-
عن الـ 620
كنت ماشى جنب البيت لاقيت الـ 620 واقفه لونها نبيتى معاها سائق نازل تلميع فيها . دخلت عليه .
أخبار العربيه دى معاك إيه . كويسه .
عمله أد إيه . 7000 ك .
بقالها أد إيه معاك . 3 شهور .
عجباك . أيوه .
مافيهاش عيوب جوهريه . لأ
مافيهاش عيوب لها حل حتى . هوه المساعدين إللى ورا العربيه كبيره عليهم وأنا قريب من مصر فى حته فى الطريق تفضل العربيه طالعه نازله فيه زى سوسته كده بيبان العيب ده فيها وعلشان كده هنشترى مساعدين من بره وندخل التوكيل يركبهم للخمس عربيات كلهم .
نعم . أصل إحنا شركة ..... للملاحه نسيت إسم الشركة طبعاً وإشترينا خمس عربيات .
طب مقلتوش للتوكيل ليه . قلنا وقالوا هيبعتوا الشركة الأم علشان يغيروا المساعدين بنوع أقوى .
طب مستنيتش ليه لما التعديل ييجى من الصين . أصل إحنا سغرياتنا كتير ومش هنقدر نستنى .
يعنى على بعضها حلوه ؟ . طبعاً ممتازه لغاية دلوقتى .
أتمنى أن أكون عرضت الموضوع كويس .
شكراً .
-
والله يا طارق بيه وحشنا الكلام عن العربيه من الناس الى ركباه وفضينا للخناقات والكلام الفاضى .
فين طارق ابراهيم
فين ايهاب عبد الحفيظ
فين عماد عثمان
فين الناس الى كانت بتتكلم عنها بحب غريب كانها المعشوقه او المحبوبه كلام بعيد عن الميكانيكا والزيت والمتور والعغشه واللبخ ده . كلام واحد راكب ومستمتع كلام واحد متجوز جديد وفى شهر العسل هوه فرحان ومبسوط وطاير فى السحاب والناس عماله تقوله مش كنت تسالنى قبل متتجوز اشرب بقه استنى بس لما العيال تيجى وتشوف قرفهم استنى لما المدام توريك الوش التانى استنى لما تشوف حماتك هتعمل فيك ايه . ايه يا اخوانا متسيبوا الراجل يفرح ويتبسط وبعدين لما يجى وقت الكلام ده ابقه كلموه .
والله وحشتونا يا طارق بيه
السلطان ابو النجا الاول
-
الله يكرمك ياسلطان .
إن شاء الله الأمور إلى الأحسن لاتقلق يارجل . :D
Content Relevant URLs by
vBSEO 3.6.0 PL2