عرض للطباعة
انا معايا عربية 316 ه موديل 2006 اخر السنة ( مانويل ) اللى هو الشكل الجديد و كنت عملت بيها حاجثة قبل رمضان و ودتها اتصلحت و تمام بس دلوقتى مش بدور خالص و كل ما تتحط على جهاز كشف الاعطال يطلع رسالة immobilizer control error و عرفت ان ده مشكلة فى شفرة الريموت بتاع العربية رحت كشفت على الريموت طلع سليم , لو سمحتوا يا جماعة لو حد يعرف حل للمشكلة ديه يرد عليا ضرورى احسن العربية واقفة و عاملة زى القتيلة
أولاً حمدا لله على السلامة من الحادثة ، بس ممكن تسمحلي أسأل كام سؤال عشان أفهم المشكلة ،
يعني العربية كانت بتدور وتمشي بعد الحادثة ؟ ولا من ساعتها وهي مش بتدور ؟ وحضرتك كشفت على الريموت فين وازاي عشان تتأكد إنه سليم ؟
لو هي مشكلة إموبيلزر غالباً هتكون في الكنترول نفسه أو الضفيرة ، المفروض تلاقي فيها حاجة متثاقلة على ال-cas ، هل حضرتك عارف إيه الكود إلي على ال-cas ؟
الله يسلمك يا باشا , العربية بعد الحادثة كانت بدور و تمام و انا سقتها علشان اوديها من مكان الحادثة للجراج و بعد كدا علشان اوديها للناس اللى كانوا بيغيروا الحاجات اللى باظت من الحاجثة و بس , الكلام ده يعنى ان العربية مشيت بعد الحادثة 3 مرات بس بعد كدا مش عايزة تدور , و انا كشقت على الريموت عن الناس اللى بتفك شفرات المفاتيح , بيحطوا المفتاح و بيقرا منه رقم شاسيه العربية و بالتالى المفتاح شغال بس الموضوع الكود ال - على الcas لا معرفهوش و لا اعرف ايه ال CAS ولا مكانها فين اصلا
ال-cas دة هو الكنترول بتاع الإموبيلزر في العربية دي ، وكدة حضرتك عندك مشكلة يا إما في ال-cas نفسه يا إما في الضفيرة بتاعته ، يا إما وحدة الكونتاكت .
مفيش طريقة تعرف بيها غير عن طريق جهاز كشف بتاع bmw ، لأن هو إلي عن طريقه تقدر تتتبع الأجزاء إلي شغالة وإلي مش شغالة لحد ما توصل للمشكلة ، وتبتدي بال-cas
نصيحة اكشف عليها في التوكيل
نصيحة من مجرب و اتبهدل كمان انا كان عندى نفس مشكلتك من اسبوع روحت بالعربية الشغل و لما جيت اروح مادارتش خالص لية اللة اعلم المهم كذا واحد منهم ناس بتشتغل فى التوكيل قالولى طرمبة بنزين انا بصراحة كان كل همى ادورها و اجيبها عند البيت المهم واحد كهرباءى جالى و لعب فى طرمبة البنزين و كسرها و بعد كدة جبت عربية الصيانة بتاعة بى ام قالى انها كانت سليمة بس حد كسرها رحت جبتها ب2000 جنية واللى حرق دمى انها كانت سليمة مافيهاش حاجة و بعد كدة جبت ونش ووديتها التوكيل و الموضوع كلة طلع اعادة برمجة مفتاح
الكلام دة سليم ، والبرمجة دي بتتعمل من داخل الكنترول الcas، عشان اكده بقول لزم تتحط على جهاز bmw الاوريجنال ، لأن هو الوحيد إلي هيعرف العطل إلي من النوع دة وهو إلي هيبرمج المفتاح .
لو أنا موجود والله كنت عملتهالك في ساعة زمن ، لكن للأسف أنا حالياً مسافر
اولا : الف شكر لكل اللى فادنى و كتب لى فى المشكلة اللى عندى , انا فعلا عملت بنصيحتكم و ودتها التوكيل و هم قالوا لى فعلا عايزة اعادة برمجة .
فرحات باشا هو انتا بتشتغل فى بى ام ؟ ولا عندك حاجة برة علشان لو عندنا حاجة بعد كدة نجيلك
تم الرد على الخاصاقتباس:
المشاركة الأصلية كتبت بواسطة mohamedelmahdy
اقتباس:
المشاركة الأصلية كتبت بواسطة farahat
انا كمان مستني ردك على الخاص!
تحياتي.
هل 316 حينزل منها 2012 ؟اقتباس:
المشاركة الأصلية كتبت بواسطة farahat
وايه أخبارها وهلي هي ضعيفة ؟ وايه اسعار قطع غيارها ؟