قدامي لانوس 2008 عامله حادثه
انا قدامي لانوس 2008 عامله حادثه ماشيه 61 الف كيلو وممكن تخلص علي 40 الف
الحادثه زي مالناس بتقول ان الست صاحبتها تقريبا كانت هتقع بيها من علي الكوبري ولما الونش جه يرفعها وقعت منه نزلت بوشها علي الأرض
الباب اليمين في شوية شغل
البابين الشمال فيهم شغل وفي حته من العتبه الشمال من قدام عند الباب الامامي متغيره كلها بحته استيراد
الكبوت متغير بواحد استيراد
وش العربيه متشال طبعا ومغيرني الشنب كله بالرفرف الشمال بحته من الشاشيه من تحت لحد الفجوه اللي فيها البطاحات
مش عارف اخر حته دي ليها تاثير بعد كده ولا لأ
انا قلت لما العربيه تخلص خالص اشوفها واتاكد انها مظبوطه والمقاسات بتاعتها ونظامها ايه في المشي مظبوطه ولا \لا
العربيه نص كمانليات تكييف وبور وسنتر بس
ياتري اخلص ولا ايه؟ وتخلص علي كام؟
انا شاف انها لو حلوه وخلصت علي 40 يبقي ابيع عربيتي بنفس التمن او اقل الف ولا اتنين واخد دي وابقي بدلت 99 ب 2008
ايه رايكم؟