الأسد العجوز عايز يطلع معاش ..... لو كنت مكاني تعمل ايه ؟

يوم الوقفة و انا مسافر من بني سويف الى مصر و في أول الطريق الصحراوي الشرقي , الأسد العجوز قرر انه يتمرد و يعلن عن ثورته ضد العمل معي بعد خدمة أكتر من 30 سنة ... و بعد عملية اعادة تأهيل العام الماضي تكلفت 18000 جنيه , و هانت العشرة على الأسد و قرر بكل عنف انه يتمرد ...
الحمد لله أنا طلعت من الثورة المباغتة دي سليم و بدون أي اصابات ..
لو كنت مكاني ايه التصرف المناسب مع الأسد ؟

http://dc366.4shared.com/img/cHCt20zc/P1020260.JPG

http://dc159.4shared.com/img/XdtADMlC/P1020261.JPG

http://dc386.4shared.com/img/1UfPjtpN/P1020262.JPG

http://dc342.4shared.com/img/Mfzm6byt/P1020263.JPG

http://dc423.4shared.com/img/BxzWKbXn/P1020264.JPG

http://dc261.4shared.com/img/mAzjxtNQ/P1020266.JPG

http://dc368.4shared.com/img/rLTlM2xE/P1020265.JPG

http://dc416.4shared.com/img/7kt5dnJf/P1020267.JPG

http://dc250.4shared.com/img/h5Xlx0N6/P1020268.JPG

هو مش اعلن العصيان دا فيه حد مسكه ضربه

دانا حاسس انه بيعيط

ولا هو خبط نفسه في حيطه ولا ايه

ده صعب عليا بجد

طريقة السرد دراما أوي و زعلتني جدا


الحمد لله علي سلامة حضرتك
التصرفات كلها مع البيجو مناسبه لأن العربيه هاتتعمل و ترجع زي الأول
لكن هل حضرتك محتاج تغير بحاجه حديثه و لا التفكير رايح فين

أنا أرجح التحديث

اقتباس:

---

المشاركة الأصلية كتبت بواسطة د.أحمد عبد الرحمن

هو مش اعلن العصيان دا فيه حد مسكه ضربه

دانا حاسس انه بيعيط

ولا هو خبط نفسه في حيطه ولا ايه

ده صعب عليا بجد

---

صح يا دوكتور

مات الاسد

مكانش ناوي يطلع معاش
كان ناوي علي الانتحار
حمدا لله علي سلامتك
ومش مهم الاسد بصراحه اشتغل لحد ما قال كفايه كده

السلام عليكم يا مزجنجي باشا، إيه هي متطلبات حضرتك من العربية الجديدة ؟ و ما هي الميزانية المرصودة للشراء؟

اه و نسيت أقول إن مهما حضرتك صرفت على عربية قديمة و تعبت.... للاسف عمرها مهترجع ذي الاول تاني... و بردو هتفضل موديل أديم و ما هينوبك إلا الصرف و وجع القلب مع عدم ضمان النتايج إلى حد كبير... ربنا يعملك الصالح إنشاء الله - أحمد سامي

أشكركم جميعا على الردود .
و أنا ماشي ضربت فردة كاوتش قدام يمين و العربية اتقلبت و الحمد لله

العربية دي أنا مرتبط بيها جدا لأنها عندنا من سنة 1978 لحد النهاردة و الحادثة دي أول حادثة تحصل للعربية , و كنت شديتها السنة اللي فاتت و صرفت عليها مبلغ محترم و لكن بكل أسف ماكانتش النتيجة زي ما انا متخيل , برضه العمر كبير و مش هترجع زي ماكانت من 20 سنة مثلا ...

أنا أفكر حاليا في بيعها بحالتها كده أو ركنها في الجراج و شراء سيارة جديدة لأن مهما صرفت عليها مش هتكون النتيجة مرضية لأني محتاج سيارة مريحة , سريعة , مكيفة و كل ده مش في الأسد ...
الميزانية للجديد في حدود 150 ألف

ألف سلامه على حضرتك. الحمدلله ان حضرتك سليم

من وجهة نظري ان العربيه الجديده تكسب.
كفايه راحة البال من مشاوير التصليح وكل شوية حاجه مش شغاله, او عدم وجود تكييف في الحر ده!

موضوع الذكريات والعشره ده كلنا مجربينه بس بننساه بعد فتره صغيره على طول :)
ولو حضرتك مصمم يبقى هات عربيه جديده وخلي القديمه للذكرى وليس إلا , وممكن تصلحها برضه بس براحتك مش هتبقى مستعجل عليها.

خلاص الاسد اعلن انه طلع معاااااااااااش
وبجد كفاية عليها اوى كدة
وبسم الله ماشاء الله انتا معاك مبلغ محترم
تقدر تجيب بيه عربية كويسة واروبى كمان
زى الفيلوانس او تزود حاجة بسيطة وتركب اوكتافيا
وربنا يوفقك للخير

والله زعلت اوى لما شفت الموضوع ... لانى عارف انك كنت بتشد فيها جامد جدا ... وتعبتك اوى ....

الحمد لله انها جت على قد كدا .... الف سلامة عليك

بس الكاوتش فرقع ليه ....؟؟؟ هو متغيرش فى العمرة ولا ايه ؟؟؟؟

الكاوتش جديد .... بس عمرها كده
بفكر جديا في عدم دخول دوامة التجديد دي مرة تانية .
هركنها حاليا لحد ما اشوفلها بيعة زي ما هيه كده
عجبتني قوي نيسان قاشقاي و هروح أشوفها يوم الخميس

اقتباس:

---

الكاوتش جديد .... بس عمرها كده
بفكر جديا في عدم دخول دوامة التجديد دي مرة تانية .
هركنها حاليا لحد ما اشوفلها بيعة زي ما هيه كده
عجبتني قوي نيسان قاشقاي و هروح أشوفها يوم الخميس

---

الحمد لله على كل شئ ...

بلاش التجديد حاليا ... سيبها كدا شوية ومتبعهاش ....

شوف استخدامك وانت عايز ايه وعلى اساسه حط فلوشك ..

اقتباس:

---

المشاركة الأصلية كتبت بواسطة mazagangee

الكاوتش جديد .... بس عمرها كده
بفكر جديا في عدم دخول دوامة التجديد دي مرة تانية .
هركنها حاليا لحد ما اشوفلها بيعة زي ما هيه كده
عجبتني قوي نيسان قاشقاي و هروح أشوفها يوم الخميس

---

طالما النيسان قشقاي عجبة حضرتك يبقي شوف الكيا سبورتاج الجديده بالمره
إختيار موفق جدا
إن شاء الله تجد ما تتمناه

ارشح الكيا سبورتينج .....

الاول حدد انت عايز ايه

اقتباس:

---

المشاركة الأصلية كتبت بواسطة MaZaGAngeE

أشكركم جميعا على الردود .
و أنا ماشي ضربت فردة كاوتش قدام يمين و العربية اتقلبت و الحمد لله

العربية دي أنا مرتبط بيها جدا لأنها عندنا من سنة 1978 لحد النهاردة و الحادثة دي أول حادثة تحصل للعربية , و كنت شديتها السنة اللي فاتت و صرفت عليها مبلغ محترم و لكن بكل أسف ماكانتش النتيجة زي ما انا متخيل , برضه العمر كبير و مش هترجع زي ماكانت من 20 سنة مثلا ...

أنا أفكر حاليا في بيعها بحالتها كده أو ركنها في الجراج و شراء سيارة جديدة لأن مهما صرفت عليها مش هتكون النتيجة مرضية لأني محتاج سيارة مريحة , سريعة , مكيفة و كل ده مش في الأسد ...
الميزانية للجديد في حدود 150 ألف

---

أولا حمدلله على سلامتك و طالما نزلت من الأسد سليم يبقى الأسد عداه العيب و قزح
و حاجة زي كده ده أكيد عيب كاوتش طالما بتقول انه لسة جديد
أكيد طبعا من حقك تزعل عشان صرفت جامد السنة اللي فاتت (أنا كنت متابع معاك و معجب جدا بمجهودك) بس نصيحة اخوية متخدش قرارك و أنت زعلان و ترجع تندم بعد كده (خد بالك دي عشرة 33 سنة )
عامة أنا لما جيت اجيب عربية قررت إني مش هفرط في الأسد تحت أي ظرف و الحمدلله جبت السيفيك زيرو و بعديها كورولا و رغم ذلك مازلت بفضل الأسد عليهم مليووون مرة و مخلي الأسد للمشاوير الطوالي و الكورولا و السيفيك عربيات الخضار :angelnot:
و ربنا يوفقك للي فيه الخير

حمد الله على سلامتك اولا وقدر الله وما شاء فعل. القاشقاي عربية ممتازة فعلا وممكن كمان تشوف الفورد الفوكاس هتعجبك جدا.

اقتباس:

---

المشاركة الأصلية كتبت بواسطة unendlich

أولا حمدلله على سلامتك و طالما نزلت من الأسد سليم يبقى الأسد عداه العيب و قزح
و حاجة زي كده ده أكيد عيب كاوتش طالما بتقول انه لسة جديد
أكيد طبعا من حقك تزعل عشان صرفت جامد السنة اللي فاتت (أنا كنت متابع معاك و معجب جدا بمجهودك) بس نصيحة اخوية متخدش قرارك و أنت زعلان و ترجع تندم بعد كده (خد بالك دي عشرة 33 سنة )
عامة أنا لما جيت اجيب عربية قررت إني مش هفرط في الأسد تحت أي ظرف و الحمدلله جبت السيفيك زيرو و بعديها كورولا و رغم ذلك مازلت بفضل الأسد عليهم مليووون مرة و مخلي الأسد للمشاوير الطوالي و الكورولا و السيفيك عربيات الخضار :angelnot:
و ربنا يوفقك للي فيه الخير

---

اقتباس:

---

المشاركة الأصلية كتبت بواسطة mido51eg

حمد الله على سلامتك اولا وقدر الله وما شاء فعل. القاشقاي عربية ممتازة فعلا وممكن كمان تشوف الفورد الفوكاس هتعجبك جدا.

---

متشكر جدا ليكم
الحقيقة أنا دايخ من أسبوع عمال أقارن بين فئات كتير و موديلات أكتر لحد ما دخت .... شراء عربية ده موضوع صعب جدا

معروض عليا 13 ألف فيها على حالتها كده
ايه رأيكم كويس و لا لأ ؟

اقتباس:

---

المشاركة الأصلية كتبت بواسطة mazagangee

معروض عليا 13 ألف فيها على حالتها كده
ايه رأيكم كويس و لا لأ ؟

---

هي بتعمل كام لو راشة دواخل يعني لو أتصلحت

اقتباس:

---

المشاركة الأصلية كتبت بواسطة hossam99

هي بتعمل كام لو راشة دواخل يعني لو أتصلحت

---

مش هترش دواخل عشان الحوض سليم تماما
بس لو هصلحها هتصرف 15 ألف
و بعد ما تتصلح ممكن تتباع ب 40 ألف
بس اللي اللي قالقني انها ممكن تعدي ال 15 الف و متجيبش 40 الف

ده اللي مخليني ميال للبيع على حالتها

اعتقد ممكن تجيب 15000 جنيه
لو بتفكر تبيعها قلي !

اقتباس:

---

المشاركة الأصلية كتبت بواسطة mazagangee

مش هترش دواخل عشان الحوض سليم تماما
بس لو هصلحها هتصرف 15 ألف
و بعد ما تتصلح ممكن تتباع ب 40 ألف
بس اللي اللي قالقني انها ممكن تعدي ال 15 الف و متجيبش 40 الف

ده اللي مخليني ميال للبيع على حالتها

---

أنا مليش خلفيه في سوق البيجو نهائي و ساعاتن بسمع فيه أسعار متفاوته من غير ما أعرف سببها أيه
المهم لو حضرتك واثق إن العربيه هاتجيبلك بعد التصليح مبلغ أكبر صلحها
أما لو حضرتك حاسس إن كل مشتري هايطلع فيها القطط الفاطسه يبقي بيعها علي كده

اقتباس:

---

المشاركة الأصلية كتبت بواسطة mazagangee

معروض عليا 13 ألف فيها على حالتها كده
ايه رأيكم كويس و لا لأ ؟

---

طب يا راجل يا طيب تفرط في عربية عزيزة عليك كده بـ 13 ألف !!!!

اقتباس:

---

المشاركة الأصلية كتبت بواسطة ashraf_ibrahim

اعتقد ممكن تجيب 15000 جنيه
لو بتفكر تبيعها قلي !

---

أيوة يا باشا عايز أبيعها على حالتها كده . لو عايز تشوفها كلمني و نرتب مع بعض
0100785234
0147540303

هو صحيح السبع سبع ولو كلت مخالبه
والفأر فأر ولو البسته الذهب
ولكن اعقلها وتوكل
خساره قريبه ولا مكسب بعيد
هو ده حال الدنيا للأسف
وربنا يعوض عليك
والحمد لله على سلامتك
وربنا يوفقك فى اللى فيه الخير

اقتباس:

---

المشاركة الأصلية كتبت بواسطة Unendlich

طب يا راجل يا طيب تفرط في عربية عزيزة عليك كده بـ 13 ألف !!!!

---

الصراحة مش هاين عليا خالص ... بس انا لسه موضبها من 8 شهور أو أقل تقريبا و صرفت 18 ألف ... بس أعمل ايه !!

دي مراحل التجديد اللي عملتها من قريب :
http://www.nilemotors.net/Nile/106866-a.html
http://www.nilemotors.net/Nile/140377-504.html
http://www.nilemotors.net/Nile/165731-504.html
http://www.nilemotors.net/Nile/163857-504.html
http://www.nilemotors.net/Nile/164328-504.html
http://www.nilemotors.net/Nile/151273-504.html
http://www.nilemotors.net/Nile/163090-504.html


http://www.nilemotors.net/Nile/179707-a.html

خلاص يا مزجانجي انا هكلمك بكرة ان شاء الله عشان اجي اشوف العربية وربنا يقدم اللي فيه الخير

اخوكم احمد من قسم الشيفروليه
ايام زمان قبل2005 كان معانا 504 وعايز اقولك العربيه دي ياما شافت عمله حدته سنه94 سنه ما انا شرفت بس الحمد لله مكناش فيها كانت مع عمي وطاير لان كان في عزاء كان جدي برضه لما شرفت (قدمي زي الفل:-) ) كان ماشي كده وفيه زي زيت في الارض قرب ميت ربيعه في بلبيس مع طيرانه العربيه اتزحقت وعامت ولبست في عمود نور وكملت وانقلبت في غيط رز الحمد لله ال5 طلعو سلام نيجي للعربيبه غيرت سقف وباب تقريبا كل الصاج الخارجي وكلفت حوالي12 الف جنيه في سنه 2004 روحنا بلدنا مجمعين واتخدنا عين وكنا مشافرين مصر ولما وصلنا ميت ربيعه بقي خلي بلكم كان فيه ماتش مصر والجزائر والحجج متعكنن وطاير هوب طلعه مطب كبس فرامل متقهمش ايه الي حصل العربيه عامت حودت بشكل بشع ولبست في الخرسانه واتقلبت ومشيت شويه وهي مقلوبه ولبست تاني في الخرسانه جابت اجلها والعربيه كانت طلعه من غير معالم
ولما صلحنها اتعملها عمرة ولما بابا ايده اكسرت بعض متش كورة كان مطش الاعتزال من الملاعب وكذاللك ال504 اتباعت ب35 الف وكان جيلنا فيها في الاول 37 الف واعتقد اي عربيه تغير سقف تبقي بلوة ولا الكلام ده في الجديد بس
بالنسبه للفرامل بابا بيقول ميكست عجلتن اه وعحلتين لاء

نصيحة وانا عارف انك بتحب النجمه الالماني
هات لك سي 180 2003 او اعلى حالة نظيفه
واحتفظ بالايد وصلحه على مهلك ال 504 الاستيشن في السوق عليها طلب اكتر من الفول والطعمية بالذات في الارياف والمحافظات وانت تعرف اكتر مني

بعت العربية الأسبوع اللي فات ب 12 ألف
حزين جدا على فراقها بس هنعمل ايه ........

ربنا يعوض عليك بأحسن منها ان شاء الله

ونتمنى انك تفضل معانا في عرين الاسود

مع ان زمن الاسد في مصر على الاقل انتهى ...

بس لو عايز تبدل و تجيب الاسد الجديد موديل ل2012 ضمن الميزانية الي حضرتك حطيتها و هي 150 الف .

البيجو 408 السيدان الجديدة نزلت ...
تبدا من 129 لاول فئة مانوال ل 165 لاعلى فئة هايلاين ( فيه في المنتصف 139 - 157)


[flash=http://i.netcarshow.com/ncs_show.swf?c=peugeot&m=2011-408]width=425 height=350[/flash]

وطبعا في اختها الاصغر ال308.