بما انك روحت قطر ....وفكرتني بالذي مضي...ممكن اقولك علي شوية اماكن ظريفة تقضي فيها الويك ايند وتغير فيها جوووو:
طبعا عندك سيتي سنتر علي الكورنيش او بالادق نهاية الـ B-Ring Road
ايلي احسن منة ...Villagio دة بقي عبارة عن اكبر مووول تجاري في الشرق الاوسط..ويشمل اكبر مسطح تجاري لكاروفور في الشرق الاوسط برضة...وهو مصمم علي نظام ايطالي ...وجايبين ايطاليين يمشوا المراكب ايلي زي بتاعه فينسيا ...(اللفة بـ 15 ريال للمركب بحد اقصي 4 افراد)
في طبعا الـ Doha Zoo هي صغيرة صحيح بس نضيفة وجميلة جدااا...بس دي علي الطريق الصناعي ايلي متفرع من طريق السلوي..
في برضة المطعم التركي ...ودة بعد الدوحة كلينك بحوالي 100 متر ..والاتنين قبل اشارة رامادا... من الـ C-Ring Road الميكس جريل هناك وهمي...
وعندك برضة الاوبن بوفية بتاع الشاطر عباس في طريق السلوي قبل مكتبة جرير....اكلة ممتاز وسعرة حلو قوي علي كميات الاوبن بوفية...
الدنيا لسة مش حر قوي....لو تحب تجرب المية الرهيبة ..ممكن تروح في يوم اجازة كدة لشاطيء خاص اسمة C-Line رسم الدخول حوالي 50 ريال..يشمل الشاطيء والشماسي والكراسي وحمام السباحة...وممكن تاخد غداء مفتخر ...اوبن بوفية برضة بحوالي 90 ريال ..وعلي فكرة كلة ايلي شغالين هناك مصريين..
في المكتبات خرايط كتير قوي للدوحة ...وفي برضة لو معاك GPS خرايط كاملة من MapSource ...
لو عايز تشتري ملابس ...عليك وعلي الستي سنتر...هاتلاقي هناك محل ممتاز ..اسمة Paris moda عندهم بدل ايطالي وهمية وقمصان وجرافتات ولبس كاجوال مالوش حل وصناعه ايطالي ....وارخص من مصر....بس خلي بالك في خصم حوالي 75% من الاسعار المكتوبة....
في برضة فرعين لـ اللولو ماركت ....واحد علي الـ D-Ring Road والتاني في منطقة السد....فيهم برضة ملابس كويسة قوي...وآسعارة ممتازة..
طبعا لو عايز الكترونكس هاتنزل وسط البلد Down Town...في هناك محلات للكومبيوتر والالكترونيات بس غالية شوية عن دبي...وضمانها بالكتير سنة..
ونصيحة مني بقي .....لو تعرف تشتغل هناك ...ما تترددش ...قطر ممتازة....ومن احسن الدول ايلي زرتها في اخر 5 سنين...
ربنا يوفقك...