قطع غيار اللوجان .
وبعدين كل اللى بيشكر فى صيانة اللوجان عشان التوكيل , بس السؤال اية اللى بعد التوكيل والضمان مش برده هنروح لميكانيكية ولا اية (اللى فعلا مش بيصلحو اللوجان)
عرض للطباعة
قطع غيار اللوجان .
وبعدين كل اللى بيشكر فى صيانة اللوجان عشان التوكيل , بس السؤال اية اللى بعد التوكيل والضمان مش برده هنروح لميكانيكية ولا اية (اللى فعلا مش بيصلحو اللوجان)
تتميز ال لانوس عن الافيو بفرق السعر والانتشار الرهيب (اللى البعض بيعتبره عيب)
لو معاك فلوس فاكيد الافيو هتكون احسن واشيك
بس بصراحة وانا بشترى كنت معجب بالافيو جدا بس مش عارف لما قعدت فى العربيتين فى المعرض فى نفس الوقت حسيت انها متستهلش فرق السعر عن ال لانوس بغض النظر عن فرق الشكل اللى لصالح الافيو
نصيحة روح معرض عنده كل الانواع اللى بتقارن بينهم وشوفهم فى نفس الوقت هتفرق معاك جدا
ملحوظة هامة جدا
بما انى لاداوى قديم خلى بالك ان قعده ال لادا اريح من ال لانوس والافيو مع طوال القامة
من رأيي بومه كسر زيرو افضل من كل دول
بجد أنت لو فارق معاك آراء الناس كنت إقتنعت لأنها واضحة جدا من تاني مشاركة
أي سيارة ...أي سيارة معرضة لميكروباص يريح عليها يطبق إكصدام ويريح علي سربنتينة التكييف
ساعتها بقي يا حلو إسمحلي أقولك
1. اللانوس يتكلف في حدود 500 ج وهيلاقيهم عند البقال
كفاية أقولك الإكصدام الأمامي الإستثماري ب 90 ج وإستيراد لون العربية ب 250
أنا شخصيا لحمت إكصدام شيفرولية سبارك ب 110 مجرد لحام لأن الأصلي ب 475 ولازم يلف عليه شوية
ده غير الرش ب200 ج كدة دخلنا في 700 ج إكصدام تعالي قارنة بلانوس تلاقية أقل ب 300%
أنا مش منحاز للانوس بس بجد قطع غيار ببلاش
ببلاش
الموتور كله علي بعضه إستيراد من بور سعيد ب 1800 ج
دول يا دوب صيانة ال 10000 بتاعة اللوجان
الأفيو شيك أوي بس صالون الانوس أريح مش أوسع
أنا مستبعد الوجان خالص كفاية فتحة مفتاح الباب تفكرك بباب الادا
زي ما يكون باب مكتب
انصحك بجد هات افيو ... انا معايا واحدة بقالها 3 سنوات .... وى كويسة قوى معايا ...
فى الاول يمكن تحس ان فى اصوات او تزييقة فى المساعدين زى ما قالولك لكن لما بدات امشى بيها وبعملها الصيانة
والعربية اتحركت من مكانها .... بدا الموضوع ده يختفى ز.......
لكن الحق يقال العربية مش واحشة ..... لانها واسعة وى شكلها كويس وى الصالون بتاعها كويس وى شيك عن اللانوس
غير انها عالية عن الارض وى ده المهم فى الموضوع كمان ....
ياراجل انا ركبت جتا 2011 وى كان معايا ناس ركبت معايا فى العربية ورا على الكنبة ...... كانت مسخرة ... كل شوية احك فى مطب .... العربية جديد ة وى مش عارف امشى بيها خالص وبلدنا مليانة مطبات ..... وى عاوز اقولك انى كنت مخنوق جدا من الحك ده لما زهقت وى سعتها قولت عربيتى برقبة الجتا رغم امكانيات العربية وى فرق الفلوس
لكن الحتة دى بزات وى ارتفاع العربية مهم جدا جدا وى هتلاحظ حاجة مهمة اوى ان كل الستات والبنات بداوا يجيبوا العربية دى عشان الموضوعه ده .....
فالعربية هترضيك لحد ما توصل لطموحات تانية هى مش فيها ...... وى ساعتها هتكون عاوز عربية اعلى كتير بامكانيات تدفع فيها مبالغ اكتر ممكن توصل للـ 160000 او 200000 فخليك فى الافيو على الاقل الشيفر فى مصر ليه قيمة وى حافظ مركزوا .... وى مش هتخسر لو حبيت تبيع
اما اللانوس عربية محترمة وى حلوة برضوا بس من 10 سنين لما كان التكييف فى العربيات معجزة فى مصر وى الدايو علامة لا يعلى عليها لكن الوضع تغير ... فخليك مع العصر والوقت اللى احنا فيه ...
اما الرينو ..... انا كنت هشتريها لكن صراحة ما حبتهاش لان التصميم بتعها مش مواكب العصر ... غير الصالون مش جذاب
رغم انها ثابتة على الارض وى امكانيتها مش وحشة نهائى .... لكن الموضوع كان عندى عملية زوقيات مش اكتر
فلو انت معهاك فلوس الافيو ..... اتقل على الله ..... ولو معاك اكتر هات نيو اكسنت ... موتور اقوى 1600 وتكييف اقوة
ولو معاك اكتر هات اوبتر ...... دى بقة اشهدلك بيها بجد ..... عربية جرايا وى موتور قوى وثبات زى الفل .... وى احساس بالامان غير عادى وى انت راكبها ...... لكن ارجع وى اقولك شوية واطية فى الارض
فكر وى قولى عملت ايه .......
اولا السيارات الثلاثة تكنولوجيا الموتور قديمة 8 صباب
بانسبة لانوس سيارة قديمة من اكثر من 13 سنة
والافيو سيارة غالية 80000 جنية و اوتو 88000
انا سوف ادلك على نفس تصميم الافيو وفى موتور قوى جدا بالاضافة ايرباج و جنوط وسعرها 73000
وهى بروتون ساجا
سيارة ممتازة و قطع غيارها متوفرة و سعرها معقول
الكلام النهائى فى اللوجان
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - :: نــايــل مــوتــورز:: - :: NileMotors.net ::
خليك في نيسان صني مانول
مش حتكلم على امكانيات لو قلنا 100 واحد سالته هنا فى المنتدى شارى لوجان اوعدك ان 90 فى الميه راضى رضى تام عن العربيه اسئل بقى 100 واحد شارى الافيو وشوف النتيجه مع احترامى لملاكها
والله يا جماعه انا هقول حاجه لوجه الله
انا معايا اللوجان وراضى عنها تماما ولو رجع بى الزمن هشتريها تانى
العربيه صفقه ممتازه والحمد لله ومميزاتها كسياره افضل من السيارات فى نفس الفئه السعريه
الساده الافاضل اللى بيهاجمو السياره بدون ادنى درايه اقولهم اتقو الله وقولو فقط فى اللى انتو تعرفوه
وبلاش نظريه -اصلهم بيقولوا- اكثر من 90% من ملاك السيارة راضين عنها تماما
موضوع قطع الغيار ده اكيد مش زى اللانوس لكنها فى تزايد مستمر واصبحت فى كثير من الاماكن
الشهيره لبيع قطع الغيار والاسعار اصبحت اقل كثييييييرا عن التوكيل
هذه شهاده بما يرضى الله
وربنا يوفقك للى فيه الخير ليك
ويبارك لك فى السياره اللى تختارها وترتاح لها
وائل الشيشينى