص ياباشا انا العربيه معايا عامله 29000 كم بالنسبه لعيوبها بمجرد ان حد قاعد علكنبه انت معرض للحك في المطبات وكلما زاد الوزن بتسلم عالمطبات الحاجه التانيه لو مفيش abs العربيه بتزحف لو ضربت فرامل وبتزحف جامد وبالنسبه لموضوع استهلاك البنزين ده خراب بيوت استهلاكها علي اوي التفويله بتعمل بتاع 360 كم وده قليل اوي انصك تفكر في الصني كويسه كده وبنفس السعر تقريبا

موضوع المطبات والزحف دة انا مقروف منه اوى وبفكر مع تغيير الكاوتش لانى عامل برضه 25000 كم بالعربية انى اركب جنوط 16 على كاوتش 205/55 R 16 واشوف
ودى تجربة العضو happpykiddd

ولا يهمك يا معلم انا خلاص غيرت الكاوتش بالجنط وانا عند الراجل فضلت افكر فى كذا اختيار
اجيب كاوتش 205 ولا 195
وبعد ما رسيت على 195 غيرت الموضوع و بدلت الجنط ال 15 اللى عندى بالجنط ال 16 هو قالى تيوانى والكلام ده اخدتة ب 2600 وهو خد الجنط بالكاوتش ب1100 و جبت كاوتش 205 55 على 16 والدينا زى الفل والحمد لله
العربية ثبتت اكتر و الباور تقل شوية بسيطة بس ده احسن بكتير انا لما كنت بجرى كان الباور بيتقل بس دلوقتى احسن
بس حاسس ان التسارع اقل شوية و العربية تقلت بس عادى مش فارقه معايا اهم حاجه العربية تقلت
واهم حاجه فعلا بقى ان العربية ارفعت عن الارض كتير طولت يعنى كنت الاول باخد المطب واقعد احسس عشان ميحكش دلوقتى بفرم المطب حتى لو محمل احسن كتير

بالنسبة للاستهلاك بتعمل معايا فى السفر من 260-280كم فى الصفيحة و220كم جوا البلد والتفويلة بتمشينى مع القرص والتكيفف والشد حوالى 450-500كم
راجع مع التوكيل موضوع الاستهلاك لان دة عالى جداجدا

**memotitoz** · 18-10-2011 03:52 PM

المشاركة الأصلية كتبت بواسطة askafrawy

انا مع نفس الرأى انا معايا النترا 2011 وفعلا شاريها ب 104.500 والحاجة الوحيدة المضايقانى فى العربية بصراحة موضوع الفرامل وخصوصا لوبتحب الجري لان فى المواقف الفجائية العربية بتزحف
غير كدة هى عربية كويسة وتسارعها كويس حتى فى الاوتو
ناعمة وثباتها كويس وماحستش باى مشاكل فى الباور الكهربا على الطريق
انا اشتريتها فى شهر 5 وبرضه قارنتها بالار بى وكنت عرفت ان الشكل الجديد للالنترا نزل
لكن بصراحة الالنترا االجديدة سعرها عالى اوى عليها
وغير كدة مش هتتناسب مع ظروف سفري لان لا قدر الله اى خبطة فى العربية صعب جدا التعامل معاها بالنسبة للسمركة ففضلت الشكل القديم وخصوصا ان محدش اشتكى منها

انا عندي سؤال لحضرتك, ارجو افادتي فيه!!!..........انا معايا النترا الشكل القديم 2011 مانيوال و بحس ان في خشونه بتظهر ساعات في الدركسيون بس مش عفشه!!!......مش عارف دي من ايه؟؟.من الموتور الكهربا بتاع الباور ولا ايه.....فلو عند حضرتك نفس الموضوع ياريت تقولي.....

**ahmad‎_luca** · 18-10-2011 04:56 PM

المشاركة الأصلية كتبت بواسطة memotitoz

انا عندي سؤال لحضرتك, ارجو افادتي فيه!!!..........انا معايا النترا الشكل القديم 2011 مانيوال و بحس ان في خشونه بتظهر ساعات في الدركسيون بس مش عفشه!!!......مش عارف دي من ايه؟؟.من الموتور الكهربا بتاع الباور ولا ايه.....فلو عند حضرتك نفس الموضوع ياريت تقولي.....

طبعا بعد اما تسمع راى الاستاذ askafrawy

احب اقولك نصيحه يمكن حضرتك سمعتها كتير
يعنى حاول متركزشى مع العربيه فى الحاجات البسيطه
يعنى لو خشونه خفيفه او حاجه مش مؤثره سيك منها
لو قعدك تركز مع العربيه هتتعبك (يعنى فى التوكيل او اى مركز خدمه مش هيونداى بس تروحلوهم يقولوك كده يعنى الدركسيون فى ميللى و لا اتنين عوجه يقولولك سيبك ( وفعلا لانك ممكن تعدلو ميتظبطش زى الاول ) الدركسيون فى صوت ساعات خفيف ( دا طبيعى ) فى صوت فل الموتور مثلا زى ونه ولا كده ( عادى ) طبعا حسب الصوت او اى مشكله بتختلف من عربيه لعربيه بس حسب المشكله بس الحاجات البسيطه بيتم تجاهلها (لكن لو تسريب طبعا ولا حاجه اكيد لا )

يعنى الخشونه دى لو بتااديق او بتتقل الدركسيون بطريقه ملحوظه (بيتقل فجاءه او بتنتش فى التحويد ) انت ممكن تروح لاى مركز معتمد او حد شغال هيونداى بس يشوفهالك
و بعدين بتظهر ساعان و بتختفى ممكن تكون حبه تراب ولا حمل على الكهربا (خفيف ) او سلكه مش ملمسه كويس يعنى ممكن تشيك على وصلات الكهرباو حاجه هينه اوى ان شاء الله
و بعدين لو و هى واقفه اعتقد ممكن تكون حاجه عاديه لكن لو انت ماشى ممكن يكون فيها حاجه و ان شاء الله بسيطه

تقبل مرورى

**ASKAFRAWY** · 18-10-2011 05:23 PM

المشاركة الأصلية كتبت بواسطة ahmad‎_luca

طبعا بعد اما تسمع راى الاستاذ askafrawy

احب اقولك نصيحه يمكن حضرتك سمعتها كتير
يعنى حاول متركزشى مع العربيه فى الحاجات البسيطه
يعنى لو خشونه خفيفه او حاجه مش مؤثره سيك منها
لو قعدك تركز مع العربيه هتتعبك (يعنى فى التوكيل او اى مركز خدمه مش هيونداى بس تروحلوهم يقولوك كده يعنى الدركسيون فى ميللى و لا اتنين عوجه يقولولك سيبك ( وفعلا لانك ممكن تعدلو ميتظبطش زى الاول ) الدركسيون فى صوت ساعات خفيف ( دا طبيعى ) فى صوت فل الموتور مثلا زى ونه ولا كده ( عادى ) طبعا حسب الصوت او اى مشكله بتختلف من عربيه لعربيه بس حسب المشكله بس الحاجات البسيطه بيتم تجاهلها (لكن لو تسريب طبعا ولا حاجه اكيد لا )

يعنى الخشونه دى لو بتااديق او بتتقل الدركسيون بطريقه ملحوظه (بيتقل فجاءه او بتنتش فى التحويد ) انت ممكن تروح لاى مركز معتمد او حد شغال هيونداى بس يشوفهالك
و بعدين بتظهر ساعان و بتختفى ممكن تكون حبه تراب ولا حمل على الكهربا (خفيف ) او سلكه مش ملمسه كويس يعنى ممكن تشيك على وصلات الكهرباو حاجه هينه اوى ان شاء الله
و بعدين لو و هى واقفه اعتقد ممكن تكون حاجه عاديه لكن لو انت ماشى ممكن يكون فيها حاجه و ان شاء الله بسيطه

تقبل مرورى

+11111
كلام منطقى جدا
انا بصراحة محستش بخشونة لكن بحس فى الحركة المفاجئة للدركسيون بتكة بسيطة جدا ومش قلقانى حاليا ولكن هقول لحضرتك حاجة لو الخشونة فعلا مضايقاق وحاسس بيها ممكن تكشف فى التوكيل للاطمئنان فقط لكن لو مش ظاهرة فعلا يبقى اعتقد دة مش عيب ميكانيكى