السلام عليكم
مطلوب سيارة فيات 128 تكون بحالة جيدة وليست رشة دواخل ويفضل ان تكون 1300 cc
اي موديل فوق سنة 80
لا يزيد سعرها عن 13 الف ج
ويفضل وضع صورة للسيارة
وشكرا
عرض للطباعة
السلام عليكم
مطلوب سيارة فيات 128 تكون بحالة جيدة وليست رشة دواخل ويفضل ان تكون 1300 cc
اي موديل فوق سنة 80
لا يزيد سعرها عن 13 الف ج
ويفضل وضع صورة للسيارة
وشكرا
أكنك بتدور على أبرة في كوم قش بالمواصفات اللي أنت عاوزها دي .
ليه هي الطلبات دي مستحيلة ؟
طيب ايه البند اللي ممكن استغنى عنه؟
زي شرط "متكونش رشه دواخل" .. معظم العربيات 128 موديلات التمانينات راشه دواخل .. وذلك لمرور أكثر من عشرين سنة عليها ماشية في الشارع .. فأكيد حيكون فيها حاجة استدعت رش دواخلها ..أقلها لحام في الركب أو مرمات للبارومة أو تقويات للحوض من رزع الشارع طول السنين دية . وبالتالي رش الحوض أو الدواخل .
اللي بيحكم أيه هي أسباب رش الدواخل .. وهل اقفال العربية فابريكة ولا فيها لحامات وكذلك العلب والشاسيه والقوايم .... إلخ وبالتالي على هذه الأسس يتم تقييم العربية .
امال انا شايف عربيات كتيرة معروضة للبيع على موقع كونتاكت كار واصاحبها كاتبين ان عربياتهم مش رشة داوخل
ولا ده كدب؟
معلش اصل انا ماليش اي خبرات سابقة في العربيات
ما تخلي اللي يقول يقول .. وساعة الجد والمعاينة بيبقى فيه كلام تاني .. وبعدين بيبقى فيه تجار كتير بيعرضوا سياراتهم في المواقع دية وبتبقى مشنة عيش مش عربية .. فعلشان كدة خد معاك واحد ثقة وخبرة يعاين معاك العربية
عاوزك تعقل الكلام .. فيه عربية بقالها أكتر من عشرين أو خمسة وعشرين سنة ميكونش اتمس فيها حاجة في الدواخل حتى لو مش عاملة حوادث .. إلا حالات نادرة جداً جداً
على فكرة أنا عربيتي 128 موديل 88 1300 سي سي .. وأقسم بالله العظيم ويمين يحاسبني عليه ربنا أنها مش عاملة حوادث خالص وزي الفل وفابريكة .. بس أنا راشش الدواخل لوجود بعض المرمات فيها فلاقيت شكلها مش كويس في الحوض أو الشنطة فرشيت الدواخل .. بس تعالى وبص على أساسيات العربية وأقفال الحوض والشنطة حتلاقيها فابريكة بتاعة المصنع بس مرشوشة .. على فكرة أنا مش عارض العربية للبيع .. بس بديك مثال للتوضيح .
كلامك سليم ومنطقي جدا واشكرك على المعلومات الهامة
وياريت لو وقعت اودامك حاجة محترمه تكلمني الله يخليك
0123660296 وتبقى خدمتني
ربنا يسهل إن شاء الله .. بس أنا مش تاجر ولا بقلب في العربيات علشان حاجة تقع قدامي .. بس لو لاقيت حبقى أبلغك إن شاء الله .
حد اودامه عربيه محترمة يا شباب؟
انا معاية عربية 125 احسن من ال 128 في القوة والتحمل وماتور 1600cc ومعمولة عمرة من حوالي 8 شهور والعربية مبخرجش بيها الا في النادر وحالتها ممتازة من برة ومن جوة كويسة تعالي شوفها وكاوتشات تيوبلس بردو وتعالي شوف واحكم وهية موديل 72 بس معتقدش هتفرق الحالة العامة للسيارة الي بتحكم