الماجنتيك انا حاسه خفيف مش تقيل
وبصراحة احيانا بحس ان العربيه صوتها عالي وغريب
عرض للطباعة
الماجنتيك انا حاسه خفيف مش تقيل
وبصراحة احيانا بحس ان العربيه صوتها عالي وغريب
بصراحة أنا مجربتوش بس مشكلتنا هنا فى مصر كل الناس بتقول سمعت و لما تيجى تسأل واحد الحاجة دى حصلت معاك يقولك سمعت
وعجبى
جزاك الله خيرا
انا جربت كاسترول ايدج اللي هو 15000 كم
عامل معايا دلوقتي 10600 كم والزيت رائع جدا
بنفس لزوجته عادي جدا ومفيش اي نقص في الزيت الحمد لله
انا ناوي انزله على 12500 باذن الله عشان احافظ على موتوري اكتر وهحطه تاني باذن الله
انا جربت الماجنيتيك مش الايدج و بيتقص معايا عكس الموبيل1 بس صوت الموتور ناعم و انا اول مره اغيره و حغيره تانى مره و اشوف حيعمل ايه عموما هو ارخص كتيير من الموبيل و الشل
أنا مش عارف ماله موبيل وان ؟؟ فى التوكيل بيحطولى موبيل وان 10000 كم 5w50
بصراحه موتور الشارك زى الفل معاه ومش بينقص خالص
وبيقعد معايا سنه وشويه على ما أغيره عشان أنا مش بعمل 10000 كم فى السنه
ياجماعة الخير .. عشان دى حياة مواتير مش لعبة ارقام فخلينا موضوعيين شوية بعد اذنكم
الجي تي اكس .. المصري ابو 60 جنيه دة المفترض الف كيلو
والماجنتيك 5 الالاف والايدج 10
للعلم الجي تي اكس عملت بيه الفين كيلو ونزل كويس مكنش محروق اوي .. وصاحبي نزله علي 900 هباب اسود .. وسمعت من الي باع انه 3الالاف وزميله قاله لا ده الف كيلو ودلوقتي انتو بتقولوا 5الالاف .. طب ولما موتور يولع ويودع ؟!! مين هيشيل الذنب والدعوة
وبلاش ارقام اكتر من كدة والي جرب وبتحصل معاه حالة منفرده ميعممش للكل ويقول انها تجربه شخصيه انا كنت بمشي بزيت الف كيلو 6 الالاف ومحصلش حاجه كله حسب حالة الموتور لكن مع فتره هيأثر بالسالب
المهم دلوقتي انا وواحد صاحي مجربين الجي تي اكس ومخلي صوت العربية علي السلانسية عالي فيه تكتكه وتفتفه والعربيتين مختلفين
وانا دلوقتي حاطط ماجنتيك ومكملتش بيه 300 كيلو الي مضايقني منه ان صوته اعلي كمان من الجي تي اكس اوي دة عالواقف ولو في حته هاديه هتحس انك مدور عربية مرسيدس بتاعت زمان الجاز
ياتري ده سببه ايه ؟؟ هو الزيت انا مش مضايقني فيه غير كدة وللعلم انا كرباتير واول مرة احط زيت لما بدور العربيه مبكملش نص دقيقه حتي لو كانت الصبح وبتكون سخنت وبتحرك علطول ودايما بلاقيها جاهزة مبتبردش زي الاول او اقعد دقايق واستني وبحس برضه في الدوس ان العربيه مش بتبذل مجهود عشان تسحب ولا صوتها بينعر ومبحتجش اني اقرص او احرق
لو حد عنده فكره يقولي .. بعكس الشل بالنسباله سيلنت