سيلاريو أم بيكانتو أم سريون

السلام عليكم
أنوى بإذن الله شراء سيارتى الأولى
مواصفتها صغيرة أوتوماتيك وقوية لتحتمل السفر وبنزينها معقول
ومحتارة بين ثلاث سيارات أجدهم الأفضل حتى الآن
كيا بيكانتو
سوزوكى سيلاريو
ديهاتسو سريون

ليس لدى خبرة فى السيارات فأرجو النصح

شكرا

[mtohg=undefined]http://1.bp.blogspot.com/_qJyStfH2wHA/TUmTOaxhswI/AAAAAAAACzg/Hv1DPoMw8_I/s400/Kia-Picanto_2012_800x600_wallpaper_04.jpg[/mtohg][img2]http://4.bp.blogspot.com/_qJyStfH2wHA/TUmTC22TtWI/AAAAAAAACzY/ik9TahP3e14/s400/Kia-Picanto_2012_800x600_wallpaper_02.jpg[/img2]بيكانتو الجديدة شكلها وهمى

السيريون طبعا بس فى فرق سعر كبير
بس يابانى و جميلة

طبعا السيريون وابعد عن سوزوكي ومودرن موتورز اخويا معاه التو بتطلع عنينا في قطع غيارها

الاول مرحباً بيك فى المنتدى

السيلاريو مش منتشرة
بس فيها كماليات كويسة

البيكانتو
الشكل الجديد فيه 1000 سى سى فى رنج 66000 جنيه
و1300 فى الثمانينات
اللى فى السوق حالياً الخليجى
التوكيل لسه منزلهاش

السيريون عيبها ارتفاع سعر قطع غيارها

شكرا لك
إذا بماذا تنصحنى إن كنت أريد شراء هاتشباك صغيرة أتوماتيك ؟

السيرون افضلهم طبعا
بلاش سيلاريو
3 سليندر وصغيره جدا جدا جدا

اقتباس:

---

المشاركة الأصلية كتبت بواسطة eng_asa

شكرا لك
إذا بماذا تنصحنى إن كنت أريد شراء هاتشباك صغيرة أتوماتيك ؟

---

عايزة حاجة فى رنج كام

ما تجيب رينو سانديرو اللي هيا اللوجان الهاتشباك
الفول اوبشم ب حاجه و سبعين و اوروبي و كصالون واسعه و موتور 1600 قوي

بس هيا مانبوال بس مش اوتوماتيك

لو عايز عربية تستحمل و كويسة و في حدود نفس السعر يبقي بصراحة لا افضلك اي من الــ3 لأن هيبقي حرام تدفع السعر ده في عربية تخليك تندم بعد كده انك اشتريتها سواء في قطع الغيار او اعادة البيع او الحجم

و ده موضوع بخصوص السيلاريو
http://www.nilemotors.net/Nile/230408-a.html

الأفضل رينو لوجان و لو قلقان بخصوص مؤخرة العربية و مش هتقدر تشوفها الرينو الشنطة بتاعتها مرفوعة و لو مش عايز السيدان بتاعتها فيه هاتشباك بس اعلي حاجات بسيطة
بس شوفها و هتعجبك في كل حاجة ان شاء الله

و بالتوفيق ان شاء الله

لو فى الاحتمتالات اللى حضرتك حاططها ... يبقى سيرين بدون منافس ...

بالنسبة لاى اختيار تانى يبقى .... ممكن لوجان ... سيندرو رينو ....

أنا عاوزاها أتوماتيك ذات حجم صغير لسهولة الركن وفى رنج ٧٠ - ٩٠

فيه عندك اختيارات كتير فى الرنج ده
ابتداء من I10 - عيبها ارتفاع سعر قطع الغيار عن مثيلتها البيكانتو وسؤ التوكيل
التوكيل ممكن تتجنبيه بالتعامل مع مركز خدمة معتمد
I 20 بس هتكسرى الميزانية وبرده عيبها التوكيل وبتعمل 98000
الفيرنا وبرده عيبها التوكيل من 78 الى 80

الافيو بحوالى 87000 - لكن ابعدى عنها لمشاكلها ومشاكل توكيلها

الكيا
هيكون فيها الريو
لو 1400 سى سى بتكون حوالى 91000
لو 1600 سى سى بحوالى 94000
زجاج كهربا- مرايات كهربا - جنط 15 - كاسيت
الريو كويسة وتوكيلها جيد
حجمها معقول وعيبها مفيهاش وسائل امان كفاية زى Gen2

النيسان
الصنى من 89 الى 92 للفول اوبشن وسمعتها كويسة ومطلوبة فى السوق

البروتون

الساجا بحوالى 73000
Gen2 بحوالى 93000 ودى اللى تعتير اضخمهم

البروتون عربيات قوية عيبها
التوكيل ، لكن مدير خدمة العملاء هناك متعاون مع المنتدى جداً
بعض مشاكل التقفيل اللى بتقابل بعض العملاء

رينو سكالا
من 88 تكييف - باور - زجاج كهربا - سنتر - كاسيت الى 95 للفول اوبشن فوجات - Abs - مرايات كهربا
ممكن تجربيها فى فرع العبور test drive
توكيل رينو
من افضل التوكيلات
عيب السكالا : عدم انتشارها
وده معناه سعر اعادة بيع سيء ، عدم انتشار قطع الغيار خارج التوكيل
وده لينك مقارنه ليها مع الصنى
http://www.nilemotors.net/Nile/151931-a.html

الرينو السانديرو اللى هيا الهاتشباك فى اللوجان فيه كلام انها هتنزل اوتو قريب

جزاك الله خيرا
البروتون أعتقد أفضلهم لكن كنت أتمناها أصغر حجما كالبيكانتو
والبيكانتو الجديدة غالية فعلا مع امكانياتها

طيب سؤال أخير
السريون ٢٠١٢ ايه نظامها؟ وما سعرها ؟ برأيى هى الأفضل بهذا الحجم!
ومتى من المتوقع نزول ساندريو أوتو ؟

شكرا

السيرون افضل طبعا

http://www.nilemotors.net/Nile/241039-a.html

ده موضوع فيه شكل السيريون الجديدة
مش عارف هينزل مصر ولا لا

التوكيل فى رينة مش موضح لاى مواعيد عن السانديرو الاوتو
ولكن كان فيه خير من احد اعضاء المنتدى عن نزولها

السريون عيبها فى
ارتفاع اسعار قطع الغيار ولكن عمرها كقطع غيار معمر
وخدى بالك ان رفرفها فيه بومبيه شوية
يعنى تتعملى ابعادها كويس

وعلى فكرة
انتى مخوفة نفسك من الابعاد
العربيات دى حجمها متقارب ومش صعب قيادتها
اللى حجمه كبير
الالنترا
السيراتو
الكروز
لكن الموديلات دى مش هتلاقى فروق كبيرة فى قيادتها
ممكن تلاقى مشكلة مكان ركنة بس