بعض ما عندكم يا طناني باشا
عرض للطباعة
بعض ما عندكم يا طناني باشا
ده من ذوقك بس
و ربنا يزيدك من علمه
مين الي قال لحضرتك الكلام دة ؟؟؟
الدايلو سيليو نزلت بأكتر من أسم يعني شيفورلية نزلتها بأسم شيفورليه نيكسيا ودايو نزلتها بأسم سوبر ريسير ونزلتها بأسم هيفين
والدايو ريسير هي هي الدايو سيليو ونفس البودي ونفس الطابلوه مع اختلاف حاجات بسيطة جدا زي اماكن مفاتيح الزجاج الكهربائي كانوا في الريسير في عند فرامل اليد في السيليو طوروها وعملوا ال4 في باب السواق وغيروا مكان مفتاح الأنتظار وشوية حاجات بسيطة جدا
الأوبل كاديت هي الي اتعمل منها الدايو ليمانس وليس السيليو والليمانس اتطورت لتكون الريسر
اللانوس اخدت نفس قاعدة العجلات بتاعة السيليو والموتور واعتبروها compact cielo
النوبيرا اعتبروها grand cielo
الريسير بتنزل بمواتير 1500 انجيكشن
السيليو نزلت بمواتير 1500 انجيكشن (نفس مكنة الريسر)
اللانوس نزلت بمواتير 1500 انجيكشن (نفس مكنة السيليو)
وفي النهاية خلي بالك ان الدايو والشيفرولية والأوبل كلهم GM Family
والله المستعان
،
،
حمد لله على سلامة أخوك يا باشمهندس
الله يسلمك ويكرمك يانجد بيه
طمنتني يا طناني والله في حكايه الفاليو دي ....هركبه ان شاء الله االسبت مع شويه حاجات كده ....أغير البليه كمان ولا لأ؟؟وكمان هرد عليك في تجربه الطاره لو نفعت هعرفك
بالمناسبه الموتور الكاربرتير كان 1400 سي سي الله ينور عليك
بالنسبه لحاجه اللانوس هتحتاج اكتر من صفيره وكونترول يا طناني حسبت تكلفتها بتاع مثلا 1500 جنيه كده ....وكمان اخويا طمني ان الميكانيكي ركب الحاجات وظبطت مفهاش مشكله ......لسه هتروح الكهربائي عشان يجربو يدوروها
بس هو كده كده هيبيعها لأن قدمها وحش عليه من يوم ماشتراها ....يدورها ويبيعها
الناس كلها عارفه قصه الدايو والأوبل دنا اللى طلعت معرفهاش بقه ههههههههههه هو عربيه اخويا اصلا دايو سيليو بس انا بستسهل واقول نيكسيا عشان اشهر شويه وشبه بعض
وكلامك فعلا صح يا هيثم ......الريسر والاسبيرو ساعات بينزلو بموتور توين كام "كامتين "
كلامك تقريبا صح بس الريسر مش شبه السيليو من بره خالص
الله يسلمك يا اشرف ويكرمك ويخليك ليا يارب .....مرسي جدا علي سؤالك
=============================================
انا بتأسف جدا لكل الحبايب هنا اني مقصر اوى معاهم بس لبخه الجيش بس وقدر الله ماشاء فعل
لبست ظابط احتياط ....ادعولي اعدي المده علي خير
من النهارده مفيش مهندس محمد .....سعاه الظابط :N_no[1]:
عملية فى ايه
و خللى اخوك يدورها و يبيها طالما قدمها نحس
السلام عليكم
كل الكلام اللي حضرتك قولته جميل, انا معايا كاديت لما بلاقي حاجه ليها غاليه شويه او نادره بدور علي حاجة الدايو , يعني مثلا الابواب و الزجاج راسير او سيليو كله يركب و زي محضرتك قولت مع اختلاف اماكن مفاتيح الزجاج الكهربا اما التابلوه الراسير نسخه من الكاديت اما الليمانس و النيكسيا المجمل نفس الستايل مع اختلاف شكل او اماكن الزراير فيه و بالنسبه للعفشه و الماتور بتبقي لانوس علشان اللانوس كامه واحده مش اتنين زي السيليو و الريسير بيبقو كامتين
و زي ماقولت ان السيليو الاوروبي بيبقي اسمها نيكسيا و بيبقي فيها اختلافات بسيطه جدا عن السيليو ( فوج لايت للفوانيس الخلفيه - شكل مكان تثبيت اللوحه الخلفيه مختلف لاختلاف شكل اللوحات في كوريا عن اوروبا - محرك sohc - فرامل aps - مصابيح اماميه كهربا - سخانات كراسي - air bag ) و مش شرط يكون الحاجات ده كلها تكون موجوده مع بعض
و انا متفق مع حضرتك في اغلب الكلام اللي حضرتك كاتبه بس يمكن التعبير خاني و انا كنت اقصد ان الكاديت و الراسير بتنزل كاربراتير او انجيكشن spi و بيكونو sohc و علي فكره الراسير كوبي من الكاديت مع اختلاف العلامات و بعدين طوروها لليمانس ثم النيكسيا ( dohc و انجيكشن mpi ) و تقدر تتاكد من سنوات الموديلات
و علي فكره في شيفروليه كاديت برده !!!
و كلهم نفس البودي زي محضرتك قولت و معلش طولت عليك بس انا بكلمك من واقع عربيات كانت مع اصحاب ليه