عرض للطباعة
ياجماعة انا عايز اخد رئيكم فى حاجة
انا معايا مبلغ بالمصرى حوالى 2000 وهزودهم كل شهر 500 طبعا هو مبلغ صغير بس انا لسة ببتدى الطريق
انا حابب احطهم فى البريد عشان الفايده 11 % وانا مش عايز بنوك خالص
فمش عارف احطهم بالمصرى ويزيدوا بالمصرى؟؟
ولا احولهم ليورو ولا دولار؟؟وانهى الافضل ومستقر اكتر؟؟
وياترى نظام الفايده ايه لو حطتهم باليورو او الدولار؟؟
رجاء الافاده وشكرا على مجهودكم
البريد زيه زي البنوك فوايده حرام
اشكرك اخى للمشاركة والرد
فايدة البريد مش 11% ، هى 9% فقط. ومع ذلك ما تزال أفضل من فائدة بنوك كثيرة.
ونصيحة خليهم بالمصرى طالما بتبص للفايدة .. لو حطيتهم بعملة أخر مش هتحس بأى فوائد نهائى.
على أى حال حسب معلوماتى فالبريد لا يقبل ايداعات بغير الجنيه المصرى.
كلام سليم :tumb:اقتباس:
المشاركة الأصلية كتبت بواسطة Egyzizo
من غير منخش في جدال حول مشروعيه فوائد ايداع الاموال في البنوك
ده راي دار الافتاء المصريه في هذا الموضوع
http://www.dar-alifta.org/viewStatement.aspx?ID=128&....=البنوك
وعلي الله قصد السبيل
وشكرا
بيشو ميلان افتكر ان الديانة مسيحية :) , البريد المصرى الايداع فية بالجنية المصرى والفوائد 9%
اشكركم يا اخواتى للرد
وعموما خلاص انا ممكن اقفل الموضوع طالما هو مضايق الناس كده
واسف انى زعلتكم بموضوعى
وشكرا لكل واحد فادنى او دخل الموضوع وعلق عليه
هو تقريبا مفيش حاجة مستقر غير الدهب
يعنى تشيلهم دهب، وكدة هتحافظ عل قيمتهم، بل هتزيد مع الزمن
دة رسم بيانى لقيمة الدهب من 2000 لحد 2007
http://images.goldworld.com/20070910_goldlondon.gif
هتلاحظ ان قيمة الاوقية زادت للضعف اى خلال 6 سنوات ونصف (مظنش ان قيمة الفلوس هتزيد الضعف فى المدة دى عن طريق الارباح)
وربنا يوفقك ويارب يزيدوا كمان وكمان
خليهم باليورو
لان اليورو على طول فى الطالع ... مقابل الجنيه والدولار
و مضمون اكتر
وحضرتك محدش اتضايق من موضوعك ... بس بعض الاخوة الاعضاء كانو فاكرينك مسلم فقالو يقولولك الحكم(الشرعى) للفوائد :)
وعلى فكرة فيه شيوخ كتير حللو الفوائد زى العلامة الشيخ يوسف القرضاوى ود على جمعة
امال احنا داخلين المنتدى الاجتماعى ليه مش علشان ناخد راى بعض ونتناقش مع بعض بالعكس موضوع مهم انا كنت فاكر ان البريد بيدى 11%اقتباس:
المشاركة الأصلية كتبت بواسطة beshomilan
العضو تضايق بسبب عدم الانتباه لاسمه وورود جدال عن شرعية الفوائداقتباس:
المشاركة الأصلية كتبت بواسطة aboomar22
فقدم له العذر
اقتباس:
المشاركة الأصلية كتبت بواسطة egyzizo
كلامك سليم مليون فى المية
بص يا جميل
انا لو مكانك كل ما احوش اشتريبي لي جنيه دهب وهكذا
الدهب احسن حل وما تسيبش فلوسك كاش للأننا داخلين علي ايام صعبة والتضخم المتوقع ممكن يقضي علي مدخراتك
وربنا يرزقك ويبارك لك
اقتراح الدهب معقول ..
بس أحد الأهداف الأساسية لايداع الفلوس فى بنك هو انها تكون فى أمان ..
ازاى ده يتوفر مع صــرة الدهب اللى تحت المرتبة؟
اشكركم يا اخوتى للردود الجميلة بجد والاراء الممتازة اللى مكنتش هقدر اوصلها مهما فكرت
ومفيش مشاكل حتى لو حد حاول ينصحنى :) كلكم اخواتى هنا
بس واضح ان موضوع العملات زى اليورو والدولار مش كويسين زى ماكنت فاكر (مع انى كان نفسى احولهم يورو)
بس انا مش عارف الجنيه الدهب يساوى كام واشتريه منين؟؟وكمان راى الاستاذ Egyzizo معقول جدا اللى هو
حتة الامان دى انا مش ضامنها فمش عارف اوفرها ازاى مع الدهب واحطه فين؟؟اقتباس:
اقتراح الدهب معقول ..
بس أحد الأهداف الأساسية لايداع الفلوس فى بنك هو انها تكون فى أمان ..
ازاى ده يتوفر مع صــرة الدهب اللى تحت المرتبة؟
شوف لك بلاطة فى حتة متدارية فى البيتاقتباس:
المشاركة الأصلية كتبت بواسطة beshomilan
او لفهم فى كيس نيلون وحطهم فى الكومبينيشن
او ممكن تجبلك خزنة صغيرة قوى قوى ، وتخفيها فى مكان محدش يعرفه غيرك، ومتجبش سيره لحد أصلا انك جايب دهب
هو اللي يجيب دهب يجيب سبايك صغيرة ولا جنيهات
انا ناوي إن شاء الله احوش للبنت الصغيرة دهب وطبعا حشتريه على حتت صغيرة اوي
فايه اقل سبيكة الواحد يجيبها
والسؤال اللي قاعد بسأل نفسي عليه من ساعت هي ما اتولدت
هل بعد 20 سنة مثلا لو تجمع معايا 20 جنيه دهب عشان جوازها وحيبقى تحويشة العمر ليها
لو رحت للجواهرجي حيرضى ياخدهم مني ولا حسرح بيهم في الاوتوبيس ساعتها
هو كده ماجابش سيره لحد الموضوع سرى للغايه كل الموضوع ان حوالى 100 ألف عضو هو بس باقى تحط عنوانك ورقم الشقهاقتباس:
المشاركة الأصلية كتبت بواسطة most_h
اقتباس:
المشاركة الأصلية كتبت بواسطة ahmed76
:tumb:
بالنسبه لخزائن ،، ممكن تأجر خزنة في أي بنك بحوالي 300 جنيه في السنه
المشكلة هي أن الدهب اسعاره عاليه جداً الأيام ده ،،،
متوسط سعر جرام الدهب اليوم فى مصر بعملة جنيه مصرى
الوحدة جنيه مصرى دولار أمريكى
سعر الذهب عيار 24----- 358.2----- 59.96 $
سعر الذهب عيار 22----- 328.35----- 54.97 $
سعر الذهب عيار 21----- 313.42----- 52.47 $
سعر الذهب عيار 18----- 268.65----- 44.97 $
سعر الذهب عيار 14----- 208.95----- 34.98 $
سعر الذهب عيار 10----- 149.25----- 24.99 $
اسعار أوقية الذهب -------11214.95----- 1877.45 $
اسعار جنيه الذهب------- 2507.36------- 419.76 $
اسعار كيلو الذهب------- 360560.56------ 60360.02 $
اقتباس:
المشاركة الأصلية كتبت بواسطة ahmed76
مش لازم يعنى فى الرايحة والجية يقعد يقول للناس انا شارى جنهات دهب علشان كتب الموضوع فى المنتدى
وانا واحد من الناس معرفش صاحب الموضوع
-,-
اقتباس:
المشاركة الأصلية كتبت بواسطة د.أحمد عبد الرحمن
انت بجد بارانويد :tumb::tumb::tumb:
الجنيهات و السبائك الذهب are as good as cash
وحياتك لو متباعوش مني ساعتها لحتلبسهماقتباس:
المشاركة الأصلية كتبت بواسطة أحمد كمال
وبسعر اغلى من سعر السوق كمان
يابني دي مش مشغولات عشان تتباع او ما تتباعش .... ده كاش و الله زي الدولار لو معاك مليون دولار و رحت البنك و قلت له فكهم لي جنيه هيقول لك اسرح بيهم؟اقتباس:
المشاركة الأصلية كتبت بواسطة د.أحمد عبد الرحمن
و بعدين حوش الاول و اشتري و اكنز و بعدين اقلق عالبيع بلا نيلة ههههههههههههههه
الدهب هو cash ذي ما أحمد كمال قال
ممكن تجيب جنيهات دهب بتكون عيار 21 و 8 غرام ، الخسارة فيها فليلة أوي مش فاكر كام بالظبط بس تقريباً حوالي 10 مليجرام
السبيكه أو ذي ما الناس بتقول ، الاونصه بتكون حوالي 31 غرام عيار 24 و فيه سبائك أكبر في الوزن ده.................. خسارتها تقريباً مفيش علشان إلي بيتخصم منها قليل مقارنة لقيمتها و ملهاش مصنعية خالص
أهم حاجة تشتري امتى.............. هو دة السؤال المهم
الموضوع بقى رائع جدا بجد بفضل خبرات الاعضاء الواسعة
طب هو الواحد يشترى الدهب ده منييييييييييين؟؟وازاااااا اااى؟؟وامتى؟؟
تشتري أيه : حساب المبلغ ألي معكاقتباس:
المشاركة الأصلية كتبت بواسطة beshomilan
تشتري منين و ازاي : من أي محل دهب ........ over المحلات معظمه قريب من بعضه...المهم تعرف و إنت بتسأل الدهب قاطع أد أيه علي الشاشة
تشتري امته : الله أعلم