قدامي لانوس 2008 عامله حادثه

**shaddadfalcon1** · 04-09-2011 09:40 AM

متشكر ليكم جميعا علي النصائح الغاليه
شكلي هفكر تاني في الموضوع

**al_manara** · 04-09-2011 10:12 AM

بالنسبة للسعر انا معنديش فكرة .
بس خلي بالك من حاجة ممكن الخبطة تكون عملت حاجات تانية مش باينة . يعني مثلا ضفيرة الكهربا اتقطع منها اجزاء . التكيف والسربنتينة . حط في اعتبارك حاجات كتير . والحاجات دي عشان ترجع زي الاول هاتحتاج مصاريف كتير .
ولو الصنايعي شاطر الي شغال فيها وصاحب العربية بيدفع عشان يرجعها تاني . هاترجع تمام
ليا واحد صاحبي كان عربيتة اتخبطت وغير ربع وسدر وعشان بيحبها اوي صرف عليها وغير حاجات كتير فيها .
بس ماشاء الله رجعت زي الفل . (بس استوي عشان يشدها من المصاريف)

يعني باختصار الي هايحكم علي العربية الشغل بتاع الصنايعية والسعر الي هاتدفعة فيها

**swimmer25** · 04-09-2011 10:42 AM

انا مع الناس اللي بتقولك ابعد عنها
أنا معايا ياريس صاحبتها طلعت بيها بس فوق رصيف بالعجل الامامي وكل شوية تعملي صوت جديد وعايزة فيها حاجات تتغير
غيرتلها 3 جنوط والقنطرة عايزة تتغير والله أعلم إيه تاني
صلي صلاة استخارة

**tarek_2005** · 04-09-2011 11:01 AM

ابعد عنها

**shaddadfalcon1** · 04-09-2011 03:09 PM

انا عربيتي 99 بس فيها شوية برومه والبارح نقيت حتيت كانو في العتب عند الرفارف كده وكله تمام مفيش غير كام حته صغيره في الأبواب وحته حوالين القزاز اللي ورا ناحية السقف لازم اشيل القزاز عشان اعملها
بس عموما العربيه حالتها حلوه قوي وسفر كوتيش وبطاريه وريداتير جداد ومفيش مصاريف نهائي

الحاجه الوحيده اللي قارفاني في عيشتي هي التكييف ولسه من شهر عامله وصارف 450 جنيه ومكملش شهر وباظ تاني
مش عارف بقي بتاع التكييف اللي مش كويس ولا لآ بس ده تاني واحد وكل مره تطلع حاجه شكل
بس اخر مره غيرت خرطوم والناس ركبت علي طول من غير ماتكشف
شكلي هغير الراجل ده واشوف حد تاني بقي

**profrivo** · 04-09-2011 03:32 PM

يعنى علشان تكييف تلبس فى الحيطة .

تكلفة التكييف الجديد اول عن اخر - دا ف اسواء الحالات اصلا - هتبقى 3000 جنية

ابعد عنها يا ريس العربيات اللى عاملة حوادث حلوة للتاكسى