بروتوناوي جديد وعندي كام سؤال بخصوص التليين

السلام عليكم يا شباب
انا بقالي فترة متابع معاكم في القسم :36_1_37[1]: حتى هداني الله لاختيار الجين 2 والحمد لله
واستلمت الجين الاوتوماتيك في 20 رمضان تقريبا وعندي بعض الاسئلة
* ايه اخبار التليين ضروري ولا لأ ؟ ولو ضروري امشي على كام ؟؟؟
* هو لمبة الحزام مش بتنور ؟؟ يعني مش شغالة ليه ؟ مع ان العلامة بتاعتها موجوده
* هو مفيش اي علامة توضحلي ان النور العادي القوي شغال ؟؟( العادي مش العالي )
* انا عامل دلوقتي حوالي 500 كيلو .... ممكن اشغل التكييف ولا لأ ؟
* في زرار عليه نقطة صغيرة جنب زرار الشابورة لما بدوس عليه بيفتح السنتر بس مش بيقفله
والراجل في المعرض قالي ملكش دعوة بيه ده بتاع تشفير المفتاح بيستخدم بس في التوكيل
وانا مستغرب انه بيفتح السنتر !!!! السؤال هو بقى بتاع ايه بالضبط ؟؟
اسف على الاطالة وشكرا

اقتباس:

---

المشاركة الأصلية كتبت بواسطة kojyad

السلام عليكم يا شباب
انا بقالي فترة متابع معاكم في القسم :36_1_37[1]: حتى هداني الله لاختيار الجين 2 والحمد لله
واستلمت الجين الاوتوماتيك في 20 رمضان تقريبا وعندي بعض الاسئلة
* ايه اخبار التليين ضروري ولا لأ ؟ ولو ضروري امشي على كام ؟؟؟
* هو لمبة الحزام مش بتنور ؟؟ يعني مش شغالة ليه ؟ مع ان العلامة بتاعتها موجوده
* هو مفيش اي علامة توضحلي ان النور العادي القوي شغال ؟؟( العادي مش العالي )
* انا عامل دلوقتي حوالي 500 كيلو .... ممكن اشغل التكييف ولا لأ ؟
* في زرار عليه نقطة صغيرة جنب زرار الشابورة لما بدوس عليه بيفتح السنتر بس مش بيقفله
والراجل في المعرض قالي ملكش دعوة بيه ده بتاع تشفير المفتاح بيستخدم بس في التوكيل
وانا مستغرب انه بيفتح السنتر !!!! السؤال هو بقى بتاع ايه بالضبط ؟؟
اسف على الاطالة وشكرا

---

الف مبروك استلام العربية وربنا يباركلك فيها

1- طبعا التلييين مهم اكيد ولازم تمشي بسرعة اقل من 100 كيلو متر لاول 1000 كيلو يعني متحرقش اكتر من 3000 ار بي ام
2-راجع التوكيل ساعت الصيانة الجاية
3- انا معرفش ايه نظام الجين 2 بس عندي في الواجا مفيش اي علامة بتوضح انك مشغل النور الواطي بس لو العالي بيبقي فيه علامة زرقة
4- ممكن تشغل التكييف عاادي بس ده لما يكون الجو حر اوي
5- ده اللي بيفتح السنتر لان السنتر بيتقفل لما تيجي تتحرك بالعربية وتدوس فرامل وبالنسبة لتشفير المفتاح هو فعلا في طريقة كدة لاعادة تشفير المفتاح بالزرار ده بس استخدامه الاساسي لفتح السنتر

متشكر جدا على سرعة الرد مع انك مش جيناوي
وهو ده الي انا متوقعة من قسم ممتاز زي بروتون

ياريت حد يرد على باقي الاسئلة وخصوصا موضوع الحزام

طيب بعد اذن صاحب الموضوع ... أنا في فترة التليين وقاطع 500 كيلو

أنا عندي صوت احتكاك مسموع جدا اثناء تحريك الطارة لحظة تشغيل الكونتاكت.
وبسمعه برضه لما بكون راجع لـ ورا. وبسمعه لما بدوس فرامل في الأول لما بكون طالع؟

عايز أعرف السينسور بارك بيشتغل ازاي ؟

لحد دلوقتي ما مليتش اطارات العربية وواخدها بحالتها من ساعة ماشتريتها. وماجيتش ناحية الاطارات. هل ده غلط؟
و عايز أحطلها نيتروجين . منين وبكام؟ وممكن أعرف مقياس ظبط الاطارات كام ؟

انا خابط العربية من ناحية الاكصدام الأمامي اليمين. وفيها جزء داخل لـ جوة وعايز يترد ع البارد + شوية خرابيش واضحة من أثـار الخبطة مع بوابة الجراج وعايز أخليهم زي حالاتهم الطبيعية حتي لو بالرش. أسيبها لحد صيانة الألف واعملها هناك أفضل والا اية؟
وهل تركها لمدة طويلة بيكون غلط ع الصاج نفسه وبيأثر في اني أردها ع البارد بعدين؟ + هل غلط أسيب الخرابيش الواضحة دي كدة لفترة طويلة؟

اعتقد ياباشا ان الصوت الي انت قصدك عليه بتاع الفرامل ...انا بسمعه عندي برده
اما بالنسبة للبارك سينسور ,,,,,, هيشتغل لوحده اول ما تجيب مارشدير وخلي اي حد يقف وراك هتسمعه

وعلى فكرة لازم تروح تظبط العجل على طول لأن ممكن العربية تحدف منك لو العجل مش متظبط .

طيب هل الصوت ده عادي؟ واية حله ؟
وبالنسبة للباركينج سينسور ... عايز اعرف اشغله ازاي من الألف للياء . معلش بقي :)
وياريت حد يجاوبلي علي باقي اسئلتي ... وماحدش ينسي سؤال صاحب التوبيك بتاع الحزام برضه. عشان مابقاش ضيق ثقيل عليه :d

صوت ده طبيعي لو بتلف الطارة وانت دايس فرامل ولو مور العربية ومش دايس فرامل ولفيت الطارة اكيد مش هتسمع حاجة وده يعتبر صوت احتكاك التيل مع الطنابير وده في اي عربية اوتوماتيك
بالنسبة للباركينج سينسور لو مشتغلش من حقك طبعا تغيره في التوكيل مدام في الضمان
والعجل تظبطه على 31 قدام و 28 ورا لو عايز نيتروجين هتملى العجلة ب 5 جنيه يعني ال4 ب 20 جنيه ويستحسن يبقى من عند ارابكوم في مدينة نصر وده احسن واحد بيملى نيتروجين مجربه لحد دلوقتي

اول الف كيلو حاول ان الار بى ام يكون مابين 2 و 4

ومكتوب فى الكتالوج (كيا) حاول وليس اجبارى

وبخصوص التكييف (كيا) مفيش مشكلة نهائى

واعتقد ان كل العربيات كدة !

اقتباس:

---

المشاركة الأصلية كتبت بواسطة eng f3lix

صوت ده طبيعي لو بتلف الطارة وانت دايس فرامل ولو مور العربية ومش دايس فرامل ولفيت الطارة اكيد مش هتسمع حاجة وده يعتبر صوت احتكاك التيل مع الطنابير وده في اي عربية اوتوماتيك
بالنسبة للباركينج سينسور لو مشتغلش من حقك طبعا تغيره في التوكيل مدام في الضمان
والعجل تظبطه على 31 قدام و 28 ورا لو عايز نيتروجين هتملى العجلة ب 5 جنيه يعني ال4 ب 20 جنيه ويستحسن يبقى من عند ارابكوم في مدينة نصر وده احسن واحد بيملى نيتروجين مجربه لحد دلوقتي

---

كلامك أفادني جدا ... تسلملنا :) .
أرابكوم منين في مدينة نصر؟

بالنسبة للباركينج سينسور: هو بيشتغل ازاي اصلا ... عشان احدد اذا كان شغال عندي او لأ ؟

وعايز رأيك بخصوص الجزء الأخير من كلامي برضه:

"انا خابط العربية من ناحية الاكصدام الأمامي اليمين. وفيها جزء داخل لـ جوة وعايز يترد ع البارد + شوية خرابيش واضحة من أثـار الخبطة مع بوابة الجراج وعايز أخليهم زي حالاتهم الطبيعية حتي لو بالرش. أسيبها لحد صيانة الألف واعملها هناك أفضل والا اية؟
وهل تركها لمدة طويلة بيكون غلط ع الصاج نفسه وبيأثر في اني أردها ع البارد بعدين؟ + هل غلط أسيب الخرابيش الواضحة دي كدة لفترة طويلة؟"
واسف جدا ع الاطالة ...

بص يابرنس
بخصوص البارك سينسور مفهوش اي شكلللللللللللللة , لأنة بيشتغل لوحده اصلا مش انت الي بتشغله
* الخطوة الاولى : هات انت مارشدير r لو اوتوماتيك وملكش دعوة بالباقي هوه هيكمل
* الخطوة الثانية : خلي اي حد يقف وراك او يكون وراك عربية راكنة على بعد مثلا 1.5 متر
* الخطوة الثالثة : ابدأ بالرجوع للخلف
* الخطوة الرابعة : التركيز ..... ركز بقى انت كده هتلاقي في صوت عالي ( تيت ,,,,, تيت ,,,,, تيت )
على فترات متباعده , وكل ماتقرب هتلاقي الصوت بيزيد والفترات الي بين التيت قلت
( تيت ,, تيت ,, تيت) , وقل ماتقرب من الحاجة الي وراك هتلاقي في تسارع في الصوت
لحد ( تييييييييييييت ) كده لازم تقف , المسافة الي بينك وبين الي وراك بقت 50 سم تقريبا

ارجو اني اكون افدتك ,,,,,,
عشان ننتقل للأهم وياريت حد يرد بجد على باقي تسائلاتي بخصوص الحزام والولاعة

بخصوص الولاعة بقى ,,,,, لما فتحت الغطى بتاعها !!!!! فين الولاعة ؟؟؟

مفيش ولاعة ,, في بس الفتحة من غير الولاعة الي بتترفع عشان اولع بيها ..... ازاي

ما فيش علامة للنور الواطي في الجين تو , فيه بس للنور العالي

و مبروك عليك العربيه

الله يبارك فيك ياباشا
بس انا زعلان بصراحة من القسم ..... عشان في اكتر من 60 واحد دخلو على الموضوع
ومحدش عايز يرد على كل تساؤلاتي , مع ان الاسئلة مش صحبة ومش محتاجة خبرة
دي مجرب تجارب مع اي حد ,,,,,,, بالنسبة للولاعة وحزام الامان

ارجو التعاون بشكل اكبر من القسم , وشكرا

اقتباس:

---

المشاركة الأصلية كتبت بواسطة kojyad

بخصوص الولاعة بقى ,,,,, لما فتحت الغطى بتاعها !!!!! فين الولاعة ؟؟؟

مفيش ولاعة ,, في بس الفتحة من غير الولاعة الي بتترفع عشان اولع بيها ..... ازاي

---

its non smoking car :P, u can use this soket for charge something .

اقتباس:

---

المشاركة الأصلية كتبت بواسطة kojyad

ا
* ايه اخبار التليين ضروري ولا لأ ؟ ولو ضروري امشي على كام ؟؟؟
طبعا ضروري و اهم حاجه ماتعديش ال100 وجيب كل الغيارات

* هو لمبة الحزام مش بتنور ؟؟ يعني مش شغالة ليه ؟ مع ان العلامة بتاعتها موجوده
لا بتنور و لو مش بتنور عندك ماتئلئش في صيانة الالف قولهم عليها و هما هيعملوها لك

* هو مفيش اي علامة توضحلي ان النور العادي القوي شغال ؟؟( العادي مش العالي )
لا مافيش العالي بس اللي له علامة

* انا عامل دلوقتي حوالي 500 كيلو .... ممكن اشغل التكييف ولا لأ ؟
شغله عادي بس لو الجوحلو يفضل ماتشغلوش

* في زرار عليه نقطة صغيرة جنب زرار الشابورة لما بدوس عليه بيفتح السنتر بس مش بيقفله
والراجل في المعرض قالي ملكش دعوة بيه ده بتاع تشفير المفتاح بيستخدم بس في التوكيل
وانا مستغرب انه بيفتح السنتر !!!! السؤال هو بقى بتاع ايه بالضبط ؟؟

هو بيفتح السنتر و القفل دا بيتم اوتماتيك لما انت بتمشي بالعربيه

---

ليه انا شايفه ان فيه اعضاء ردوا علي حضرتك علي العموم ردي تحت كل استفسار
اهم شئ انك خلال فترة التلين تلاحظ كل حاجه في العربيه و لو فيه حاجه تقولهم علها في صيانة الالف

اقتباس:

---

المشاركة الأصلية كتبت بواسطة mustafa_farouk

its non smoking car :p, u can use this soket for charge something .

---

مصطفي ازيك يا مصطفي؟ :)

مش هتشيل توقيعك دا بئي :)

السلام عليكم ،

حضرتك ممكن تقرأ كتاب المانوال بتاع العربية وإن شاء الله يفيدك، بصراحة أنا مش باخد بالي من موضوع لمبة حزام الامان أصلاً إذاً كنت منورة ولا لأ،
وموضوع الخبطة، وجهة نظري، خليها شوية لو ملهاش أي تأثير سلبي على العربية عشان العين وعلى ما تتعود على أبعاد العربية وتعملها قدام شوية، ممكن في صيانة ال-1000 أو تسأل حد يكون بيفهم في موضوع الرد علبارد والكلام دة إذا ممكن تأثر على العربية وإن شاء كلو يكون تمام التمام .

أنا باستخدم أخر زرار دة عشان أفتح اللوك بيه وكدة كدة أول ما بمشي بالعربية اللوك بيقفل وهو فعلاً ممكن لو دوست عليه كام ثانية يعمل رست وفيلم هندي كدة. إستخدمو بس الفتح اللوك ودة بتدوس عليه مجرد دوسة.

العربية مفيهاش ولاعة ولا طفاية، بس ممكن تشحن فيها أو تجيب البتاع اللي بتشغل أغاني بها على الراديو، أنا مش فكر اسمها إيه دلوأتي fm حاجة كدة.
أنا لينت العربية الحمد لله في خلال إسبوع والعربيه مفيهاش أي صوت تحذري لو جبت 120 أو 150 زي بعض العربيات اللي بتفضل تزمر بعد ال-120, دي حاجة عالماشي قلت أقلها يمكن حد يكون كان عايز يعرفها.

اقتباس:

---

المشاركة الأصلية كتبت بواسطة AmatoALLAH

مصطفي ازيك يا مصطفي؟ :)

مش هتشيل توقيعك دا بئي :)

---

Done :36_1_37[1]:

اقتباس:

---

المشاركة الأصلية كتبت بواسطة mustafa_farouk

done :36_1_37[1]:

---

ايوه كده

ويلكم يا باشا :)

لمبة الحزام بتنور فى اول دوارة الكونتكت و بعدين بتقفل على طول

اقتباس:

---

المشاركة الأصلية كتبت بواسطة amatoallah

ليه انا شايفه ان فيه اعضاء ردوا علي حضرتك علي العموم ردي تحت كل استفسار
اهم شئ انك خلال فترة التلين تلاحظ كل حاجه في العربيه و لو فيه حاجه تقولهم علها في صيانة الالف

---

'طبعا ياباشا الف شكر لحضرتك , وانا مكنش قصدي اقلل ابدا من كفائة القسم بس كنت عاوز احرك الموضوع شوية
لأن محدش كان رد على موضوع الحزام او الولاعة

ياريت بقى اعرف افضل مكان لعمل الصيانة وبتتكلف كام ؟ انا ساكن في اول فيصل

والف شكر للقسم على التعاون

السلام عليكم ،

حضرتك لو كنت في مصر الجديدة كنت حقلك عصام صفا بس اول فيصل
، طيب ما تروح المركز الرئسي في أبو رواش. أعتقد إن كدة حيكون قريب ليك, أعتقد فيه واحد في العجوزة

اول فيصل العجوزة اقرب لك ,, ورا مسرح البالون ,,
او عندك الصحراوي قبل البوابات

اه قصدك على عز العرب الرئيسي عند البوابات ( هو ده الي انا استلمت منه العربية )
بس سمعت ان التوكيل مش قد كده في الصيانة فعلا ؟؟؟؟ وان عصام وصفا افضل !!!!

انا مش مشكلة عندي المشوار لو عصام افضل .
طيب ياريت حد يقول مين افضل اتابع معاة والسعر بتاع الصيانة كام ؟؟؟ للالف وال5 الاف

ايوا الي استلمت منة العربية..

انا عملت صيانة الالف والخمسة في عزب العرب ( الصحراوي )
وعامل العشرة والخمسة عشرة في عصام صفا ,,


لان عصام صفا بينجز عن التوكيل ,, ممكن في التوكيل تعد 3 او 4 ساعات في عصام صفا ساعة او ساعة ونص ,,
وارخص من التوكيل ,,, واي حاجة في العربية بتطلبها بتتعمل حتي لو نسيت حاجة بعد ما تتعمل الصيانة ,,


وصيانة الالف حوالي 190 جنية بتغير زيت وفلتر زيت ,, ( ومش مستاهلة تروح عصام صفا في الصيانة دي )
ومش هتدفع غير تمن الزيت والفلتر في الصيانة دي يعني مافيش مصنعيات ولا ضرايب ولا اي حاجة ,, علشان دي اول صيانة ..


وطبعا في الصيانة دي بتقول علي ملاحظاتك في العربية واية المشاكل وكدا

وبيتم تربيط العفشة وكشف علي الزيوت والكهربا ,, الخ .