الموضوع: ارجو من كل عضو ان يدخل الموضوع ولو عندو خبرة بسيطة بخصوص سيارة سيات 133

المشاركة الأصلية كتبت بواسطة almgol

السلام عليكم ورحمة الله وبركاته

بسم الله الرحمن الرحيم

هل السيارة سيات 133 موديل 1981

معلش انا أسف اني شيلت الصور بس اساسا احنا حافظين العربية مش محتاجة صور

ينفع اعمل عليها التعديلات دة

انا هلخص الموضوع

اي واحد عندو خبرة ولو حاجة بسيطة يقول الحاجات دة تمشي عليها ولا لا ؟؟؟

هقولك عايز اعمل اية بالضبط

1- هغطي الكراسي بجلد

مفيش اي مشكلة ، ركب كراسي جلد

2- هركب وداة المهم شكمان الي صوتو بيبقى عالي اوي (الي بيرج الناس )

ركب ، بس اعتقد هيسخن العربية اكتر ماهي بتسخن ، الأفضل ليك تركب بس الديل ومش مهم الصوت اوي

3-هركب باذن الله او هغير الكشافات المامية والخلفية بس هي متوفرة ولا لأ؟؟؟

اعتقد الخلفية انت ممكن تصبها بس الأمامية مش عارف في منها بيتغير ولا لأ بس اعتقد في ناس بتوع كماليات بيعملوا العدسات او الي بيسموها رينجات

-اركب لها عدادات جديدة بس الاقيها فين الي يعرف يقول

مش عارف ، بس انت ممكن تغير أضاءة ودي سهلة جدا

4-هوطي العربية

أعتقد هي مش ناقصة

5- هركب لها كساحات امامية وخلفية

ركب براحتك، بس هتعملهم صاج ولا فيبر ؟؟؟؟؟؟ انت ممكن تعملهم فيبر مع الأكصدامات كمان

6- هحاول باي طريقة ازيل مشكلة الحرارة

في ناس بتغير الردياتير بتاعها بواحد 3 ماسورة نحاس وبيخلي المروحة شغالة دايرك بس خلي بالك بتاكل البطارية وممكن تحط مياة ملونة

- هركب gps

طب ليه ؟؟؟ هل هتأجرها ومحتاج تتعقبها ؟؟ ولا عشان تشغل خاصية الملاحة وتعرف بيه الأماكن والعناوين ؟؟
في دلوقتي تليفونات كتير اوي عاملة موضوع الجي بي اس

7-هركب جنوط

في شوية جنوط بشوفهم بيبقوا تحفة علي العربية

8-ولو ينفع اركب مكيف

اعتقد مش هينفع حتي لو غيرت وركبت موتور ال127 لعدة اسباب
1- العربية مش معزولة كوييس
2- الموتور مش هيتحمل تكييف
3- مالوش مكان في الحوض بتاع الموتور
4- الدينمو بتاع العربية مش هيتحمله
5- هتمشي الخراطيم والمواسير ازاي؟؟ من ورا لقدام ؟؟؟ وهتحط الثلاجة فين ؟؟؟؟ وهتركب المراوح بتاعته منين ؟؟؟ وهتركب الفتحات بتاعة التوزيع فين في الطابلوه ؟؟ والمرشح والأكسبانشن فالف و السربنتينة بتاعته هتحطها قدام ولا ورا الردياتير الموجود ؟؟؟؟؟؟

اعتقد بكل المقاييس مش هينفع

9- اديها وش بوية جديد

it's very easy

[color="red"]
بس ان شاء الله هو دة الي عاوز اعملو واعتقد دة شىء غير مستحيل

انتم تنصحوني باية

وارجو من كل الاعضاء انهم ينصحوني ويقولي اية الي هينفع واية الي مش هينفع

وممكن حد يخمن كل دة هيكلف كام

والسلام عليكمورحمة الله وبركاته

اولا اهلا ومرحبا بيك في قسم سيات
اعتقد حضرتك اول مرة تشارك معانا ؟؟ صح كدة ؟

او يمكن انا الي مش شوفت حضرتك هنا

هي العربية جديدة ولا معاك من فترة ؟؟؟

انا حاولت اساعدك بكل الي اعرفه وفي حدود خبرتي بال133

والله المستعان
،
،