محتاج مساعده مع عربيتي VW Suran

**magneticsubset** · 03-09-2011 08:48 PM

عندي مشكلة مع العربية (سوران 2009 ) انها دايما بتحدف يمين .... الزوايا و العجل متظبطين و برضة الحدفة ماراحتش ....
المهندس في سنتر الزوايا و العجل قاللي ان ال سنسور بتاع ال سكاترا(ESP SAS Sensor) محتاج يتعاير عشان السكاترا عندي كهربا ؟!! ... الكلام دة مظبوط و لا لأ و اعمل الموضوع دة فين لو في أسكندرية
و في احتمالات ايه تاني تكون سبب المشكلة .. مع العلم ان العربية لا خابطة و لا عاملة حادثة و حالتها ممتازة ما عدا موضوع الحدفة دية
ارجو الأفادة

**elewey** · 04-09-2011 03:24 AM

و الله انا حاسس ان الكلام دة مش مقنع اصلا ايه علاقه الحدف يمين بالاسكاترا هو الكوتش يا باشا حالته ايه بالضبط و جرب تعمل صليبه للكوتش و شوف النتيجة

**magneticsubset** · 04-09-2011 06:35 PM

الكاوتش كويس عامل 33000 و عملت صليبة و برضة نفس النتيجة حدفة يمين
انا دورت و فعلا في حساس بالأسم دة و بيتعملة معايرة انا بس محتاج اعرف لو حد مر بالمشكلة دية
و في اي حاجة تانية تكون سبب المشكلة !!!
انا مش عايز اتعامل مع التوكيل عشان سيء جداا